YAP İsmayıllı rayon təşkilatı “Yerli problemlərin həlli sahəsində bələdiyyələrin fəaliyyəti və bələdiyyə seçkiləri ilə bağlı qarşıda duran vəzifələr” mövzusunda tədbir keçirib

Bakı:

16 °C

88 %

4 m/s

AZ RU EN

Ana səhifə / YAP xəbərləri / YAP İsmayıllı rayon təşkilatı “Yerli problemlərin həlli sahəsində bələdiyyələrin fəaliyyəti və bələdiyyə seçkiləri ilə bağlı qarşıda duran vəzifələr” mövzusunda tədbir keçirib

YAP İsmayıllı rayon təşkilatı “Yerli problemlərin həlli sahəsində bələdiyyələrin fəaliyyəti və bələdiyyə seçkiləri ilə bağlı qarşıda duran vəzifələr” mövzusunda tədbir keçirib

02.04.2014 [09:15]

Yeni Azərbaycan Partiyası (YAP) İsmayıllı rayon təşkilatı Heydər Əliyev adına Mərkəzdə kənd ərazi ilk partiya təşkilatları sədrlərinin və bələdiyyə sədrlərinin iştirakı ilə “Yerli problemlərin həlli sahəsində bələdiyyələrin fəaliyyəti və bələdiyyə seçkiləri ilə bağlı qarşıda duran vəzifələr” mövzusunda tədbir keçirib.
Tədbiri giriş sözü ilə açan YAP İsmayıllı rayon təşkilatının sədri Əzizə Vahabova qeyd edib ki, dövlətin inkişafında ali məqsədlərdən olan sağlam vətəndaş cəmiyyətinin formalaşması əhəmiyyətli dərəcədə yerli özünüidarəetmənin inkişaf etdirilməsindən asılıdır. Qeyd edilib ki, yerli özünüidarəetmə inkişaf etmiş demokratik, hüquqi və sosial dövlətin və bu dövlətdə mövcud olan vətəndaş cəmiyyətinin ən mühüm subyektlərindən biridir. Müasir dövrdə praktikada geniş yayılmış yerli özünüidarəetmə vahidi bələdiyyələrdir. Bələdiyyələr digər yerli özünüidarəetmə vahidlərindən həm əhalinin sayına, həm də hüquq, vəzifə və səlahiyyətlərinə görə fərqlənir. Bələdiyyələr xalqa daha yaxın yerli özünüidarə vahidləridir. Bunun səbəbi bələdiyyələrə məxsus vəzifələrin xalqın gündəlik həyatı ilə sıx bağlı olmasıdır. Məhz buna görə də, Azərbaycan Respublikasının 1995-ci il 12 noyabrda ümumxalq səsverməsi-referendum ilə qəbul edilmiş Konstitusiyasının 142-ci maddəsində birmənalı olaraq Azərbaycanda yerli özünüidarəetmənin bələdiyyələr tərəfindən həyata keçirildiyi göstərilir.
İsmayıllı rayonu ərazisində olan bələdiyyələr fəaliyyətdə olduqları müddətdə rayonun iqtisadi inkişafına müəyyən töhfələr veriblər. Belə ki, əsasən kənd ərazilərində bələdiyyələrin öz daxili imkanları hesabına kəndarası yollara çınqıl tökülüb, bələdiyyə tabeliyində olan binalarda, ərazilərdə abadlıq işləri aparılıb. Bələdiyyə sədrləri əhali ilə vaxtaşırı görüşlər keçirib, bələdiyyə tabeçiliyində olan ərazilərdə əhalinin təsərrüfat fəaliyyəti ilə məşğul olması üçün onlara lazimi köməklik göstəriblər.
Daha sonra çıxış edən YAP İsmayıllı rayon təşkilatının Şura üzvləri Rövşən Ağayev və Rüstəm Səmədov bildiriblər ki, respublikamızda bələdiyyələrin fəaliyyəti, onların texniki təchizatı və maliyyə problemlərinin həlli istiqamətində böyük işlər görülməkdədir. İsmayıllı rayonu ərazisində olan bələdiyyələrin fəaliyyəti, onların daha da inkişafı və əhalini narahat edən problemlərin həllində daha səmərəli fəaliyyət göstərməsi məqsədilə onlar üçün şərait yaradılıb. Bələdiyyələrin iş keyfiyyətinin yaxşılaşdırılması istiqamətində müəyyən tədbirlər davam etdirilir.
PƏRVİZ

Paylaş:

Baxılıb: 1028 dəfə