Regional inkişafın yeni mərhələsi

Bakı:

11 °C

82 %

6 m/s

Əlaqə

AZ RU EN

Ana səhifə / YAP xəbərləri / Regional inkişafın yeni mərhələsi

Regional inkişafın yeni mərhələsi

25.11.2025 [11:06]

Prezident İlham Əliyevin 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edilib. Həmin sərəncama əsasən 25 noyabr – Kəlbəcər Şəhəri Günüdür. Bu əlamətdar günün təsis edilməsi Kəlbəcər şəhərinin Ermənistan silahlı qüvvələrinin işğalından azad edilməsi tarixi ilə bağlıdır. Bu il noyabrın 25-də Kəlbəcərin işğaldan azad olunmasından 5 il ötür.

Silahlı Qüvvələrin Müzəffər Ali Baş Komandanı İlham Əliyevin rəhbərliyi ilə qəhrəman Ordumuz 2020-ci il sentyabrın 27-dən başlanan və 44 gün davam edən Vətən müharibəsində möhtəşəm Zəfər qazandı. Azərbaycan Ordusu Cəbrayılı, Füzulini, Zəngilanı, Qubadlını, Murovdağı, Suqovuşanı, Hadrutu, Xocavənd rayonunun böyük hissəsini və Şuşanı döyüş yolu ilə azad etməklə düşməni məğlubiyyətə uğratdı. Şuşanın azad edilməsindən sonra 70-dən çox yaşayış məntəqəsinin sürətlə geri qaytarılması Ermənistana kapitulyasiya aktını imzalamaqdan başqa yol qoymadı.

10 noyabr 2020-ci il tarixli üçtərəfli Bəyanata əsasən Kəlbəcər 15 noyabrda Azərbaycana qaytarılmalı idi. Lakin Ermənistan ordusunun və qanunsuz yerləşdirilmiş əhalinin çıxarılması üçün əlavə vaxt istədi. Azərbaycan dövləti humanist mövqeyini nümayiş etdirərək müddəti 25 noyabra qədər uzatdı və həmin gün Kəlbəcər işğaldan tam azad edildi.

Prezident İlham Əliyev Kəlbəcərin azad olunması münasibətilə xalqa müraciətində ermənilərin bölgədə törətdiyi vandallığı xüsusi vurğulayaraq bildirmişdi:

“Mənfur düşmən meşələri qırıb talayır, evləri yandırır, məktəbləri məhv edir… Biz erməni faşizmini məhv etdik.”

İşğalın 27 ili ərzində Kəlbəcərin infrastrukturu dağıdılmış, təbii sərvətləri qeyri-qanuni istismar edilmiş, ekoloji fəsadlar yaradılmışdı.

Azərbaycan Respublikası Prezidentinin 16 noyabr 2022-ci il tarixli Sərəncamı ilə təsdiq edilmiş “Azərbaycan Respublikasının işğaldan azad edilmiş ərazilərinə Böyük Qaydışa dair I Dövlət Proqramı” çərçivəsində Kəlbəcərdə genişmiqyaslı layihələr icra olunmaqdadır. Böyük Qaydış 2030-cu ilədək ölkənin beş Milli Prioritetindən biri kimi müəyyən olunub.

Bu gün Kəlbəcərdə yollar, enerji infrastruktur layihələri, yaşayış məhəllələri, sosial obyektlər, turizm infrastrukturu, su və geotermal potensialın bərpası istiqamətində sürətli işlər aparılır. Bütün layihələr birbaşa Prezident İlham Əliyevin nəzarəti altındadır.

Əminliklə demək olar ki, həyata keçirilən yenidənqurma və bərpa proqramları başa çatdıqdan sonra Kəlbəcər öz təbiəti, turizm imkanları, mineral suları, yeraltı və yerüstü sərvətləri ilə Azərbaycanın ən inkişaf etmiş bölgələrindən birinə çevriləcək.

Fidan Hüseynova

YAP Quba rayon təşkilatının sədri

Paylaş:

Baxılıb: 624 dəfə