Güclü Azərbaycan, inkişaf edən Naxçıvan

Bakı:

23 °C

64 %

5 m/s

Əlaqə

AZ RU EN

Ana səhifə / YAP xəbərləri / Güclü Azərbaycan, inkişaf edən Naxçıvan

Güclü Azərbaycan, inkişaf edən Naxçıvan

18.08.2026 [14:23]

11 avqust 2026-cı ildə Prezident İlham Əliyev Naxçıvan Muxtar Respublikasına səfəri çərçivəsində Azərbaycan Televiziyasına müsahibə verib. Dövlət başçısının müsahibəsi Naxçıvanın bugünkü inkişafı, qarşıdakı hədəfləri və Azərbaycanın regionda həyata keçirdiyi strateji siyasətin mühüm istiqamətlərinə dair fikirləri ilə diqqət çəkib.
Naxçıvana səfər çərçivəsində dövlət başçısının diqqət yetirdiyi əsas məsələlərdən biri muxtar respublikanın sosial-iqtisadi inkişafının sürətləndirilməsi və insanların rifahının daha da yüksəldilməsi olub. Bu baxımdan sosial evlərin təməlinin qoyulması, DOST Regional Mərkəzinin açılması, yeni infrastruktur layihələrinin həyata keçirilməsi mühüm əhəmiyyət daşıyır.
Müsahibə və səfər çərçivəsində Naxçıvanın gələcək şəhərsalma inkişafı da xüsusi diqqət mərkəzində olub. Dövlət başçısı Naxçıvan şəhərinin 2044-cü ilədək inkişafına dair Baş Planla tanış olub. Bu, qədim şəhərin müasir tələblərə uyğun inkişaf etdirilməsi, rahat və dayanıqlı şəhər mühitinin formalaşdırılması baxımından mühüm strateji addımdır.
Digər mühüm istiqamət nəqliyyat-kommunikasiya imkanlarının genişləndirilməsidir. Naxçıvanın Azərbaycanın əsas hissəsi ilə əlaqələrinin gücləndirilməsi, dəmir yolu və avtomobil infrastrukturlarının inkişafı, regionun beynəlxalq nəqliyyat dəhlizlərində rolunun artırılması Azərbaycanın uzunmüddətli strateji hədəfləri sırasında xüsusi yer tutur.
Naxçıvanın enerji potensialından səmərəli istifadə olunması da gələcək inkişafın əsas istiqamətlərindəndir. “Şəms 1” və “Qərbi Üfüq” Günəş Elektrik stansiyaları ilə bağlı görülən işlər regionda yaşıl enerjiyə keçidin və dayanıqlı enerji siyasətinin mühüm nümunələridir.
Səfər çərçivəsində Naxçıvan Sənaye Parkının təməlinin qoyulması isə sənaye potensialının artırılması, yeni istehsal sahələrinin yaradılması, məşğulluğun genişləndirilməsi və özəl sektorun inkişafı baxımından əhəmiyyətli addımdır.
Eyni zamanda, Naxçıvanın zəngin tarixi-mədəni irsinin qorunması və gələcək nəsillərə çatdırılması istiqamətində görülən işlər də diqqət çəkir.Möminə xatun türbəsində aparılan bərpa işləri və memar Əcəmi Naxçıvaninin abidəsinin açılışı qədim Naxçıvanın Azərbaycan tarixində və mədəniyyətindəki xüsusi yerinin bir daha nümayişidir.
Prezident İlham Əliyevin səfəri bir daha göstərir ki, Naxçıvanın inkişafı dövlət siyasətinin mühüm istiqamətlərindən biridir. Sosial rifahın yüksəldilməsi, müasir infrastrukturun qurulması, sənaye və enerji potensialının artırılması, nəqliyyat imkanlarının genişləndirilməsi və tarixi-mədəni irsin qorunması paralel şəkildə həyata keçirilir.
Naxçıvanın inkişafı Azərbaycanın güclənməsi, regionda yeni imkanların yaranması və gələcəyə hesablanmış strateji hədəflərin reallaşdırılması deməkdir.

Pirverdiyeva Gülüş - YAP Qusar rayon təşkilatının fəalı.

Paylaş:

Baxılıb: 175 dəfə