YAP Şuşa rayon təşkilatı partiyanın yaranmasının 22-ci ildönümü ilə əlaqədar tədbir keçirib

Bakı:

16 °C

94 %

2 m/s

AZ RU EN

Ana səhifə / YAP xəbərləri / YAP Şuşa rayon təşkilatı partiyanın yaranmasının 22-ci ildönümü ilə əlaqədar tədbir keçirib

YAP Şuşa rayon təşkilatı partiyanın yaranmasının 22-ci ildönümü ilə əlaqədar tədbir keçirib

20.11.2014 [10:01]

Noyabrın 19-da “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin qərargahında Yeni Azərbaycan Partiyasının (YAP) yaradılmasının 22-ci ildönümünə həsr olunmuş tədbir keçirilib.
Tədbiri “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyinin İdarə Heyətinin sədri, Şuşa rayon İcra Hakimiyyətinin başçısı Bayram Səfərov açaraq “Müdrik Heydər Əliyevin şah əsəri olan müasir Azərbaycan dövləti bundan sonra da güclənəcək, zənginləşəcək və hərtərəfli inkişaf edəcəkdir” mövzusunda məruzə edib, YAP-ın keçdiyi 22 illik şərəfli yola qısa nəzər salıb, partiyanın əldə etdiyi uğurlar barədə danışıb.
Qeyd olunub ki, müstəqilliyinə yenicə qovuşmuş Azərbaycanda milli mənafe və dövlətçilik maraqlarının təmsilçisi olmaq kimi müqəddəs amalı özünün siyasi idealı, əsas strateji xətti seçən Yeni Azərbaycan Partiyasının yaranması tarixi zərurətdən, o illərdə mövcud olmuş siyasi durumun doğurduğu obyektiv şəraitdən irəli gəlib. Böyük siyasi xadim Heydər Əliyev ideyalarının daşıyıcısı olan bir partiyanın siyasi səhnəyə vəsiqə alması həm də 1988-ci ildən başlayaraq respublikada cərəyan edən hadisələrin yekunu, ictimai-siyasi şəraitin məntiqi nəticəsi idi. O dövrdə ölkəni bürümüş dərin siyasi, iqtisadi, sosial gərginlik xalqın qabaqcıl hissəsi olan tanınmış ziyalıları son dərəcə narahat edirdi. Məhz ona görə də, Azərbaycanın taleyini düşünən insanlar ölkəni böhrandan çıxara biləcək yeni bir partiya yaratmaq və xalqın dahi oğlu Heydər Əliyevin ətrafında sıx birləşmək haqqında düşünürdülər. Çıxışda daha sonra bildirilib ki, 1992-ci il noyabrın 21-də müstəqil Azərbaycanın dövlətçilik tarixində yeni səhifə açan əlamətdar hadisə baş verib, Naxçıvanda Yeni Azərbaycan Partiyasının təsis konfransı keçirilib. Konfransda böyük siyasi xadim Heydər Əliyev yekdilliklə partiyanın sədri seçilib. Həmin konfransda müəyyən olunmuş siyasi xətt bu gün də Yeni Azərbaycan Partiyasının Sədri Prezidentimiz İlham Əliyev tərəfindən uğurla davam etdirilir.
Tədbirdə YAP Şuşa rayon təşkilatının sədri Təvəkkül Əliyev “Yeni Azərbaycan Partiyası - böyük və şərəfli yol keçən partiyadır” mövzusunda və rayon təşkilatının fəaliyyəti barədə, İcra Hakimiyyəti başçısının müavini, YAP Şuşa rayon təşkilatı Qadınlar Şurasının sədri Vüsalə Fətəliyeva isə “Yeni Azərbaycan Partiyası Heydər Əliyevin haqq səsidir” mövzusunda məruzə ilə çıxış ediblər. Çıxışlarda vurğulanıb ki, Prezident, partiyamızın Sədri İlham Əliyevin rəhbərliyi altında YAP bundan sonra da uğurlu siyasətini qətiyyətlə davam etdirəcək.
Tədbirin sonunda YAP sıralarına qəbul olunmuş bir qrup gəncə üzvlük vəsiqəsi təqdim olunub.

Paylaş:

Baxılıb: 901 dəfə