Azərbaycan–Qazaxıstan əlaqələrinin yeni mərhələsi

Bakı:

20 °C

51 %

0 m/s

Əlaqə

AZ RU EN

Ana səhifə / YAP xəbərləri / Azərbaycan–Qazaxıstan əlaqələrinin yeni mərhələsi

Azərbaycan–Qazaxıstan əlaqələrinin yeni mərhələsi

22.10.2025 [22:37]

18 oktyabr 2025-ci il tarixində Prezident İlham Əliyev Qazaxıstanın rəsmi informasiya agentliyi “Kazinform”a geniş və məzmunlu müsahibə verib. Müsahibə iki ölkə arasında strateji tərəfdaşlığın, iqtisadi əməkdaşlığın, mədəni inteqrasiyanın və regional sabitlik istiqamətində birgə səylərin yeni mərhələyə qədəm qoyduğunu nümayiş etdirir.

Prezident İlham Əliyev vurğulayıb ki, Azərbaycan–Qazaxıstan münasibətləri dərin tarixi, mədəni və mənəvi köklər üzərində qurulmuş strateji tərəfdaşlıq modelidir. Tərəflər arasında yüksək səviyyəli siyasi dialoq, qarşılıqlı etimad və ortaq türk kimliyi bu münasibətlərin dayanıqlığını təmin edir.

Dövlət başçısı son illərdə Azərbaycan və Qazaxıstan arasında ticarət dövriyyəsinin dinamik şəkildə artdığını qeyd edib. Qazaxıstan şirkətlərinin Azərbaycan bazarına marağı, eyni zamanda birgə layihələrin həyata keçirilməsi gələcək iqtisadi əməkdaşlıq üçün möhkəm zəmin yaratdığını vurğulayıb.

Müsahibədə “Orta Dəhliz” kimi tanınan transkontinental logistika marşrutunun əhəmiyyətinə geniş yer ayrılıb. Azərbaycan və Qazaxıstan bu dəhliz çərçivəsində liman, dəmir yolu və gömrük infrastrukturunun əlaqələndirilməsi ilə yükdaşımaları daha səmərəli hala gətirmək niyyətindədirlər.

Ənənəvi enerji sahəsində mövcud əməkdaşlıqla yanaşı, Prezident Əliyev bərpa olunan enerji sahəsində də birgə təşəbbüsləri gündəmə gətirib. Azərbaycanın yaşıl enerji planları, xüsusilə Qarabağ və Zəngəzur bölgələrindəki layihələr, regionda ekoloji dayanıqlılığın təmin edilməsinə yönəlib.

Prezident İlham Əliyev müsahibəsində mədəniyyət, təhsil və informasiya sahəsində əməkdaşlığın xalqlar arasında qarşılıqlı anlaşmanı gücləndirdiyini bildirib. Hər iki ölkədə diasporaların fəaliyyəti və ortaq humanitar layihələrin bu istiqamətdə vacib rol oynadığı qeyd olunub.

Dövlətimizin başçısı Xəzər dənizinin səviyyəsinin azalması məsələsini xüsusi qeyd edərək, bu məsələdə region ölkələrinin birgə hərəkət etməsinin vacibliyini vurğulayıb.

Prezident İlham Əliyevin “Kazinform” agentliyinə verdiyi müsahibə, təkcə Azərbaycan–Qazaxıstan münasibətlərinin inkişafını deyil, həm də Türk dünyasının daha sıx inteqrasiyasını, regional sabitliyin və davamlı inkişafın əsaslarını əks etdirir. Bu müsahibə, eyni zamanda Avrasiya regionunda geosiyasi və iqtisadi proseslərdə Azərbaycanın fəal rolunun bir göstəricisidir.

Çingiz İbrahimov

YAP Göyçay rayon təşkilatının əməkdaşı

Paylaş:

Baxılıb: 415 dəfə