Çoxşaxəli tərəfdaşlıq və gələcək perspektivlər

Bakı:

29 °C

42 %

2 m/s

Əlaqə

AZ RU EN

Ana səhifə / YAP xəbərləri / Çoxşaxəli tərəfdaşlıq və gələcək perspektivlər

Çoxşaxəli tərəfdaşlıq və gələcək perspektivlər

10.12.2025 [15:03]

Azərbaycan Prezidenti İlham Əliyevin Slovakiya Respublikasına səfəri iki ölkə arasındakı əlaqələrin inkişafında yeni-sürətli inkişaf mərhələsinin başlanğıcıdır. Bu səfər iki ölkə arasındakı münasibətlərin yeni strateji mərhələyə qədəm qoyduğunu nümayiş etdirir və Azərbaycan-Slovakiya əməkdaşlığının bütün sahələrdə daha da möhkəmlənməsinə yönəlmiş əhəmiyyətli addım kimi qiymətləndirilir. Səfər çərçivəsində Prezident İlham Əliyev və Slovakiya Prezidenti bir sıra ikitərəfli məsələləri müzakirə edərək əməkdaşlığın perspektivlərini və gələcək imkanlarını qiymətləndiriblər.

Prezident İlham Əliyevin 8 dekabr 2025-ci il tarixində Slovakiya Prezident Peter Pelleqrini ilə mətbuata verdiyi bəyanatda səsləndirdiyi fikirlər iki ölkə arasında çoxşaxəli əməkdaşlığın gələcəyə hesablanmış strateji xarakterə malik olduğunu bir daha nümayiş etdirdi.

Mətbuata verdiyi bəyanatda dövlətimizin başçısı İlham Əliyev vurğulayıb ki, Azərbaycan və Slovakiya artıq strateji tərəfdaşdır və bu səfər iki ölkə arasındakı əməkdaşlıq platformasını möhkəmləndirir. O, əvvəlki illərdə imzalanmış Strateji Tərəfdaşlıq üzrə Birgə Bəyanatın əlaqələrin inkişafına böyük təkan verdiyini qeyd edərək, hazırda əməkdaşlığın bütün sahələrdə aktiv olaraq davam etdiyini bildirib. Prezident həmçinin siyasi-diplomatik dialoqla yanaşı, iqtisadiyyat, enerji, nəqliyyat-logistika, texnologiya və müdafiə sahələrində qarşılıqlı əməkdaşlığın əhəmiyyətini xüsusi vurğulayıb.

Azərbaycan və Slovakiya arasında enerji sahəsində əməkdaşlıq artıq konkret nəticələr verir. Azərbaycan qazının Slovakiyaya tədarükü enerji təhlükəsizliyi baxımından strateji əhəmiyyət daşıyır və bu, region üçün mühüm rol oynayır. Nəqliyyat və logistika sahəsində isə Azərbaycan Şərq-Qərb nəqliyyat dəhlizində mühüm tranzit ölkə kimi Slovakiya ilə yeni layihələr həyata keçirməyi planlaşdırır, bu da qarşılıqlı iqtisadi fayda ilə yanaşı, regional əməkdaşlığın inkişafına da töhfə verəcək. Texnologiya və informasiya infrastrukturu sahəsində isə Azərbaycan coğrafi mövqeyi və enerji potensialı ilə data mərkəzləri və İT layihələri üçün əlverişli mühit təmin edir, Slovakiya şirkətləri ilə bu sahədə əməkdaşlığın genişləndirilməsi perspektivləri mövcuddur. Eyni zamanda, müdafiə-sənaye sahəsində Slovak texnologiyaları və Azərbaycan investisiyaları birləşdirilərək yeni imkanların yaradılması planlaşdırılır.

Bu səfər həm də siyasi baxımdan xüsusi əhəmiyyət kəsb edir. Bu, Prezident İlham Əliyevin Slovakiyaya tarixdə ilk rəsmi səfəri olub və iki ölkə arasındakı yüksək səviyyəli siyasi iradənin göstəricisi kimi qiymətləndirilir. Səfər çərçivəsində əldə olunan razılaşmalar strateji tərəfdaşlığı rəsmi institusional platformaya çevirir və gələcək layihələr üçün möhkəm zəmin yaradır. Enerji, tranzit və logistika sahələrində əməkdaşlıq yalnız ikitərəfli fayda təmin etməklə kifayətlənmir, həm də regionun enerji və nəqliyyat təhlükəsizliyi baxımından önəm daşıyır.

8 dekabr 2025-ci il tarixli Bratislava səfəri və Prezident İlham Əliyevin orada verdiyi bəyanatlar göstərir ki, Azərbaycan və Slovakiya münasibətləri artıq yalnız diplomatik protokollarla məhdudlaşmır. Onlar strateji, çoxşaxəli və gələcəyə yönəlmiş əməkdaşlıq platformasına çevrilir. Qarşıdakı dövrdə bu əməkdaşlığın iqtisadiyyat, enerji, nəqliyyat, texnologiya və müdafiə-sənaye sahələrində real nəticələr verəcəyi gözlənilir və bu, həm ölkələr, həm də region üçün geniş perspektivlər açır.

Fidan Hüseynova

YAP Quba rayon təşkilatının sədri

Paylaş:

Baxılıb: 869 dəfə