2 Fevral – Gəncliyin gücü, gələcəyin təminatı

Bakı:

24 °C

62 %

0 m/s

Əlaqə

AZ RU EN

Ana səhifə / YAP xəbərləri / 2 Fevral – Gəncliyin gücü, gələcəyin təminatı

2 Fevral – Gəncliyin gücü, gələcəyin təminatı

02.02.2026 [10:05]

2 Fevral Azərbaycan Gəncləri Günü hər birimiz üçün sadəcə bayram deyil, həm də məsuliyyət çağırışıdır. Bu gün ölkənin taleyində söz sahibi olacaq bir nəslin formalaşmasını, düşüncə tərzini və fəaliyyətini simvolizə edir. Gənclik enerjidir, ideyadır, dəyişiklikdir. Amma ən əsası, gənclik məsuliyyətdir.

1997 - ci ildən etibarən 2 fevral tarixinin Ulu Öndər Heydər Əliyevin xüsusi diqqət və qayğısı ilə Azərbaycan Gənclər Günü kimi təsis edilməsi gənclərə verilən yüksək dəyərin və etimadın parlaq göstəricisidir. Gəncləri hər zaman dövlətin əsas inkişaf qüvvəsi hesab edən Ümummilli Liderimiz hələ 1994 - cü ildə Gənclər və İdman Nazirliyinin yaradılması ilə vacib və strateji əhəmiyyətə malik təşəbbüsün möhkəm əsasını qoymuşdur. Ölkəmizdə əsası Ulu Öndər Heydər Əliyev tərəfindən qoyulan Gənclər siyasəti bu gün də uğurla davam etdirilir və daha da təkmilləşdirilir. Dövlət tərəfindən gənclərin təhsilinə, məşğulluğuna, yaradıcılığına, sosial rifahına və səxsi inkişafına xüsusi diqqət göstərilir. Müxtəlif dövlət proqramları, layihələri və təşəbbüsləri vasitəsi ilə gənclərin bilik və bacarıqlarının artırılması, onların innovativ düşüncəyə malik olması, beynəlxalq səviyyədə uğur qazanması üçün geniş imkanlar yaradır. Gənclərin elm, mədəniyyət, incəsənət, idman və ictimai fəaliyyət sahələrində əldə etdikləri nailiyyətlər ölkəmizi beynəlxalq aləmdə nüfuzunun artmasına mühüm töhfələr verir. Azərbaycan gəncliyi milli mənəvi dəyərlərə sadiq qalaraq vətənpərvərlik ruhunu yaşadır və dövlətimizin müstəqilliyinin möhkəmləndirilməsi yolunda əzmlə çalışır. Onların enerjisi, yaradıcılığı və yenilikçi düşüncəsi cəmiyyətimizin dinamik inkişafına güclü təkan verir. Yaradıcı bir gənc olaraq mən də dövlət qayğısının real nəticələrini öz həyatımda hiss edirəm. Çalışdığım təhsil müəssisəsində və yenicə üzv olduğum Naxçıvan Rəssamlar birliyinin Gənc rəssamlar bölməsində fəaliyyətim mənə daha böyük məsuliyyət hissi qazandırmış, öz üzərimdə daha ciddi işləməyə, yaradıcılığımı daha da inkişaf etdirməyə stimul yaratmışdır. Bu, dövlətimizin gənclərə verdiyi dəyərin göstərdiyi diqqətin həyatımda yaratdığı müsbət təsirin bariz nümunəsidir.

Gənclər yanlız gələcəyin deyil, həm də bu günün aparıcı qüvvəsidir. Onların bilik səviyyəsi, təşəbbüskarlığı və yaradıcılıq potensialı Azərbaycanın daha güclü, daha müasir, daha inkişaf etmiş bir dövlətə çevrilməsində mühüm rol oynayır. Gənclərin qarşısınnda böyük imkanlarla yanaşı mühüm və məsuliyyətli vəzifələrdə dayanır. Bu vəzifələri layiqincə yerinə yetirmək hər birimizin borcudur.

Əziz gənclər, yolumuz daim açıq, məqsədlərimiz böyük, uğurlarımız davamlı olsun!

Ülkər Əliyeva

YAP Naxçıvan şəhər təşkilatının fəalı

Paylaş:

Baxılıb: 474 dəfə