YAP Samux rayon təşkilatının ərazi partiya təşkilatlarında hesabat-seçki yığıncaqları keçirildi

Bakı:

17 °C

67 %

7 m/s

AZ RU EN

Ana səhifə / YAP xəbərləri / YAP Samux rayon təşkilatının ərazi partiya təşkilatlarında hesabat-seçki yığıncaqları keçirildi

YAP Samux rayon təşkilatının ərazi partiya təşkilatlarında hesabat-seçki yığıncaqları keçirildi

04.02.2026 [23:46]

04 fevral 2026-cı il tarixdə YAP Samux rayon təşkilatının Alabaşlı qəsəbə və Alabaşlı qəsəbə tam orta məktəb ərazi partiya təşkilatlarının hesabat yığıncağı keçirilib.

Əvvəlcə Ulu Öndər Heydər Əliyevin və torpaqlarımızın bütövlüyü uğrunda canlarından keçən şəhidlərimizin əziz xatirəsi bir dəqiqəlik sükutla yad edilib.

Yığıncaqda ərazi partiya təşkilatlarının ötən dövr ərzindəki fəaliyyəti barədə hesabat məruzələri dinlənilib. Alabaşlı qəsəbə tam orta məktəb ərazi partiya təşkilatının sədri Vüsalə Hüseynova və Alabaşlı qəsəbə ərazi partiya təşkilatının sədr müavini Turanə İskəndərova hesabat məruzələri ilə çıxış ediblər. Onlar ərazi partiya təşkilatlarının partiyanın Proqram və Nizamnaməsindən irəli gələn vəzifələrin icrası, ictimai-siyasi və mədəni tədbirlərdə iştirakı, partiya üzvlərinin fəallığının artırılması və ideoloji fəaliyyətin təşkili barədə ətraflı məlumat veriblər.

Hesabatı dinləyən partiya üzvləri ərazi partiya təşkilatlarının fəaliyyətini qənaətbəxş qiymətləndiriblər.

Yığıncaqda təşkilati məsələlərə də baxılıb. Ədalət Həsənov Alabaşlı qəsəbə ərazi partiya təşkilatının sədri, Əlvan Cəfərova isə müavin seçilib.

Çıxış edən partiya üzvləri Natella Məmmədova və Gülüstan Əliyeva bildiriblər ki, Yeni Azərbaycan Partiyası Ulu Öndər Heydər Əliyevin əsasını qoyduğu siyasi xəttə sadiq qalaraq bu gün də ölkəmizin inkişafına mühüm töhfələr verir. Qeyd olunub ki, partiyanın Sədri, cənab Prezident İlham Əliyevin rəhbərliyi ilə həyata keçirilən uğurlu daxili və xarici siyasət Azərbaycanın davamlı tərəqqisini və beynəlxalq nüfuzunun artmasını təmin edib. Çıxışlarda həmçinin, Yeni Azərbaycan Partiyasının fəaliyyətinin xalqın rifahının yüksəldilməsinə, sosial-iqtisadi islahatların ardıcıl şəkildə həyata keçirilməsinə və sabitliyin qorunmasına xidmət etdiyi vurğulanıb.

Sonra YAP Samux rayon təşkilatının sədri Gündüz Bayramov çıxış edərək Yeni Azərbaycan Partiyasının yarandığı gündən bu günədək ölkəmizin ictimai-siyasi həyatında aparıcı və həlledici rol oynadığını bildirib. Qeyd edib ki, Ulu Öndər Heydər Əliyevin əsasını qoyduğu siyasi kurs cənab Prezident, YAP-ın Sədri İlham Əliyev tərəfindən müasir dövrün tələblərinə uyğun şəkildə uğurla davam etdirilir. Bu siyasətin nəticəsində Azərbaycan sürətli sosial-iqtisadi inkişaf yolu keçmiş, regionun lider dövlətinə çevrilmişdir.

Gündüz Bayramov həmçinin vurğulayıb ki, cənab Prezident İlham Əliyevin düşünülmüş və qətiyyətli siyasəti sayəsində ölkəmizdə sabitlik möhkəmlənmiş, əhalinin rifah halı yüksəlmiş, təhsil, səhiyyə və sosial təminat sahələrində mühüm nailiyyətlər əldə olunmuşdur. Xüsusilə Vətən müharibəsindən sonra Azərbaycanın ərazi bütövlüyünün tam bərpa olunması və ölkəmizin beynəlxalq nüfuzunun daha da artması Yeni Azərbaycan Partiyasının siyasi xəttinin düzgünlüyünü bir daha təsdiqləyir.

Sonda G. Bayramov yeni seçilən sədr və müavini təbrik edib, ərazi partiya təşkilatlarının üzvlərini bu uğurların davamlı olması naminə daha fəal olmağa, YAP-ın ideya və prinsiplərini geniş şəkildə təbliğ etməyə çağırıb, qarşıdakı dövrdə partiya sıralarında birlik və həmrəyliyin daha da gücləndirilməsinin vacibliyini qeyd edib.

Paylaş:

Baxılıb: 462 dəfə