Prezident İlham Əliyevin həyata keçirdiyi siyasət xalqa xidmət edir

Bakı:

26 °C

47 %

6 m/s

Əlaqə

AZ RU EN

Ana səhifə / YAP xəbərləri / Prezident İlham Əliyevin həyata keçirdiyi siyasət xalqa xidmət edir

Prezident İlham Əliyevin həyata keçirdiyi siyasət xalqa xidmət edir

03.10.2013 [10:26]

Göygöl rayonunun Bəhramdağ, Səmədli və Quşqara kəndlərində seçicilərlə görüşlər keçirilib
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası çərçivəsində YAP Göygöl rayon təşkilatı seçicilərlə görüşlərini davam etdirir. Növbəti görüşlər rayonun Bəhramdağ, Səmədli və Quşqara kəndlərində keçirilib.
YAP Göygöl rayon təşkilatının sədri Turani Əliyev çıxış edərək deyib ki, Azərbaycan vətəndaşları Prezident İlham Əliyevin namizədliyini dəstəkləməklə son 10 il ərzində Onun rəhbərliyi altında ölkəmizdə həyata keçirilən siyasətin uğurlu nəticələrinə qiymət vermiş olurlar: “Azərbaycan dünyanın iqtisadi cəhətdən ən dinamik inkişaf tempinə malik olan ölkə imicini qazanıb. Eyni zamanda, Prezident İlham Əliyevin siyasəti nəticəsində əhalinin rifahı yüksəlib, xüsusilə, ölkəmizin beynəlxalq miqyasda nüfuzu əhəmiyyətli dərəcədə artıb”.
“Bütün görülən bu işlərin bundan sonra da davam etdirilməsi üçün sizi 9 oktyabrda keçiriləcək prezident seçkilərində Yeni Azərbaycan Partiyasının namizədi, Ulu öndər Heydər Əliyevin layiqli davamçısı İlham Əliyevə səs verməyə çağırıram” - deyə, YAP Göygöl rayon təşkilatının sədri vurğulayıb.
Daha sonra çıxış edən YAP Göygöl rayon təşkilatının sədr müavini Vüqar İsayev deyib ki, Prezidentimizin yürütdüyü daxili və xarici siyasət nəticəsində Azərbaycan ilbəil güclənir, inkişaf edir və beynəlxalq müstəvidə də öz mövqeyini gücləndirir: “Prezident İlham Əliyevin həyata keçirdiyi siyasət xalqa xidmət edir və bu siyasətin əsasında milli maraqlarımız dayanır. Ona görə də, xalqımızın növbəti seçkilərdə də cənab İlham Əliyevə etimad göstərəcəyi şübhəsizdir”.
YAP Göygöl rayon təşkilatının aparat rəhbəri Rəşad Veysov isə öz növbəsində diqqətə çatdırıb ki, son 10 ildə Prezident İlham Əliyevin rəhbərliyi ilə Azərbaycan öz tərəqqisinin zirvəsinə yüksəlib. Seçkilər ərəfəsində ictimaiyyət nümayəndələrinin böyük ruh yüksəkliyinə malik olduğu diqqətə çatdıran natiq bildirib ki, bu ruh yüksəkliyi təsadüfi deyil və xalqın cənab İlham Əliyevin həyata keçirdiyi siyasətə yüksək inamından qaynaqlanır: “Azərbaycan ictimaiyyətinin birmənalı yanaşması budur ki, ölkəmizin gələcək inkişafı bilavasitə cənab Prezident İlham Əliyevin adı ilə bağlıdır. Ona görə də, əminliklə deyə bilərəm ki, cəmiyyət nümayəndələri birmənalı şəkildə Yeni Azərbaycan Partiyasının namizədi cənab İlham Əliyevə səs verəcəklər”.
Daha sonra çıxış edən seçicilər - Rövşən Əhmədov, Ramin Bayramov və digərləri Prezident İlham Əliyevin rəhbərliyi ilə həyata keçirilən siyasətin uğurlu nəticələrindən bəhs ediblər və Yeni Azərbaycan Partiyasının namizədinin növbəti dəfə əzəmətli qələbə qazanacağına inandıqlarını bildiriblər. Onlar 9 oktyabrda keçiriləcək seçkilərdə cənab İlham Əliyevə səs verəcəklərini deyiblər.
NURLAN

Paylaş:

Baxılıb: 1349 dəfə