İtaliya Azərbaycanın etibarlı tərəfdaşıdır

Bakı:

19 °C

88 %

4 m/s

Əlaqə

AZ RU EN

Ana səhifə / YAP xəbərləri / İtaliya Azərbaycanın etibarlı tərəfdaşıdır

İtaliya Azərbaycanın etibarlı tərəfdaşıdır

07.10.2025 [13:57]

Ümummilli Lider Heydər Əliyev tərəfindən əsası qoyulmuş, ölkəmizin maraqlarına cavab verən və tam müstəqil siyasi xəttin Prezident İlham Əliyev tərəfindən uğurla davam etdirilməsi dövlətimizin beynəlxalq münasibətlər sistemində söz sahibi olmasına, mövqeyinin möhkəmlənməsinə, nüfuzunun davamlı şəkildə artmasına səbəb olub. Azərbaycanın İtaliya ilə münasibətləri də çox yüksək səviyyədədir. Ölkələrimiz arasında siyasi dialoq olduqca fəaldır və ikitərəfli gündəliyimizə yeni, vacib mövzular daxil olunur.

Bütün dünyada olduqca gərgin və ziddiyyətli proseslərin getdiyi, ciddi geosiyasi savaşların baş verdiyi bir dövrdə beynəlxalq aləmdə söz sahibi olmaq, ölkəni dinamik şəkildə inkişaf etdirmək, dünya dövlətlərinin Azərbaycanla hesablaşmasına nail olmaq və bütün bunların nəticəsi olaraq, otuz ilə yaxın müddətdə düşmən işğalı altında qalmış torpaqları azad etmək, əlbəttə ki, misilsiz tarixi nailiyyətdir. Görkəmli siyasi xadim olan Prezident İlham Əliyev irəli sürdüyü qlobal təşəbbüsləri ilə daim seçilir. Bu, onu göstərir ki, dövlətimizin başçısının siyasi fəaliyyətinin təsir dairəsi yalnız Azərbaycanı deyil, bütün regionu əhatə edir.

Azərbaycanın xarici siyasət kursunda İtaliya Respublikası ilə qarşılıqlı faydalı münasibətlərin mühüm yer tutur. Xarici siyasət baxımından İtaliya, Avropa Birliyinin üzvü və Avropanın bir parçası kimi Azərbaycanın ən yaxın tərəfdaşlarından biridir. Hər iki ölkəni möhkəm dostluq və əməkdaşlıq ənənələri bağlayır. Bu ənənənin davamı olaraq İtaliya liderinin sentyabrı 30-da İtaliyaya növbəti səfəri də ölkələrimiz arasında əlaqələrin möhkəmlənməsinə xidmət edir.

Səfərdə əsas enerji siyasəti mühüm yer tutub.. Məlumdur ki, 1994-cü ildə müstəqilliyimizin bərpasından, sadəcə, üç il keçdikdən sonra Azərbaycan dünyanın aparıcı enerji şirkətlərini Xəzər dənizində çalışmağa dəvət edən ilk ölkə oldu. Tezliklə Avropa bazarına, əsasən də İtaliyaya neft ixrac edən ölkəyə çevrildik. Hazırda İtaliya Azərbaycandan xam neft və neft məhsullarının ixracında ən iri ticarət tərəfdaşına çevrilib.

Bu səfər təsadüfi deyil; İtaliya üçün Azərbaycan strateji tərəfdaşdır və iki ölkə arasında əməkdaşlığın dərinləşdirilməsi prioritet məsələdir. İtaliya ilə münasibətləri yüksək qiymətləndiririk və bu əlaqələrin davamlı inkişafını təmin etmək məqsədilə bir təşəbbüslərin həyata keçirilməsini alqışlayırıq.

Bəhruz Ramazanov,

YAP Qusar rayon təşkilatının məsləhətçisi

Paylaş:

Baxılıb: 707 dəfə