Üçrəngli bayrağımız müstəqilliyimizin əbədi rəmzidir

Bakı:

20 °C

77 %

7 m/s

Əlaqə

AZ RU EN

Ana səhifə / YAP xəbərləri / Üçrəngli bayrağımız müstəqilliyimizin əbədi rəmzidir

Üçrəngli bayrağımız müstəqilliyimizin əbədi rəmzidir

12.11.2025 [22:32]

Səyyad Mirzəyev

YAP Ağdam rayon təşkilatının əməkdaşı

Azərbaycan Respublikasının Dövlət Bayrağı Günü xalqımızın milli qürurunu, azadlıq və müstəqillik iradəsini, dövlətçiliyimizin möhkəm ideoloji əsaslarını təcəssüm etdirən ən əziz günlərdən biridir. Bu gün təkcə dövlət atributuna hörmət günü deyil, həm də hər bir azərbaycanlının qəlbində doğma Vətənə, onun keçmişinə, bu gününə və gələcəyinə olan sonsuz məhəbbətin, sədaqətin təntənəsidir. Ümummilli Lider Heydər Əliyev demişdir: “Azərbaycan Bayrağı, sadəcə, bayraq deyil. O, bizim dövlətçiliyimizin, müstəqilliyimizin rəmzidir. Bu, bizim müstəqil dövlətimizin rəmzidir. Ona görə də gərək hər bir Azərbaycan vətəndaşı, xüsusən gənc nəsil bunu dərk etsin, qiymətləndirsin". Azərbaycanın üçrəngli bayrağının tarixi Azərbaycan Xalq Cümhuriyyətinin yaranması ilə sıx bağlıdır. 1918-ci ilin 9 noyabrında qəbul edilən bayraq xalqımızın türk mənşəyini, müasir düşüncəsini və islam mədəniyyətinə mənsubiyyətini simvolizə edir.

Lakin sovet dövründə bu müqəddəs rəmz uzun illər unudulmağa məhkum edilmişdi. Yalnız XX əsrin sonunda Ümummilli Lider Heydər Əliyevin qətiyyəti sayəsində üçrəngli bayrağımız yenidən ucaldıldı. Heydər Əliyev 1990-cı ilin noyabrın 17-də Naxçıvan Muxtar Respublikası Ali Sovetinin sessiyasında sədr kimi çıxış edərək bildirmişdir: “90-cı il noyabrın 17-də biz burada, Naxçıvan Muxtar Respublikası Ali Sovetinin sessiyasında, mənim sədrlik elədiyim sessiyada ilk dəfə 1918-ci ildə Azərbaycan Xalq Cümhuriyyəti tərəfindən qəbul olunmuş Azərbaycan milli bayrağını qaldırdıq… Qərar qəbul etdik ki, Naxçıvanın milli bayrağı qəbul olunmalıdır – milli bayraq 1918-ci ildə Xalq Cümhuriyyəti tərəfindən qəbul edilmiş üçrəngli bayraqdır. Bu bayrağı sessiyanın salonuna gətirdik, başımızın üstünə vurduq.” Ulu Öndər ideyalarının layiqli davamçısı Azərbaycan Respublikasının Prezidenti cənab İlham Əliyev də dəfələrlə vurğulamışdır ki, “Bayrağımız eşidilən səsimiz, duyulan nəfəsimizdir. Bizim bayrağımız qürur mənbəyimizdir.” Azərbaycan Ordusunun qazandığı tarixi Qələbə nəticəsində üçrəngli bayrağımız işğaldan azad edilmiş bütün torpaqlarda dalğalanır və hər bir azərbaycanlının qəlbi qürurla döyünür. Yüksəklərdə dalğalanan bayrağımız hər birimizə qürur, böyük iftixar, müstəqillik və azadlığın dərin hisslərini yaşadır. Müstəqilliyimizin, milli varlığımız və dövlətçiliyimizin rəmzi olan bayrağımız uğrunda canlarından keçən şəhidlərimizin qəhrəmanlıq nümunəsi bizləri bir bayraq altında daha sıx birləşərək, həmrəyliyə, Vətənimizin tərəqqisi və ardıcıl inkişafı uğrunda daim mübarizəyə səsləyir.

Paylaş:

Baxılıb: 447 dəfə