Strateji əməkdaşlıq müstəvisi

Bakı:

26 °C

48 %

2 m/s

Əlaqə

AZ RU EN

Ana səhifə / YAP xəbərləri / Strateji əməkdaşlıq müstəvisi

Strateji əməkdaşlıq müstəvisi

25.06.2026 [11:24]

İntiqam Quliyev

YAP Ağdam rayon təşkilatının sədr müavini

Azərbaycan ilə Türkmənistan arasında münasibətlərin son illərdə yüksələn xətt üzrə inkişaf etməsi də məhz belə möhkəm hüquqi-siyasi təməllərə əsaslanır.

2026-cı il iyunun 22-də Türkmənistan Prezidenti Sərdar Berdiməhəmmədovun Azərbaycana dövlət səfəri çərçivəsində keçirilən görüşlər və aparılan müzakirələr iki ölkə arasında əməkdaşlığın yeni istiqamətlərini müəyyənləşdirməklə yanaşı, mövcud tərəfdaşlığın daha da dərinləşdirilməsi üçün mühüm zəmin yaratdı. Türkmənistan Prezidentinin Azərbaycana dövlət səfəri və Prezident İlham Əliyevin mətbuata verdiyi bəyanat Azərbaycan-Türkmənistan münasibətlərinin yüksələn xətt üzrə inkişaf etdiyini bir daha nümayiş etdirdi. Bəyanatda iqtisadi əməkdaşlığın genişləndirilməsi xüsusi yer tutub. Prezident İlham Əliyev mətbuata bəyanatında qeyd etdi ki, səfər çərçivəsində imzalanmış sənədlər Azərbaycan–Türkmənistan əlaqələrinin gələcək inkişafına xidmət edəcək və əməkdaşlığın yeni istiqamətlərini müəyyənləşdirəcək. Bu sənədlər siyasi dialoqun genişləndirilməsi, iqtisadi əlaqələrin inkişafı, nəqliyyat-kommunikasiya sahəsində əməkdaşlığın gücləndirilməsi və humanitar münasibətlərin dərinləşdirilməsi baxımından xüsusi əhəmiyyət daşıyır. Prezident İlham Əliyev enerji, nəqliyyat, logistika və ticarət sahələrində qarşılıqlı fəaliyyətin böyük perspektivlərə malik olduğunu bildirib. Xəzər dənizi vasitəsilə həyata keçirilən yükdaşımaların həcminin artması, Şərq-Qərb və Orta Dəhliz marşrutlarının inkişafı fonunda Azərbaycan və Türkmənistanın əməkdaşlığı regionun geoiqtisadi əhəmiyyətini daha da artırır.

Dövlət başçısı çıxışında nəqliyyat sahəsini qarşılıqlı fəaliyyətin əsas istiqamətlərindən biri kimi qiymətləndirib. Azərbaycanın yaratdığı müasir nəqliyyat infrastrukturu, beynəlxalq limanlar və logistika imkanları Türkmənistan üçün də geniş əməkdaşlıq perspektivləri açır. Bu baxımdan iki ölkə arasında koordinasiyanın gücləndirilməsi həm region dövlətləri, həm də Avrasiya məkanında iqtisadi əlaqələrin inkişafına mühüm töhfə verəcəkdir. Qeyd edək ki, Bəyanatda nəqliyyat və logistika sahəsində əməkdaşlığın strateji əhəmiyyəti xüsusi vurğulanmışdır. Prezident İlham Əliyev bildirmişdir ki, Azərbaycan və Türkmənistanın birgə səyləri nəticəsində formalaşan etibarlı nəqliyyat marşrutları yalnız iki ölkə üçün deyil, bütövlükdə region və geniş coğrafiya üçün mühüm əhəmiyyət daşıyır. Tərəflər yükdaşımaların artırılması və yeni tranzit imkanlarının yaradılması istiqamətində fəaliyyətlərini daha da əlaqələndirmək barədə razılığa gəlmişlər.

Paylaş:

Baxılıb: 41 dəfə