Qaradağda 15 İyun-Milli Qurtuluş Gününə həsr olunmuş tədbir keçirilib

Bakı:

24 °C

54 %

6 m/s

Əlaqə

AZ RU EN

Ana səhifə / YAP xəbərləri / Qaradağda 15 İyun-Milli Qurtuluş Gününə həsr olunmuş tədbir keçirilib

Qaradağda 15 İyun-Milli Qurtuluş Gününə həsr olunmuş tədbir keçirilib

13.06.2014 [09:23]

Dünən Yeni Azərbaycan Partiyası (YAP) Qaradağ rayon təşkilatının Gənclər Birliyinin təşəbbüsü ilə 15 İyun-Milli Qurtuluş Gününə həsr olunmuş tədbir keçirilib. Tədbirdə ötən əsrin 90-cı illərində respublikamızın ictimai-siyasi həyatında baş verən hadisələr geniş təhlil olunub, məhz Ulu öndərin müdrikliyi və qətiyyəti sayəsində ölkəmizdə vətəndaş qarşıdurmasına son qoyulduğu, Azərbaycanın dövlət müstəqilliyinin məhv olmaq təhlükəsindən xilas edildiyi xüsusi vurğulanıb. Bildirilib ki, 20 il əvvəl xalqın təkidi və tələbi ilə yenidən siyasi hakimiyyətə gələn Ümummilli lider Heydər Əliyev dövlətçiliyimizin qorunmasını, müstəqilliyimizin əbədiliyini və dönməzliyini təmin edib.
Tədbirdə çıxış edən YAP Siyasi Şurasının üzvü, partiyanın Qaradağ rayon təşkilatının sədri Aydın Hüseynov müstəqilliyin ilk illərində Azərbaycanın üzləşdiyi gərgin ictimai-siyasi prosesləri təhlil edərək vurğulayıb ki, müstəqilliyin ilk illərində ölkədə həllini gözləyən çox ciddi problemlər özünü göstərirdi: “Təkcə iqtisadi sferada inflyasiya 1800 faizə çatmış, dövlət büdcəsinin kəsri 100 dəfəyə qədər artmışdı. Ölkədə vəziyyət get-gedə pisləşir, iqtisadiyyatın bütün sahələri sıradan çıxır, siyasi gərginlik artır, mənəvi aşınma baş verirdi. Ölkəni vətəndaş müharibəsi təhlükəsi gözləyirdi”.
Aydın Hüseynovun sözlərinə görə, məhz belə bir mürəkkəb şəraitdə xalqımızın təkidli tələbi ilə Ümummilli liderimiz Heydər Əliyev Naxçıvandan Bakıya qayıtdı, bütün problemləri qısa bir müddətdə aradan qaldırdı, dövlətçiliyin əsaslarını yaratdı. Hazırda isə Azərbaycan dövləti Prezident İlham Əliyevin rəhbərliyi ilə Ulu öndərin yaratdığı möhkəm bünövrə üzərində uğurla inkişaf edir.
Daha sonra tədbirdə Qaradağ rayon İcra Hakimiyyəti başçısının müavini, YAP Qaradağ rayon təşkilatı Qadınlar Şurasının sədri Təranə İsmayılova, Ə.Əmirov adına NQÇİ-nin rəisi Ramin Quliyev, YAP Qaradağ rayon təşkilatının Aparat rəhbəri Ruslan İsmayılov, Qaradağ rayon Gənclər və İdman İdarəsinin rəisi Elçin Abbasov, Gənclər Birliyi İdarə heyətinin üzvləri Aysel Qəribova, Taleh Həsənzadə, Arzu Mürsəliyeva Ulu öndərin Azərbaycan xalqı qarşısındakı misilsiz xidmətlərindən söz açıblar. Vurğulanıb ki, 1991-1993-cü illərdə bütün sahələrdə mövcud uğursuzluqlar ölkəmiz üçün ciddi problemlər yaratmışdı. Xalq belə çətin vəziyyətdə üzünü öz xilaskarına-Ulu öndər Heydər Əliyevə tutdu. Ümummilli lider hakimiyyətə qayıdışı ilə Azərbaycanı inkişaf yoluna çıxardı. Bu gün ölkəmiz beynəlxalq aləmdə sabitlik diyarı, iqtisadiyyatı sürətlə inkişaf edən, demokratik ölkə kimi tanınır və qəbul olunur.

Paylaş:

Baxılıb: 1001 dəfə