Masallıda “Azərbaycan tarixinin Heydər Əliyev dövrü” mövzusunda konfrans keçirilib

Bakı:

26 °C

54 %

5 m/s

Əlaqə

AZ RU EN

Ana səhifə / YAP xəbərləri / Masallıda “Azərbaycan tarixinin Heydər Əliyev dövrü” mövzusunda konfrans keçirilib

Masallıda “Azərbaycan tarixinin Heydər Əliyev dövrü” mövzusunda konfrans keçirilib

08.05.2014 [09:26]

Ümummilli lider Heydər Əliyevin anadan olmasının 91-ci ildönümü münasibətilə Masallı rayonunda “Azərbaycan tarixinin Heydər Əliyev dövrü” mövzusunda konfrans keçirilib. Yeni Azərbaycan Partiyası (YAP) Masallı rayon təşkilatının təşkilatçılığı ilə keçirilən konfransın iştirakçıları öncə Ulu öndərin abidəsi önünə tər gül-çiçəklər düzərək, əziz xatirəsinə ehtiramlarını bildiriblər. Sonra tədbir Heydər Əliyev Mərkəzinin iclas zalında davam etdirilib.
Tədbiri giriş sözü ilə Masallı rayon İcra Hakimiyyəti başçısının 1-ci müavini Nadir Abıyev açaraq deyib ki, konfrans müasir müstəqil Azərbaycan dövlətinin memarı və qurucusu, Ümummilli lider Heydər Əliyevin anadan olmasının 91-ci ildönümünə həsr olunub.
Daha sonra Yeni Azərbaycan Partiyası (YAP) Masallı rayon təşkilatının sədri Seyfəddin Əliyev geniş məruzə ilə çıxış edərək bildirib ki, Ulu öndər Heydər Əliyev Azərbaycan xalqının yaddaşında qurucu və xilaskar dövlət xadimi, Ümummilli lider və xalq məhəbbətini qazanan öndər kimi qalıb: “Xalqımızın tarixi taleyində, mənəvi, siyasi və ictimai həyatında, dövlət quruculuğunda Onun qədər misilsiz xidmətlər göstərən ikinci dövlət adamı tapmaq mümkün deyil. Heydər Əliyev dünyanın nadir, unikal, seçilən siyasət adamı idi”.
Təşkilat sədri onu da deyib ki, Ulu öndərin əsasını qoyduğu siyasət Prezident İlham Əliyev tərəfindən davam etdirilir. “Prezident İlham Əliyevin rəhbərliyi ilə ölkəmizdə bütün sahələrdə aparılan uğurlu islahatlar, əldə olunan nəticələr xalqın sabaha olan inamını daha da artırıb, Heydər Əliyev yolunun layiqincə davam etdirildiyinə, Ulu öndərin memarı olduğu müstəqil Azərbaycanın etibarlı əllərdə olduğuna möhkəm əminlik yaradıb”.
Tədbirdə çıxış edən Prezident təqaüdçüsü Şirvan Əbilov bildirib ki, bu günün fövqündən baxanda doğma Azərbaycanımızın gələcəyi işıqlı və firavan görünür: “Çünki müstəqil Azərbaycanın idarəçilik sükanı xalqımızın Ümummilli lideri Heydər Əliyevin layiqli davamçısı cənab İlham Əliyevin əlindədir. Məhz Ulu öndərimizin siyasətinin ölkə Prezidenti İlham Əliyev tərəfindən uğurlu davam etdirilməsi nəticəsində bu gün Azərbaycan bütöv bir regionda söz sahibinə çevrilib”.
Daha sonra Prezident təqaüdçüsü Məmmədhüseyn Həsənov, gənclərdən Flora İbadova və başqaları çıxış edərək bildiriblər ki, milli dövlətçiliyin möhkəmləndirilməsi və inkişaf etdirilməsi, demokratik cəmiyyət quruculuğu, siyasi, hüquqi və iqtisadi islahatların həyata keçirilməsi ilə bağlı Ulu öndərin ideyaları Azərbaycanın hazırkı və gələcək inkişaf strategiyasının əsasını təşkil edir.
Səlim Loğmanoğlu

Paylaş:

Baxılıb: 1024 dəfə