YAP Qubadlı rayon təşkilatı Ümummilli lider Heydər Əliyevin anadan olmasının 91-cı ildönümü münasibətilə silsilə tədbirlər keçirir

Bakı:

27 °C

38 %

8 m/s

AZ RU EN

Ana səhifə / YAP xəbərləri / YAP Qubadlı rayon təşkilatı Ümummilli lider Heydər Əliyevin anadan olmasının 91-cı ildönümü münasibətilə silsilə tədbirlər keçirir

YAP Qubadlı rayon təşkilatı Ümummilli lider Heydər Əliyevin anadan olmasının 91-cı ildönümü münasibətilə silsilə tədbirlər keçirir

30.04.2014 [09:01]

Ümummilli lider Heydər Əliyevin anadan olmasının 91-ci ildönümü münasibətilə Qubadlı rayon İcra Hakimiyyəti və Yeni Azərbaycan Partiyası (YAP) Qubadlı rayon təşkilatı silsilə tədbirlər keçirir. Bu münasibətlə rayon məktəbliləri arasında inşa yazısı, bilik və idman yarışları, şagirdlərin rəsm və əl işlərindən ibarət sərgi-müsabiqələri təşkil edilib.
Bu silsilədən növbəti tədbir dünən YAP Qubadlı rayon təşkilatının təşkilatçılığı ilə keçirilib. Tədbirdə YAP Qubadlı rayon təşkilatının sədri, Qubadlı rayon İcra Hakimiyyəti başçısının I müavini Allahverdi Haxverdiyev çıxış edərək bildirib ki, Ulu öndər Heydər Əliyevin xalqımız və dövlətimiz qarşısındakı xidmətləri misilsizdir. Millətinin və dövlətinin ali mənafeyini hər şeydən üstün tutan Ümummilli liderimiz bugünkü müstəqil Azərbaycanın memarıdır. “Məhz Ulu öndərin əsasını qoyduğu müstəqil Azərbaycanın iqtisadi inkişaf strategiyası sayəsində ölkəmizdə qısa zamanda bütün problemlər həll edildi, iqtisadi inkişafa nail olundu, yenicə müstəqillik əldə etmiş və müharibə şəraitində yaşayan ölkə olan Azərbaycanın beynəlxalq nüfuzu gücləndi. Ötən müddət ərzində Azərbaycanın nail olduğu inkişaf, tərəqqi bir daha sübut etdi ki, Prezident İlham Əliyev Ümummilli lider Heydər Əliyevin müəyyənləşdirdiyi siyasi kursu yaradıcılıqla və uğurla inkişaf etdirir. Məhz bu siyasi kursun uğurla davam etdirilməsi Azərbaycanı regionun liderinə çevirib”.
Daha sonra çıxış edən YAP Qubadlı rayon təşkilatının sədr müavini Əli Ələsgərov, Xocahan kənd tam orta məktəb ilk partiya təşkilatı sədri Fuad Bədəlov, rayon Ağsaqqallar Şurasının sədri Əvəz Həsənov, Qubadlı rayon Gənclər və İdman İdarəsinin rəisi Natiq Abbasov, YAP Qubadlı rayon təşkilatı Aparatının əməkdaşı Ülvi Qasımlı Ulu öndər Heydər Əliyevin Azərbaycan dövlətçiliyi qarşısında misilsiz xidmətlərindən danışıblar. Çıxış edən YAP Qubadlı rayon təşkilatının Gənclər Birliyinin sədri Aqil Quliyev Ulu öndər Heydər Əliyev tərəfindən əsası qoyulan gənclər siyasətinin bu gün Prezident İlham Əliyev tərəfindən uğurla davam etdirildiyini deyib. Daha sonra Yeni Azərbaycan Partiyası Qubadlı rayon təşkilatının yeni üzvlərinə üzvlük vəsiqələr verilib.
Pərviz SADAYOĞLU

Paylaş:

Baxılıb: 1101 dəfə