Azərbaycan-Serbiya dostluğu gələcək əməkdaşlıqda yeni üfüqlər açır

Bakı:

6 °C

70 %

1 m/s

Əlaqə

AZ RU EN

Ana səhifə / YAP xəbərləri / Azərbaycan-Serbiya dostluğu gələcək əməkdaşlıqda yeni üfüqlər açır

Azərbaycan-Serbiya dostluğu gələcək əməkdaşlıqda yeni üfüqlər açır

17.02.2026 [14:31]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Uzun illərin sınağından çıxmış Azərbaycan-Serbiya arasında ikitərəfli əlaqələr yüksələn xətlə inkişaf edərək, iki ölkə arasında yeni əməkdaşlıq sahələrinin açılması üçün böyük imkanlar yaradıb. Xüsusən, son illərdə hər iki dost ölkənin diplomatik əlaqələrinin inkişafı gələcək üçün daha genişmiqyaslı perspektivlər vəd edir. Ölkə Prezidentimiz cənab İlham Əliyevin, Serbiya Prezidenti Aleksandar Vuçiçin qarşılıqlı səfərləri, ikitərəfli hüquqi bazanın gücləndirilməsi əhəmiyyətli rol oynayıb. Azərbaycan və Serbiyanın səmimi dostluq münasibətləri əməkdaşlığın müxtəlif sahələrində, o cümlədən strateji layihələrin həyata keçirilməsində əlverişli zəmin yaradaraq əlaqələri keyfiyyətcə yeni mərhələyə yüksəldib.

Ölkə Prezidenti çənab İlham Əliyevin fevralın 15-də Serbiya Respublikasına rəsmi səfəri iki ölkə arasında qarşılıqlı iqtisadi maraqların, əməkdaşlıq sahələrinin şaxələndirilməsi istiqamətində atılan addımları daha da sürətləndirməyə təkan olacaq. Eyni zamanda, səfər zamanı Prezident İlham Əliyevin və birinci xanım Mehriban Əliyeva Belqraddakı Taşmaydan parkında Ümummilli Lider Heydər Əliyevin və görkəmli serb yazıçısı Milorad Paviçin abidələrini ziyarət etməsi hər iki ölkə arasındakı dostluğa dərin hörmətin ifadəsi idi.

Serbiyaya səfər çərçivəsində mətbuata bəyanatında Prezident İlham Əliyevin qeyd edib ki, həm siyasi, həm iqtisadi, həm də energetika sahəsində əlaqələrimizi daha da gücləndirmək, beynəlxalq platformalarda, beynəlxalq təşkilatlar çərçivəsində bundan sonra da bir-birimizin ərazi bütövlüyünü və suverenliyini dəstəkləmək, birgə sərmayə layihələrini həyata keçirmək, energetika və nəqliyyat sahələrində yeni yaranmış imkanlardan yararlanaraq, daha irəliyə baxaraq çox güclü bir sinergiya yaratmaqdır.

Dekabrın 21-də Serbiya Prezidentinin ölkəmizə səfər çərçivəsində mətbuata bəyanatında Prezident İlham Əliyevin qeyd etdiyi kimi, bir çox sahələr üzrə əməkdaşlığın artıq böyük tarixi var. Serbiya və Azərbaycan strateji tərəfdaşdırlar, strateji tərəfdaşlığa dair bir neçə sənəd imzalanmışdır. Biz hər zaman bir-birimizin ərazi bütövlüyünü və suverenliyini dəstəkləmişik, dəstəkləyirik və bu siyasət dəyişməz olaraq qalacaq. Biz beynəlxalq hüququn tərəfdarıyıq və əminik ki, ölkələr arasında münasibətlər ancaq beynəlxalq hüququn norma və prinsipləri əsasında tənzimlənə bilər. Bu sahədə dünyada müşahidə olunan ikili standartların təzahürləri, əlbəttə ki, bizi çox narahat edir. Beynəlxalq hüququn norma və prinsipləri bütün ölkələr üçün əsas olmalıdır.

Səfər çərçivəsində Azərbaycan Respublikası və Serbiya Respublikası arasında Strateji Tərəfdaşlıq Şurasının 1-ci iclası hər iki ölkə arasında münasibətlərin ən yüksək strateji səviyyəyə qaldırılması üçün birgə siyasi iradənin bariz nümunəsidir. İAzərbaycan-Serbiya münasibətlərində hər iki tərəfin olduqca konstruktiv əməkdaşlıq niyyəti var. Strateji Tərəfdaşlıq Şurasının fəaliyyəti çərçivəsində ticarət dövriyyəsinin artırılması, investisiyaların təşviqi və sahibkarlar üçün daha əlverişli mühitin yaradılması əsas prioritetlər kimi önə çıxır.

“Bir müddət bundan əvvəl biz Serbiyaya təbii qazın ixracına başlamışıq və bu gün qərara gəldik ki, ixracın həcmini artıracağıq. İndi Serbiya ixrac ediləcək qazı da elektrik enerjisinə çevirərək, artıq təmiz elektrikin əldə edilməsinə də nail olacaq. Bu, həm Serbiya bazarı üçün və gələcəkdə ixrac üçün də imkanlar yaradacaq. Bu gün Azərbaycanın energetika sahəsində ixrac potensialı 2 giqavata bərabərdir. Bu rəqəm artacaq. Çünki biz indi bir çox bərpaolunan enerji stansiyalarının tikintisi ilə məşğuluq və bu sahədə də Serbiya ilə əməkdaşlıq etməyə hazırıq. Biz 2032-ci ilə qədər əlavə 8 giqavat enerji gücünü əldə edəcəyik və bunun böyük hissəsi ixraca gedəcək. Bunun üçün bizim yeni və daha genişhəcmli transmissiya imkanlarımız olmalıdır. Çünki bizim əsas ixrac istiqamətimiz Avropa məkanıdır”. Prezident cənab İlham Əliyevin mətbuata verdiyi bəyanat zamanı səsləndirdiyi bu fikirlər bir daha təsdiq edir ki, Azərbaycan-Serbiya dostluq münasibətləri bundan sonrakı mərhələdə daha da sürətlə inkişaf edəcək, gələcək əməkdaşlıqda yeni üfüqlər açacaq.

Paylaş:

Baxılıb: 316 dəfə