YAP Ağstafa rayon təşkilatı “Zəngilan şəhəri günü”nə və 18 oktyabr “Müstəqilliyin Bərpası günü”nə həsr olunmuş tədbir keçirilib

Bakı:

25 °C

71 %

11 m/s

AZ RU EN

Ana səhifə / YAP xəbərləri / YAP Ağstafa rayon təşkilatı “Zəngilan şəhəri günü”nə və 18 oktyabr “Müstəqilliyin Bərpası günü”nə həsr olunmuş tədbir keçirilib

YAP Ağstafa rayon təşkilatı “Zəngilan şəhəri günü”nə və 18 oktyabr “Müstəqilliyin Bərpası günü”nə həsr olunmuş tədbir keçirilib

18.10.2025 [15:35]

17 oktyabr 2025-ci il tarixində “Konstitusiya və Suverenlik İli” çərçivəsində Yeni Azərbaycan Partiyası Ağstafa rayon təşkilatı tərəfindən “Vurğun qəsəbə”, “Həsənsu kənd” və “Şıxəli Qurbanov küçəsi 19” Ərazi Partiya Təşkilatlarından olan partiya fəallarının iştirakı ilə 20 oktyabr “Zəngilan şəhəri günü”nə və 18 oktyabr “Müstəqilliyin Bərpası günü”nə həsr olunmuş tədbir keçirilib.

Əvvəlcə müasir müstəqil Azərbaycan dövlətinin banisi, ümummilli lider Heydər Əliyevin və Azərbaycanın ərazi bütövlüyü uğrunda canından keçən şəhidlərimizin əziz xatirəsi bir dəqiqəlik sükutla yad edilib.

Tədbiri giriş sözü ilə “Vurğun qəsəbə” Ərazi Partiya Təşkilatının sədri Tahir Şıxıyev qeyd edib ki, Prezident İlham Əliyevin Vətən müharibəsində əldə olunmuş tarixi Qələbəni əbədiləşdirmək və işğaldan azad edilmiş şəhərlərin günlərini təsis etmək məqsədilə 31 iyul 2023-cü il tarixli Sərəncamı ilə hər il işğaldan azad edilmiş ərazilərdəki şəhərlərin günləri təntənəli şəkildə qeyd olunacaq. Sərəncama əsasən, “20 oktyabr – Zəngilan şəhəri günü” elan edilib. Biz 44 gün ərzində həm ərazi bütövlüyümüzü bərpa etdik, həm ədaləti bərpa etdik, həm də milli ləyaqətimizi bərpa etdik. Bu gün işğaldan azad olunmuş bütün torpaqlarımızı öz gücümüzə yenidən qururuq, eləcə də Zəngilan torpağında həyat qururuq. Qarabağa “Böyük Qayıdış”da məhz Zəngilandan başlamışdır. Biz Qarabağı və Şərqi Zəngəzuru cənnətə çeviririk. Bu qürurlu günləri xalqımıza bəxş edən şəhidlərimizə Allahdan rəhmət diləyir, qazilərimizə şəfa arzu edirik. Ümummilli Liderin təlatümlərdən, təhlükələrdən çıxararaq qurub yaratdığı Azərbaycan indi Prezident İlham Əliyevin rəhbərliyi altında bütün dünyaya möhtəşəm yüksəliş dinamikası nümayiş etdirir. Ulu Öndərin yaratdığı quruculuq şəraiti indi də Azərbaycanın real siyasi və iqtisadi həyatında təzahür edir. Müstəqilliyin taleyini müəyyənləşdirən əsas amillər qorunub saxlanılır, inkişaf etdirilir.

Tədbirdə çıxış edən digər natiqlər – YAP Ağstafa rayon təşkilatının əməkdaşı Tağı İmamverdiyev, şəhid atası Nəsrəddin Əliyev, partiya fəalı Rüfət Axundov və Vətən müharibəsi iştirakçısı Uday Mustafazadə bildiriblər ki, Şanlı Zəfər yürüşünün – Vətən müharibəsinin 24-cü günü - 20 oktyabr tarixi həm xalqımızın, həm də zəngilanlıların yaddaşına əbədi həkk olunub. Çünki həmin gün Zəngilan Ermənistan silahlı qüvvələrinin işğalından azad edilib. 27 il davam etmiş işğala son qoyulan bu tarixi günü zəngilanlılar böyük fəxr və qürur hissi ilə xatırlayırlar. Tarixi Qələbə günlərinin əbədiləşdirilməsi dövlət siyasətinin tərkib hissəsidir. Prezident İlham Əliyevin 31 iyul 2023-cü il tarixli Sərəncamı ilə Azərbaycan Respublikasının işğaldan azad edilmiş əraziləri üzrə şəhər günləri təsis edilmişdir. Sözügedən Sərəncama əsasən 20 Oktyabr – Zəngilan Şəhəri Günü kimi müəyyən olunub. dövlət müstəqilliyinin bərpası yaranmış tarixi şəraitdən əlavə, həm də Azərbaycan xalqının müstəqillik arzusu və azadlıq mübarizəsi nəticəsində mümkün oldu. Azərbaycanın müstəqilliyi ağır sosial-iqtisadi şəraitdə və xalqımızın ağır sınaqlardan keçdiyi bir dövrdə əldə edildi. Müstəqilliyi bərpa etdikdən qısa müddət sonra xalqımız yenidən onu itirmək təhlükəsi ilə üzləşdi. Bir tərəfdən Ermənistanın ölkəmizə qarşı başladığı ərazi iddiaları və elan olunmamış müharibə şəraiti, digər tərəfdən dövlət rəhbərliyindəkilərin səriştəsizliyi, daxildə gedən siyasi çəkişmələr, vətəndaş qarşıdurması müstəqilliyin beşiyindəcə boğulması təhlükəsini yaradırdı. Məhz belə bir zamanda Azərbaycan xalqının tələbi ilə 1993-cü ildə Azərbaycan xalqının böyük oğlu, Ümummilli Lider Heydər Əliyevin hakimiyyətə qayıdışından sonra müstəqilliyi qorumaq və inkişaf etdirmək mümkün oldu.

Paylaş:

Baxılıb: 578 dəfə