Azərbaycan–Almaniya münasibətlərində yeni inkişaf mərhələsi

Bakı:

18 °C

88 %

0 m/s

Əlaqə

AZ RU EN

Ana səhifə / YAP xəbərləri / Azərbaycan–Almaniya münasibətlərində yeni inkişaf mərhələsi

Azərbaycan–Almaniya münasibətlərində yeni inkişaf mərhələsi

24.07.2026 [23:52]

Səxavət Həsənov

YAP Kəngərli rayon təşkilatının fəalı

Azərbaycan Respublikasının Prezidenti İlham Əliyevin 21 iyul 2026-cı il tarixində Almaniya Federativ Respublikasına rəsmi səfəri iki ölkə arasında siyasi, iqtisadi və enerji sahəsində əməkdaşlığın daha da inkişaf etdirilməsi baxımından mühüm əhəmiyyət daşıyır. Səfər çərçivəsində verilən bəyanatda Azərbaycan–Almaniya münasibətlərinin hazırkı vəziyyəti və gələcək inkişaf perspektivləri geniş şəkildə dəyərləndirilmiş, xüsusilə iqtisadi əməkdaşlıq, investisiyalar və enerji təhlükəsizliyi məsələlərinə xüsusi diqqət yetirilmişdir.

Prezident İlham Əliyev qeyd etmişdir ki, hazırda Almaniyanın bir çox şirkətləri Azərbaycanda uğurla fəaliyyət göstərir və fəal işləyən şirkətlərin sayı 200-dən çoxdur. Bu fakt Azərbaycanın əlverişli investisiya mühitinə, sabit iqtisadi siyasətinə və xarici investorlar üçün yaratdığı imkanlara olan etimadı nümayiş etdirir. Almaniya dünyanın qabaqcıl sənaye və texnologiya mərkəzlərindən biri olduğuna görə, alman şirkətlərinin Azərbaycanda fəaliyyətinin genişlənməsi ölkənin qeyri-neft sektorunun inkişafına, müasir texnologiyaların tətbiqinə, yeni iş yerlərinin yaradılmasına və iqtisadiyyatın şaxələndirilməsinə mühüm töhfə verəcəkdir. Prezident səfərin nəticəsi olaraq alman şirkətlərinin sayının daha da artacağına əminliyini ifadə etmiş və onların fəaliyyətinin genişləndirilməsi üçün konkret təkliflərin irəli sürüldüyünü vurğulamışdır.

Bəyanatda qarşılıqlı sərmayə qoyuluşu məsələləri də xüsusi yer tutmuşdur. Azərbaycan son illərdə xarici investisiyaların cəlb edilməsinə və sahibkarlığın inkişafına yönəlmiş mühüm islahatlar həyata keçirir. Almaniya şirkətlərinin müxtəlif sahələrə, xüsusilə sənaye, kənd təsərrüfatı, nəqliyyat, rəqəmsal texnologiyalar və bərpa olunan enerji sektorlarına investisiya yatırması hər iki ölkənin iqtisadi maraqlarına xidmət edir. Eyni zamanda, Azərbaycan şirkətləri üçün də Almaniya bazarında əməkdaşlıq imkanlarının genişlənməsi qarşılıqlı iqtisadi əlaqələrin möhkəmlənməsinə şərait yaradır.

Prezident İlham Əliyevin bəyanatında enerji sahəsində əməkdaşlıq xüsusi əhəmiyyət kəsb edir. Bildirilmişdir ki, 2026-cı ildən etibarən Azərbaycan öz təbii qazını Almaniyaya ixrac etməyə başlamışdır. Bununla da Azərbaycanın təbii qazı artıq Avropa İttifaqına üzv 10 ölkəyə çatdırılır. Bu, Azərbaycanın Avropanın enerji təhlükəsizliyinin təmin edilməsində etibarlı tərəfdaş olduğunu bir daha təsdiq edir. Xüsusilə son illərdə qlobal enerji bazarında baş verən dəyişikliklər fonunda Azərbaycanın enerji resursları Avropa üçün alternativ və etibarlı mənbə kimi böyük əhəmiyyət daşıyır.

Bununla yanaşı, Azərbaycan artıq uzun illərdir Almaniyaya neft ixrac edir. Gələcəkdə isə ölkəmiz yaşıl enerji istehsalını artıraraq onu Avropa bazarına çatdırmağı qarşıya mühüm məqsəd kimi qoymuşdur. Günəş və külək enerjisi sahəsində həyata keçirilən iri layihələr Azərbaycanın enerji siyasətində yeni mərhələnin başlanğıcını təşkil edir. Bu istiqamətdə Almaniyanın qabaqcıl texnologiyaları və təcrübəsi ilə əməkdaşlıq hər iki ölkə üçün yeni imkanlar yaradacaq və ekoloji cəhətdən dayanıqlı inkişafın təmin edilməsinə töhfə verəcəkdir.

Prezident İlham Əliyevin Almaniyaya rəsmi səfəri zamanı verdiyi bəyanat Azərbaycan–Almaniya münasibətlərinin strateji tərəfdaşlıq səviyyəsində inkişaf etdiyini göstərir. Səfər zamanı aparılan müzakirələr və irəli sürülən təşəbbüslər iqtisadi əlaqələrin genişlənməsinə, investisiya mühitinin daha da yaxşılaşmasına, enerji əməkdaşlığının güclənməsinə və yaşıl enerji sahəsində yeni layihələrin həyata keçirilməsinə zəmin yaradır. Bu əməkdaşlıq yalnız iki ölkənin deyil, həm də Avropanın enerji təhlükəsizliyi, regional sabitlik və davamlı iqtisadi inkişaf baxımından mühüm əhəmiyyət daşıyır. Buna görə də Prezident İlham Əliyevin bu səfəri və verdiyi bəyanat Azərbaycan–Almaniya münasibətlərinin gələcək inkişafında yeni mərhələnin başlanğıcı kimi qiymətləndirilə bilər.

Paylaş:

Baxılıb: 296 dəfə