Xəzər rayonunda Müstəqilliyin Bərpası Günü qeyd edilib

Bakı:

23 °C

55 %

1 m/s

Əlaqə

AZ RU EN

Ana səhifə / YAP xəbərləri / Xəzər rayonunda Müstəqilliyin Bərpası Günü qeyd edilib

Xəzər rayonunda Müstəqilliyin Bərpası Günü qeyd edilib

17.10.2025 [16:13]

Xəzər Rayon İcra Hakimiyyəti və Yeni Azərbaycan Partiyası Xəzər rayon təşkilatının birgə təşkilatçılığı ilə “Konstitusiya və Suverenlik İli” çərçivəsində 18 Oktyabr-Müstəqilliyin Bərpası Günü münasibətilə tədbir keçirilib.

Tədbirdə Xəzər Rayon İcra Hakimiyyəti başçısının I müavini Elşən Qurbanov, YAP Xəzər Rayon Təşkilatının sədri Namiq Əhmədov, Başçının müavini Lalə Əhmədova, rayon İcra Hakimiyyətinin məsul əməkdaşları, rayonunun idarə, müəssisə rəhbərləri, müəllimlər və gənclər iştirak ediblər.

YAP Xəzər rayon təşkilatının inzibati binasında təşkil olunan tədbirdə ilk öncə qonaqlar Ulu öndər Heydər Əliyevin əziz xatirəsini yad edərək, abidəsi önünə güllər düzüblər. Akt zalında davam edən görüşdə Azərbaycan Respublikasının Dövlət Himni səsləndirilmiş, ulu öndər Heydər Əliyev və Vətənimizin ərazi bütövlüyü uğrunda canlarından keçən şəhidlərimizin əziz xatirəsi bir dəqiqəlik sükütla yad edilmişdir.

Tədbiri YAP Xəzər Rayon Təşkilatının sədri Namiq Əhmədov açaraq bu tarixi gün haqqında məlumat vermişdir. O, bildirmişdir ki, 2021-ci il il oktyabrın 15-də Milli Məclis Prezident İlham Əliyevin təşəbbüsü ilə “Müstəqillik Günü haqqında” yeni Qanunu təsdiqləyib və Qanuna əsasən, mayın 28-i Müstəqillik Günü, oktyabrın 18-i isə Müstəqilliyin Bərpası Günü elan olunmuşdur. Bu məsələnin məhz Prezident tərəfindən qaldırılması daxilimizdə olan bəzi mənfur ünsürlərə verilən ən gözəl cavab idi. Özlərinin dağıdıcı missiyaları sayəsində ulu öndər Heydər Əliyevə qədər hakimiyyəti paylaşan bu qüvvələr 18 Oktyabrın bayram günü kimi qeyd olunmadığını iddia edirdilər. Qəbul olunmuş yeni qanunla artıq biz hər iki tarixi hadisəni bayram kimi qeyd edəcəyik – deyə N.Əhmədov vurğulayıb.

RİH başçısının I müavini Elşən Qurbanov çıxışında qeyd edib ki, 28 May - Respublika Gününün Müstəqillik, 18 Oktyabr - Müstəqillik Gününün isə Müstəqilliyin Bərpası Günü kimi qeyd olunması tarixi zərurətdir. Bugünkü reallıqlar və əldə etdiyimiz rəşadətli Zəfər bu bayramların adlarının da doğru yazılmasını tələb edir. Vətən müharibəsində qalib gəlməklə biz ərazi bütövlüyümüzün və azad olunmuş ərazilərdə suverenliyimizin təmin olunması ilə yanaşı, müstəqillik tarixində ilk dəfə itirilmiş torpaqların geriyə alınmasına nail olduq.

Prezident İlham Əliyev, rəşadətli Ordumuz və canlarını Vətənə qurban verən şəhidlərimiz tərəfindən xalqımıza bəxş edilmiş şanlı Zəfər tariximiz bizim qürur mənbəyimizdir. E.Qurbanov çıxışını Prezidentin də xüsusi vurğuladığı kimi, “Azərbaycan xalqı öz tarixi torpaqlarında bundan sonra da yaşayacaqdır. Heç kim bizi öz ata-baba yurdlarımızdan çıxara bilməz! sitatı ilə yekunlaşdırdı.

Tədbir iştirakçılarından çıxış edən Ziyalılar Cəmiyyətinin sədri Təvəkkül Səlimov, 156№li tam orta məktəbin tarix müəllimi Mənzər Ağabəyova bildirdilər ki, müstəqillik bir millətin qorumalı olduğu mənəvi xəzinədir. Bu bir kimlik, var olma, mövcudluq məsələsidir. Ulu öndər Heydər Əliyevin söylədiyi kimi, “Müstəqilliyin əldə olunması çətindir, amma onu qorumaq daha da çətindir”. Uğrunda mübarizə aparacağın torpağın, yaşatmaq istədiyin xalqın olduğunda müstəqillik məfkurəsinə sahib olursan. Və bu müstəqilliyi qorumaq bir Azərbaycan vətandaşı kimi bizim ən ümdə borcumuzdur.

Paylaş:

Baxılıb: 531 dəfə