Müasir çağırışlar, hədəflər və strateji addımlar

Bakı:

25 °C

69 %

7 m/s

Əlaqə

AZ RU EN

Ana səhifə / YAP xəbərləri / Müasir çağırışlar, hədəflər və strateji addımlar

Müasir çağırışlar, hədəflər və strateji addımlar

26.05.2026 [14:09]

Azərbaycan Respublikasının Prezidenti İlham Əliyevin rəhbərliyi ilə həyata keçirilən iqtisadi şaxələndirmə siyasətində kənd təsərrüfatı sektoru hər zaman strateji prioritetlərdən biri olaraq qalmaqdadır.

Dövlət başçısının kənd təsərrüfatı məsələlərinə həsr olunmuş geniş tərkibli müşavirədəki proqram xarakterli çıxışı ölkənin aqrar sektorunun mövcud vəziyyətini təhlil etmək, qarşıda duran vəzifələri müəyyənləşdirmək və gələcək inkişaf trayektoriyasını cızmaq baxımından müstəsna əhəmiyyət kəsb edir. Prezidentin çıxışında qida təhlükəsizliyinin təmin edilməsi, işğaldan azad olunmuş ərazilərin aqrar potensialının dövriyyəyə cəlb edilməsi, su ehtiyatlarından səmərəli istifadə və subsubsidiyalaşdırma sisteminin təkmilləşdirilməsi kimi qlobal və regional çağırışlara cavab verən fundamental məsələlər ön plana çəkilmişdir.

Prezident İlham Əliyev öz çıxışında qlobal bazarlarda baş verən geosiyasi dəyişiklikləri fonunda qida təhlükəsizliyinin milli təhlükəsizliyin tərkib hissəsi olduğunu xüsusi vurğulamışdır. Ölkə rəhbəri qeyd etmişdir ki, Azərbaycan əsas ərzaq məhsulları ilə özünü təminetmə səviyyəsini maksimum dərəcəyə çatdırmalıdır. Xüsusilə taxılçılıq, heyvandarlıq və quşçuluq sahələrində yerli istehsalın artırılması, idxaldan asılılığın minimuma endirilməsi hökumət qarşısında mühüm vəzifə kimi qoyulmuşdur. Prezident ənənəvi kənd təsərrüfatı sahələrinin inkişafının həm daxili tələbatı ödəmək, həm də ölkəyə valyuta axınını təmin edən qeyri-neft ixracını stimullaşdırmaq baxımından əhəmiyyətini diqqətə çatdırmışdır.

Müşavirədə dövlət başçısının toxunduğu ən əsas məsələlərdən biri qlobal iqlim dəyişiklikləri şəraitində su ehtiyatlarından qənaətlə və səmərəli istifadə edilməsi olmuşdur. Prezident İlham Əliyev su itkilərinin qarşısının alınması üçün infrastrukturun yenidən qurulmasını, torpaq kanalların beton örtüklərlə əvəz olunmasını və müasir suvarma sistemlərinin (damcı və yağışyağdırma) tətbiqinin genişləndirilməsini tələb etmişdir. Aqrar sektorda "hər damla su qızıldır" prinsipi ilə yanaşmanın vacibliyini qeyd edən dövlət rəhbəri, bu sahədə şəffaflığın təmin edilməsi və aidiyyəti qurumların koordinasiyalı fəaliyyət göstərməsi üçün ciddi tapşırıqlar vermişdir.

Prezident çıxışında Qarabağ və Şərqi Zəngəzur iqtisadi rayonlarının kənd təsərrüfatı potensialına geniş yer ayırmışdır. Bu ərazilərin münbit torpaqları, zəngin su mənbələri və otlaq sahələri Azərbaycanın ümumi aqrar istehsalına böyük təkan verəcək gücdədir. Dövlət başçısı azad edilmiş torpaqlarda "Ağıllı kənd" konsepsiyaları çərçivəsində müasir aqroparkların yaradılması, ekoloji təmiz kənd təsərrüfatının inkişaf etdirilməsi və heyvandarlığın bərpası istiqamətində görülən işləri yüksək qiymətləndirmiş, eyni zamanda bu proseslərin sürətləndirilməsinin vacibliyini bildirmişdir. Bu regionların yaxın gələcəkdə ölkənin ərzaq balansının qorunmasında aparıcı qüvvəyə çevriləcəyi vurğulanmışdır.

Müşavirədə kəndli və fermerlərə dövlət dəstəyinin mexanizmləri də dərin təhlil edilmişdir. Prezident İlham Əliyev qeyd etmişdir ki, dövlət tərəfindən ayrılan subsidiyalar birbaşa məhsuldarlığın artırılmasına və real nəticələrə xidmət etməlidir. Elektron Kənd Təsərrüfatı İnformasiya Sisteminin imkanlarının genişləndirilməsi, aqrar sahədə kölgə iqtisadiyyatının tamamilə aradan qaldırılması və bürokratik əngəllərin azaldılması əsas hədəflər sırasındadır. Torpaqlardan təyinatı üzrə istifadə edilməsinə nəzarətin gücləndirilməsi, əkin dövriyyəsinə daxil edilməyən yararlı torpaqların sahiblərindən alınaraq səmərəli istifadə edə biləcək fermerlərə verilməsi mexanizminin işlənməsi tapşırılmışdır.

Dövlət başçısının kənd təsərrüfatı məsələlərinə dair müşavirədəki dərin məzmunlu və tənqidi-təhlili çıxışı Azərbaycanın aqrar sektorunda keyfiyyətcə yeni bir mərhələnin başlandığını nümayiş etdirir. Dövlət başçısının müəyyən etdiyi strategiya yalnız kəmiyyət göstəricilərinin deyil, həm də elmi əsaslara söykənən, innovativ və intensiv üsullarla keyfiyyət göstəricilərinin yüksəldilməsini hədəfləyir. Bu tapşırıqların vaxtında və dürüst icrası Azərbaycanın iqtisadi müstəqilliyini daha da möhkəmləndirəcək, regional inkişafı sürətləndirəcək və kənd əhalisinin rifah halının davamlı olaraq yüksəlməsini təmin edəcəkdir.

Eldar Əsədov

YAP Tərtər rayon təşkilatının sədri

Paylaş:

Baxılıb: 661 dəfə