Mövcud reallıqları və gələcək perspektivləri əks etdirən müsahibə

Bakı:

19 °C

77 %

3 m/s

Əlaqə

AZ RU EN

Ana səhifə / YAP xəbərləri / Mövcud reallıqları və gələcək perspektivləri əks etdirən müsahibə

Mövcud reallıqları və gələcək perspektivləri əks etdirən müsahibə

08.01.2026 [21:29]

Yanvar ayının 5-də Azərbaycan Respublikasının Prezidenti cənab İlham Əliyevin yerli televiziya kanallarına verdiyi müsahibə ölkənin ictimai-siyasi həyatında mühüm hadisə kimi dəyərləndirilir. Bu cür müsahibələr dövlət başçısının mövqeyini birbaşa xalqa çatdırmaqla yanaşı, ölkənin daxili və xarici siyasət prioritetlərini, sosial-iqtisadi inkişaf strategiyasını və regional proseslərə baxışını aydın şəkildə ortaya qoyur.

Müsahibə zamanı cənab Prezident ilk növbədə Azərbaycanın son illərdə əldə etdiyi uğurları sadalamış, ölkədə siyasi sabitliyin və təhlükəsizliyin təmin olunmasının davamlı inkişaf üçün əsas şərt olduğunu vurğulamışdır. Prezident qeyd etmişdir ki, aparılan islahatlar dövlət idarəçiliyinin daha səmərəli qurulmasına, vətəndaş məmnunluğunun artırılmasına və iqtisadiyyatın şaxələndirilməsinə xidmət edir.

Dövlət başçısı iqtisadi məsələlərə toxunaraq qeyri-neft sektorunun inkişafının prioritet istiqamət olduğunu bildirmişdir. Kənd təsərrüfatı, sənaye, nəqliyyat və logistika sahələrində həyata keçirilən layihələrin ölkənin iqtisadi müstəqilliyini gücləndirdiyi xüsusi vurğulanmışdır. Eyni zamanda, sosial sahədə görülən işlər, əhalinin rifah halının yaxşılaşdırılması, yeni iş yerlərinin açılması və sosial proqramların icrası barədə də ətraflı məlumat verilmişdir.

Müsahibədə mühüm yer tutan məsələlərdən biri də post-münaqişə dövründə aparılan bərpa və quruculuq işləri olmuşdur. Prezident cənab İlham Əliyev azad edilmiş ərazilərdə genişmiqyaslı tikinti və infrastruktur layihələrinin həyata keçirildiyini, keçmiş məcburi köçkünlərin doğma torpaqlarına qayıdışının dövlət siyasətinin əsas istiqamətlərindən biri olduğunu bildirmişdir. Bu prosesin planlı və mərhələli şəkildə aparıldığı, təhlükəsizlik və dayanıqlı məskunlaşma prinsiplərinin əsas götürüldüyü qeyd olunmuşdur.

Xarici siyasət məsələlərinə toxunan möhtərəm Prezident, Azərbaycanın müstəqil və balanslaşdırılmış xarici siyasət kursu apardığını vurğulamışdır. Regional əməkdaşlıq, beynəlxalq təşkilatlarla münasibətlər və qonşu ölkələrlə qarşılıqlı hörmətə əsaslanan əlaqələr müsahibənin əsas mövzularından biri olmuşdur. Dövlət başçısı Azərbaycanın regionda sülhün və sabitliyin möhkəmlənməsində maraqlı olduğunu bir daha bəyan etmişdir.

Sonda ölkə başcısı Azərbaycan xalqının birliyini və dövlətə olan dəstəyini yüksək qiymətləndirmiş, gələcək hədəflər barədə nikbin fikirlər səsləndirmişdir. O, vurğulamışdır ki, ölkənin qarşısında duran strateji məqsədlər ardıcıl şəkildə həyata keçiriləcək və Azərbaycan öz inkişaf yolunda inamla irəliləməyə davam edəcəkdir.

Bu müsahibə cənab Prezident dövlət idarəçiliyinə dair baxışlarını, mövcud reallıqlara verdiyi qiyməti və gələcəyə yönəlmiş siyasətini aydın şəkildə əks etdirən mühüm informasiya mənbəyi kimi yadda qalmışdır.

Nazim Bünyatov

YAP Ağcabədi rayon təşkilatının sədr müavini

Paylaş:

Baxılıb: 420 dəfə