YAP Laçın rayon təşkilatı "Konstitusiya və Suverenlik İli" çərçivəsində tədbir keçirilib

Bakı:

26 °C

61 %

9 m/s

Əlaqə

AZ RU EN

Ana səhifə / YAP xəbərləri / YAP Laçın rayon təşkilatı "Konstitusiya və Suverenlik İli" çərçivəsində tədbir keçirilib

YAP Laçın rayon təşkilatı "Konstitusiya və Suverenlik İli" çərçivəsində tədbir keçirilib

10.10.2025 [19:17]

Yeni Azərbaycan Partiyası Laçın rayon təşkilatı 2 saylı ərazi partiya təşkilatının üzvülərinin iştirakı ilə rayonun Çıraqlı kənd tam orta ümumtəhsil məktəbində "Konstitusiya və Suverenlik İli" ilə əlaqədar "Ümummilli Lider Heydər Əliyev müstəqil Azərbaycan Konstitusiyasının müəllifidir" mövzusunda tədbir keçirilib.

Tədbirdə Yeni Azərbaycan Partiyası Laçın rayon təşkilatının sədri İlqar İlyasov, şəhid Mənsur Əhmədovun atası, təqaüdçü Mamed Əhmədov, rayonun tanınmış ziyalısı Varaşil Məmmədov və Çıraqlı kənd tam orta ümumtəhsil məktəbinin kollektivi iştirak ediblər.
Tədbir Ümummilli Lider Heydər Əliyev və torpaqlarımızın bütövlüyü uğrunda şəhid olan Vətən övladlarının xatirəsinin bir dəqiqəlik sükutla yad edilməsi ilə başlayıb.

Tədbirdə çıxış edən Yeni Azərbaycan Partiyası Laçın rayon təşkilatının sədri İlqar İlyasov vurğulayıb ki, Ulu Öndərin bilavasitə rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının ilk Konstitusiyası ölkəmizdə genişmiqyaslı qanunvericilik və institusional islahatların əsasını təşkil edir: "Bu Konstitusiya dövlətimizin müstəqilliyinin, suverenliyinin və ərazi bütövlüyünün qorunması, hüquqi, dünyəvi dövlət quruculuğu, vətəndaşlarımızın layiqli həyat səviyyəsinin, dünya ölkələri ilə dostluq və əməkdaşlığın təmin edilməsi kimi ali niyyətlərin həyata keçirilməsi üçün mühüm qanunvericilik bazası rolunu oynayır. Konstitusiyanın preambulasında Azərbaycanın dövlət müstəqilliyinin, suverenliyinin və ərazi bütövlüyünün qorunması başlıca niyyətlərdən biri kimi bəyan edilmişdir. Lakin Ermənistanın Azərbaycana qarşı təcavüzü nəticəsində torpaqlarımızın 20 faizinin 30 ilə yaxın işğal altında qalması Azərbaycan Respublikasının suveren hüquqlarının həmin ərazilərdə tətbiqinə imkan verməmişdir. Ermənistanın işğalçılıq siyasətinə son qoyulması və ölkəmizin ərazi bütövlüyünün, suverenliyinin bərpa edilməsi Azərbaycan xalqının milli ideyasının əsas məqsədlərindən birinə çevrilmişdir. 2020-ci il sentyabrın 27-də Ermənistanın təxribatlarına cavab olaraq başlamış Vətən müharibəsində tarixi qələbə və 2023-cü il sentyabrın 19-20-də həyata keçirilmiş uğurlu antiterror əməliyyatı nəticəsində ölkəmizin ərazi bütövlüyü və suverenliyi tam bərpa edilmiş, Azərbaycan Konstitusiyasının hüquqi qüvvəsi işğalın aradan qaldırıldığı bütün ərazilərdə bərqərar olmuşdur. Azərbaycan Respublikasının Prezidenti İlham Əliyevin 19 sentyabr 2024-cü il tarixli sərəncamına əsasən, sentyabrın 20-si Azərbaycan Respublikasında Dövlət Suverenliyi Günü elan edilmişdir".

Çıxış edən şəhid atası Mamed Əhmədov və rayon ziyalısı Varaşil Məmmədov Ulu Öndərin dövlətçilik, müstəqillik və hüquq sahələrindəki irsini, onun Azərbaycanın gələcək nəsilləri üçün yaratdığı əhəmiyyətli töhfələri vurğulayaraq bilavasitə Heydər Əliyevin rəhbərliyi ilə hazırlanmış və 1995-ci il noyabrın 12-də qəbul olunmuş Azərbaycan Respublikasının Konstitusiyasının ölkəmizin suverenliyinə və demokratik prinsiplərə əsaslandığından söhbət açmış, bu prinsiplərin qorunması istiqamətində dövlət başçısı İlham Əliyevin müstəsna xidmətlərindən danışmışlar.

Paylaş:

Baxılıb: 755 dəfə