YAP Mingəçevir şəhər təşkilatında seçki kampaniyasını uğurla həyata keçirmək üçün bütün imkanlar mövcuddur

Bakı:

24 °C

55 %

6 m/s

AZ RU EN

Ana səhifə / YAP xəbərləri / YAP Mingəçevir şəhər təşkilatında seçki kampaniyasını uğurla həyata keçirmək üçün bütün imkanlar mövcuddur

YAP Mingəçevir şəhər təşkilatında seçki kampaniyasını uğurla həyata keçirmək üçün bütün imkanlar mövcuddur

05.11.2014 [10:20]

Cavanşir Yusubov: Partiyanın İcra Katibliyinin tövsiyə və tapşırıqlarına uyğun olaraq işimizi qurmuşuq
Yeni Azərbaycan Partiyası (YAP) bütün seçkilərdə olduğu kimi dekabrın 23-də ölkəmizdə keçiriləcək növbəti bələdiyyə seçkilərinə də ciddi şəkildə hazırlaşır. Partiyanın tədbirlər planına uyğun olaraq bütün yerli strukturlar bu kampaniyaya səfərbər edilib. Bu məqsədlə yerli təşkilatlarda fəal seçki qərargahları yaradılıb.
YAP-ın Mingəçevir şəhər təşkilatının Seçki Qərargahı da bələdiyyə seçkiləri kampaniyasına rəsmi start verildikdən sonra qanunvericiliyə uyğun olaraq tədbirlər həyata keçirir. YAP-ın Mingəçevir şəhər təşkilatının sədri, Seçki Qərargahının rəhbəri Cavanşir Yusubov bildirib ki, təşkilatda partiya üzvlərinin sayı 6 min 794 nəfərdir. Ərazi ilk partiya təşkilatının sayı isə 53-dür. Mingəçevir şəhər bələdiyyəsi üzvlərinin sayının 19 nəfər olduğunu deyən C.Yusubovun sözlərinə görə, buna müvafiq olaraq da YAP şəhər təşkilatı bələdiyyəyə 19 nəfərin namizədliyini irəli sürüb. “Partiyanın İcra Katibliyinin tövsiyə və tapşırıqlarına uyğun olaraq işimizi qurmuşuq. Namizədlərimiz əhali arasında tanınan, nüfuzlu, savadlı, bacarıqlı insanlardır. Namizəd irəli sürərkən biz gənclərə və qadınlara da üstünlük vermişik. Bilirsiniz ki, ölkəmizdə uğurlu gənclər siyasətinin həyata keçirilməsi nəticəsində yüksək intellektli gənc nəsil yetişib. Bu gənclər də, təbii ki, öz bilik və bacarıqlarını ölkəmizin inkişafına sərf etməlidirlər. Bu baxımdan, biz belə gənclərimizi irəli çəkərək şəhərimizin sosial-iqtisadi inkişafına öz töhfələrini verməsini istəyirik. Eləcə də, qadınların ölkəmizin ictimai-siyasi həyatında rolu artmaqdadır. Bu proses Mingəçevir şəhərində də özünü göstərir. Ona görə də, bələdiyyələrə namizədlər irəli sürülərkən qadınlara da etimad göstərilib”, - deyə YAP Mingəçevir şəhər təşkilatının sədri vurğulayıb.
Mingəçevirdə əhalinin sayının 101 min 086 nəfər olduğunu diqqətə çatdıran C.Yusubov seçicilərin 2 - 47 saylı Mingəçevir və 49 saylı Yevlax-Mingəçevir şeçki dairələrində səs verdiyini qeyd edib. Onun sözlərinə görə, 47 saylı seçki dairəsi üzrə məntəqələrin sayı 30, seçicilərin sayı isə 36 min 997 nəfərdir. 49 saylı Yevlax-Mingəçevir Seçki Dairəsinin isə Mingəçevir şəhəri üzrə məntəqələrinin sayı 12, seçicilərin sayı 11 min 983 nəfərdir. Mingəçevir şəhəri üzrə cəmi seçki məntəqələrinin sayı 42, seçicilərin sayı 48 min 980 nəfərdir.
Xatırladaq ki, YAP Mingəçevir şəhər təşkilatı Seçki Qərargahının 19 üzvü var. Qərargah seçki ilə bağlı bütün maddi-texniki təchizatla təmin olunub. Bir sözlə, qərargahda seçki kampaniyasını uğurla həyata keçirmək üçün bütün imkanlar mövcuddur.
Nardar BAYRAMLI

Paylaş:

Baxılıb: 1064 dəfə