Azərbaycan Konstitusiyası dünyanın ən demokratik konstitusiyalarından biridir

Bakı:

25 °C

57 %

5 m/s

Əlaqə

AZ RU EN

Ana səhifə / YAP xəbərləri / Azərbaycan Konstitusiyası dünyanın ən demokratik konstitusiyalarından biridir

Azərbaycan Konstitusiyası dünyanın ən demokratik konstitusiyalarından biridir

13.11.2014 [09:57]

Azərbaycan Konstitusiyası dünyanın ən demokratik konstitusiyalarından biridir. Bu konstitusiya özündə insan və vətəndaş hüquqlarını və vəzifələrini, qanunvericilik, icra və məhkəmə hakimiyyətini, dövlət quruluşunu, mülkiyyət formalarını ehtiva edir.
AzərTAc xəbər verir ki, bu fikirlər 12 noyabr Konstitusiya Günü münasibətilə Yeni Azərbaycan Partiyası (YAP) Nizami rayon təşkilatında keçirilən tədbirdə səsləndirilib.
Təşkilatın sədri, Milli Məclisin deputatı Sədaqət Vəliyeva Ulu öndər Heydər Əliyevin rəhbərliyi ilə 1995-ci il noyabrın 12-də ümumxalq səsverməsi (referendum) yolu ilə qəbul edilmiş müstəqil Azərbaycan Respublikasının ilk Konstitusiyasını beynəlxalq hüquq normalarına uyğun, insan hüquq və azadlıqlarına təminat verən mükəmməl hüquqi sənəd kimi dəyərləndirib.
Yeni Azərbaycan Partiyasının Siyasi Şurasının üzvü, Milli Məclisin deputatı Aydın Mirzəzadə bildirib ki, Sovet hakimiyyəti dövründə Azərbaycanda konstitusiya dəfələrlə dəyişdirilsə də, bir qayda olaraq imperiyanın mənafelərinə xidmət edirdi. Nəhayət, 18 il əvvəl qəbul olunmuş ilk milli Konstitusiyamız Azərbaycan xalqının seçdiyi yolun, arzu və istəklərinin təcəssümü olaraq meydana çıxıb.
Tədbirdə çıxış edən YAP Siyasi Şurasının üzvü, Nizami rayon İcra Hakimiyyətinin başçısı Tahir Budaqov deyib ki, Ümummilli lider Heydər Əliyevin Öz xalqı qarşısında ən böyük xidmətlərindən biri olan bu Konstitusiya zaman keçdikcə daha da təkmilləşdirilir və müasir dövrün tələbinə uyğun müddəalarla zənginləşdirilir. Ölkəmiz müstəqillik əldə etdikdən sonra yeni konstitusiyaya ehtiyac var idi. Bu məqsədlə Ümummilli lider Heydər Əliyevin rəhbərliyi ilə xüsusi komissiya yaradıldı və hazırlanan sənədin layihəsi ümumxalq səsverməsinə çıxarıldı. 1995-ci il noyabrın 12-də Azərbaycan Respublikasının ilk Konstitusiyası referendum yolu ilə qəbul olundu.
T.Budaqov əsası Ümummilli lider Heydər Əliyev tərəfindən qoyulmuş dövlət siyasətinin əsasında insan amilinin dayandığını, demokratik cəmiyyət quruculuğunun Prezident İlham Əliyev tərəfindən uğurla həyata keçirildiyini vurğulayıb.
Sonra YAP Siyasi Şurasının üzvü, “İki sahil” qəzetinin baş redaktoru Vüqar Rəhimzadə və Milli Məclisin deputatı Flora Qasımova çıxış edərək Azərbaycan Konstitusiyasının dünyanın ən demokratik konstitusiyalarından biri olmaqla, hüquqi dövlətin təməl prinsiplərini müəyyənləşdirdiyini qeyd ediblər.
Sonda partiyaya yeni qəbul edilmiş üzvlərə vəsiqələri təqdim olunub.

Paylaş:

Baxılıb: 989 dəfə