Biz həm dünya iqtisadiyyatını enerji resursları ilə təchiz edən ölkəyik, həm də Mərkəzi Asiya ölkələrindən Xəzər vasitəsilə enerji resurslarının daha sonra beynəıxalq bazarlara tranzitini həyata keçiririk.

Bakı:

22 °C

60 %

5 m/s

AZ RU EN

Ana səhifə / YAP xəbərləri / Biz həm dünya iqtisadiyyatını enerji resursları ilə təchiz edən ölkəyik, həm də Mərkəzi Asiya ölkələrindən Xəzər vasitəsilə enerji resurslarının daha sonra beynəıxalq bazarlara tranzitini həyata keçiririk.

Biz həm dünya iqtisadiyyatını enerji resursları ilə təchiz edən ölkəyik, həm də Mərkəzi Asiya ölkələrindən Xəzər vasitəsilə enerji resurslarının daha sonra beynəıxalq bazarlara tranzitini həyata keçiririk.

22.09.2026 [15:00]

Vüsal Hüseynov

YAP Xocavənd rayon təşkilatının sədri

Azərbaycanın beynəlxalq münasibətlər sistemində artan rolu, əlverişli coğrafi mövqeyi və həyata keçirdiyi məqsədyönlü enerji siyasəti ölkəmizi Avropa ilə Asiya arasında mühüm enerji və nəqliyyat qovşaqlarından birinə çevirib. Azərbaycanın enerji təhlükəsizliyinə verdiyi töhfə yalnız özünün enerji resurslarının dünya bazarlarına çıxarılması ilə məhdudlaşmır. Ölkəmiz eyni zamanda Mərkəzi Asiya dövlətlərinin enerji resurslarının Xəzər dənizi vasitəsilə beynəlxalq bazarlara çatdırılmasında mühüm tranzit imkanları təqdim edir.

Prezident İlham Əliyev sentyabrın 17-də Bakıda Türk Dövlətləri Təşkilatına üzv ölkələrin təhlükəsizlik üzrə rəhbər şəxsləri ilə görüşündə Azərbaycanın bu istiqamətdəki roluna diqqət çəkərək bildirmişdir: “Biz həm dünya iqtisadiyyatını enerji resursları ilə təchiz edən ölkəyik, həm də Mərkəzi Asiya ölkələrindən Xəzər vasitəsilə enerji resurslarının daha sonra beynəlxalq bazarlara tranzitini həyata keçiririk”.

Bu fikir Azərbaycanın enerji strategiyasının regional və qlobal əhəmiyyətini aydın şəkildə ifadə edir. Azərbaycan uzun illər ərzində enerji resurslarının hasilatı, nəqli və ixracı sahəsində mühüm infrastruktur formalaşdırıb. Ölkənin həyata keçirdiyi enerji layihələri həm milli iqtisadiyyatın inkişafına, həm də tərəfdaş dövlətlərin enerji təhlükəsizliyinin təmin olunmasına xidmət edir. Türk Dövlətləri Təşkilatına üzv ölkələrin zəngin təbii ehtiyatlara malik olması bu sahədə əməkdaşlığın daha da genişləndirilməsi üçün ciddi potensial yaradır. Prezident İlham Əliyev çıxışında vurğulayıb ki, bu təbii ehtiyatlar dövlətlərin möhkəmlənməsinə, xalqların rifahının yüksəlməsinə xidmət etməklə yanaşı, bütün dünya üçün də mühüm rol oynayır. Hazırkı beynəlxalq şəraitdə enerji təhlükəsizliyi məsələsinin xüsusi əhəmiyyət kəsb etməsi də bu əməkdaşlığın strateji mahiyyətini artırır.

Azərbaycanın enerji və nəqliyyat imkanları Türk dünyası dövlətləri arasında iqtisadi əlaqələrin inkişafı üçün də geniş imkanlar açır. Enerji, nəqliyyat, logistika və kommunikasiya layihələrinin paralel şəkildə inkişaf etdirilməsi region ölkələrinin qarşılıqlı bağlılığını gücləndirir və ticarət əlaqələrinin genişlənməsinə şərait yaradır.

Bu baxımdan Azərbaycan yalnız enerji resurslarının ixracatçısı deyil, həm də regional enerji və nəqliyyat sistemlərinin mühüm iştirakçısı kimi çıxış edir. Ölkəmizin təşəbbüsü və iştirakı ilə reallaşdırılan layihələr Xəzər hövzəsi ilə Avropa arasında əlaqələrin möhkəmlənməsinə və Mərkəzi Asiya dövlətlərinin dünya bazarlarına çıxış imkanlarının genişlənməsinə xidmət edir.

Azərbaycanın bu istiqamətdəki fəaliyyəti Türk Dövlətləri Təşkilatının iqtisadi potensialının artırılması baxımından da mühüm əhəmiyyət daşıyır. Prezident İlham Əliyevin qeyd etdiyi kimi, TDT məkanından mühüm enerji və nəqliyyat marşrutları keçir və bu marşrutlar yalnız təşkilata üzv ölkələr üçün deyil, daha geniş region üçün də əhəmiyyətlidir.

Azərbaycanın qarşıdakı dövrdə də enerji resurslarının təhlükəsiz və etibarlı marşrutlarla beynəlxalq bazarlara çıxarılmasında, Mərkəzi Asiya ilə Avropa arasında əlaqələrin gücləndirilməsində və regional enerji təhlükəsizliyinin təmin olunmasında fəal rol oynayacağı gözlənilir. Bu istiqamətdə həyata keçirilən layihələr Azərbaycanın strateji tranzit ölkə kimi mövqeyini möhkəmləndirməklə yanaşı, Türk Dövlətləri Təşkilatı məkanında qarşılıqlı faydalı əməkdaşlığın daha da dərinləşməsinə xidmət edir.

Paylaş:

Baxılıb: 187 dəfə