Avropanın enerji təhlükəsizliyi və Azərbaycanın dəyişməyən strateji rolu

Bakı:

26 °C

54 %

5 m/s

Əlaqə

AZ RU EN

Ana səhifə / YAP xəbərləri / Avropanın enerji təhlükəsizliyi və Azərbaycanın dəyişməyən strateji rolu

Avropanın enerji təhlükəsizliyi və Azərbaycanın dəyişməyən strateji rolu

03.06.2026 [15:34]

Əmir Babayev

YAP Şərur rayon təşkilatının sədri

Ölkəmizin Enerji təhlükəsizliyi həm iqtisadi inkişafımızın , milli təhlükəsizliyimizin və beynəlxalq nüfuzumuzun əsas sütunlarından biridir. Azərbaycan bu sahədə əldə etdiyi uğurlarla dünyanın etibarlı enerji tərəfdaşlarından birinə çevrilmişdir. Bu uğurların əsasında isə Prezident İlham Əliyev tərəfindən həyata keçirilən uzaqgörən və məqsədyönlü enerji siyasəti dayanır.

Prezident İlham Əliyevin rəhbərliyi altında Azərbaycan enerji sahəsində mühüm nailiyyətlər qazanmış, ölkənin zəngin neft və qaz ehtiyatları milli maraqlara uyğun şəkildə dünya bazarlarına çıxarılmışdır. Dövlət başçısının təşəbbüsü və siyasi iradəsi sayəsində Azərbaycanın enerji strategiyası yeni mərhələyə qədəm qoymuş, ölkəmiz regional və qlobal enerji təhlükəsizliyinin vacib iştirakçılarından birinə çevrilmişdir.

İlham Əliyev dəfələrlə vurğulamışdır ki, enerji təhlükəsizliyi bu gün milli təhlükəsizliyin ayrılmaz hissəsidir. Məhz bu siyasətin nəticəsində Azərbaycan öz enerji resurslarından səmərəli istifadə etməklə yanaşı, Avropanın enerji təhlükəsizliyinə də mühüm töhfələr verir. Prezidentin rəhbərliyi ilə reallaşdırılan Bakı-Tbilisi-Ceyhan, Bakı-Tbilisi-Ərzurum, TANAP və TAP kimi nəhəng layihələr Azərbaycanın beynəlxalq enerji bazarındakı mövqeyini daha da möhkəmləndirmişdir.

Xüsusilə Cənub Qaz Dəhlizi layihəsinin uğurla həyata keçirilməsi Prezident İlham Əliyevin qətiyyətli siyasətinin və beynəlxalq əməkdaşlıq sahəsində göstərdiyi liderliyin nəticəsidir. Bu layihə vasitəsilə Azərbaycan qazı Avropa ölkələrinə çatdırılır və qitənin enerji mənbələrinin şaxələndirilməsinə xidmət edir. Bu gün bir çox dövlətlər Azərbaycanı etibarlı və məsuliyyətli enerji tərəfdaşı kimi qiymətləndirirlər.

Prezident İlham Əliyevin enerji siyasətində bərpa olunan enerji mənbələrinin inkişafı da xüsusi yer tutur. Dövlət başçısının təşəbbüsü ilə ölkədə “yaşıl enerji” layihələrinin həyata keçirilməsi sürətləndirilmiş, Qarabağ və Şərqi Zəngəzur bölgələri yaşıl enerji zonası elan edilmişdir. Bu istiqamətdə həyata keçirilən layihələr Azərbaycanın gələcək enerji təhlükəsizliyinin daha da gücləndirilməsinə xidmət edir.

İşğaldan azad edilmiş ərazilərdə müasir enerji infrastrukturunun qurulması da Prezident İlham Əliyevin strateji baxışının göstəricisidir. Həmin ərazilərdə enerji təminatının ən müasir texnologiyalar əsasında formalaşdırılması Azərbaycanın dayanıqlı inkişaf məqsədlərinə uyğun şəkildə həyata keçirilir.

Bu gün Azərbaycan yalnız öz enerji təhlükəsizliyini təmin edən dövlət deyil, həm də regionun və Avropanın enerji təhlükəsizliyinə mühüm töhfə verən ölkədir. Prezident İlham Əliyevin rəhbərliyi ilə həyata keçirilən uğurlu enerji siyasəti nəticəsində ölkəmiz beynəlxalq arenada etibarlı tərəfdaş kimi tanınır, iqtisadi qüdrətini artırır və gələcək inkişaf üçün möhkəm zəmin yaradır.

Nəticə olaraq qeyd etmək olar ki, Azərbaycanın enerji sahəsində əldə etdiyi uğurlar Prezident İlham Əliyevin uzaqgörən siyasətinin, qətiyyətli liderliyinin və milli maraqlara əsaslanan inkişaf strategiyasının nəticəsidir. Bu siyasət ölkənin enerji təhlükəsizliyini etibarlı şəkildə təmin etməklə yanaşı, Azərbaycanın beynəlxalq nüfuzunun daha da yüksəlməsinə və gələcək nəsillər üçün güclü iqtisadi təməlin formalaşmasına xidmət edir.

Paylaş:

Baxılıb: 224 dəfə