Qazaxda 8 noyabr - Zəfər Gününə həsr olunmuş “Azərbaycan Zəfərlər ölkəsidir” mövzusunda tədbir keçirildi

Bakı:

12 °C

76 %

3 m/s

AZ RU EN

Ana səhifə / YAP xəbərləri / Qazaxda 8 noyabr - Zəfər Gününə həsr olunmuş “Azərbaycan Zəfərlər ölkəsidir” mövzusunda tədbir keçirildi

Qazaxda 8 noyabr - Zəfər Gününə həsr olunmuş “Azərbaycan Zəfərlər ölkəsidir” mövzusunda tədbir keçirildi

05.11.2025 [11:38]

YAP Qazax rayon təşkilatının və Qazax rayon İcra Hakimiyyətinin birgə təşkilatçılığı ilə Vətən müharibəsində tarixi Qələbəmizin 5-ci ildönümününə həsr olunmuş “Azərbaycan Zəfərlər ölkəsidir” mövzusunda tədbir keçirildi.

Tədbir Qazax şəhərinin mərkəzində yerləşən Şəhidlər Xiyabanının ziyarətilə başlandı.

Tədbirin əvvəlində Azərbaycan Respublikasının Dövlət Himni səsləndirildi, Ümummilli Lider Heydər Əliyevin və müqəddəs şəhidlərin əziz xatirəsi bir dəqiqəlik sükutla yad edildi.

YAP Qazax rayon təşkilatının sədri Anar Nəbiyev tədbiri açaraq iştirakçıları salamladı, “Konstitusiya və Suverenlik İli” çərçivəsində keçirilən tədbir barədə ətraflı məlumat verərək onları Möhtəşəm Zəfərin 5-ci ildönümü münasibətilə təbrik etdi. Rayon təşkilatının sədri bildirdi ki, 2025-ci il Konstitusiyamızın qəbul edilməsinin 30-cu və Vətən müharibəsində Möhtəşəm Qələbəmizin 5-ci ildönümüdür. Beş il əvvəl Azərbaycan Respublikasının Prezidenti, Müzəffər Ali Baş Komandan cənab İlham Əliyevin rəhbərliyi ilə 44 gün ərzində Azərbaycan xalqının mübarizliyi və iradəsi, iqtisadi və hərbi gücü, əsgər və zabitlərimizin fədakarlığı, xalq-iqtidar birliyi, Lider - xalq sevgisi nəticəsində ölkəmizin tarixi qələbəsi təmin edildi. Natiq onu da qeyd etdi ki, bu gün də Azərbaycanın işğaldan azad olunmuş ərazilərində geniş bərpa-quruculuq işləri sürətlə davam etdirilir, Qarabağ və Şərqi Zəngəzurda ən müasir infrastruktur layihələr reallaşdırılır, “Böyük Qayıdış” proqramı uğurla icra olunur, uzun illər sonra öz yurd-yuvalarına geri dönən soydaşlarımızın rahat yaşayışı üçün bütün şəraitlər yaradılır. Sonda A.Nəbiyev müstəqil, suveren Azərbaycanın Konstitusiya quruluşunun bütün suveren ərazilərimizdə bərqərar olmasından, üçrəngli bayrağımızın işğaldan azad olunmuş bütün ərazilərdə əzəmətlə dalğalanmasından danışaraq tədbir iştirakçılarını 8 noyabr - Zəfər Günü münasibətilə təbrik etdi.

Qazax rayon İcra Hakimiyyəti başçısının birinci müavini Məmməd Alıyev tədbir iştirakçılarını Möhtəşəm Zəfərin 5-ci ildönümü münasibətilə təbrik edərək Möhtərəm Prezident, Müzəffər Ali Baş Komandan İlham Əliyev cənablarının rəhbərliyi ilə 44 günlük Vətən müharibəsində qəhrəman şəhidlərimizin, igid qazilərimizin, cəsur hərbiçilərimizin keçdiyi şərəfli döyüş yolundan, misilsiz qəhrəmanlığından ətraflı danışdı. M. Alıyev mövcud Azərbaycan reallıqlarından, Ulu Heydər Əliyev siyasi kursunun bu gün Möhtərəm Prezident İlham Əliyev cənabları tərəfindən uğurla davam etdirilməsindən, Azərbaycanın zaman - zaman öz hədəflərinə çatmasından geniş bəhs etdi və tədbir iştirakçılarına bayram əhval - ruhiyyəsi arzuladı.

Tədbirdə partiya fəallarından Samir Çobanov, Esmira Şıxməmmədova, Pəri İbrahimova, şəhid atası Elxan Abdullayev 8 noyabr - Zəfər Günü ilə bağlı ətraflı çıxış etdilər. Partiya veteranı şair Cavanşir Rüstəm və Kazım Kazımlı Möhtəşəm Zəfərə həsr etdikləri şeirlərini səsləndirdilər.

Qazax Dövlət Sosial İqtisadi Kollecinin tələbələri Zəfər Gününə həsr olunmuş müxtəlif ədəbi - bədii kompazisiya ilə çıxış etdilər.

Tədbirin sonunda YAP Qazax rayon təşkilatının yaradılmasında, təşkilatlanmasında və inkişafında xüsusi xidmətlərinə görə bir qrup partiya veteranı YAP Qazax rayon təşkilatının Fəxri Fərmanı ilə təltif olundu, onlara hədiyyələr verildi.

YAP sıralarına yeni qəbul olunmuş gənclərə partiya üzvlük vəsiqələri təqdim edildi.

Paylaş:

Baxılıb: 350 dəfə