İtaliya–Azərbaycan Universitetinin yaradılması xüsusi əhəmiyyətə malikdir

Bakı:

21 °C

83 %

6 m/s

Əlaqə

AZ RU EN

Ana səhifə / YAP xəbərləri / İtaliya–Azərbaycan Universitetinin yaradılması xüsusi əhəmiyyətə malikdir

İtaliya–Azərbaycan Universitetinin yaradılması xüsusi əhəmiyyətə malikdir

07.10.2025 [15:41]

Toğrul Zeynalov

YAP Ağdam rayon təşkilatının əməkdaşı

İtaliya-Azərbaycan Universitetinin yaradılması təşəbbüsü iki ölkə arasında strateji tərəfdaşlığın yalnız siyasi və iqtisadi sahələrlə məhdudlaşmadığını, eyni zamanda elm, təhsil və mədəniyyət kimi dəyərlər üzərində də qurulduğunu aydın şəkildə ortaya qoyur. Prezident İlham Əliyevin 30 sentyabr tarixində İtaliya Prezidenti Sercio Mattarella ilə birgə mətbuata verdiyi bəyanatında bu universitetin təsis olunmasının mühüm tarixi hadisə kimi qiymətləndirilməsi, onun gələcək nəsillərə hesablanmış uzaqgörən bir qərar olduğunu təsdiqləyir. İtaliyanın nüfuzlu ali təhsil ocaqlarının bu layihəyə qoşulması, Azərbaycanda Avropa təhsil ənənələrinə uyğun tədrisin təşkilinə, yerli tələbələrin beynəlxalq səviyyədə rəqabətqabiliyyətli biliklərə yiyələnməsinə şərait yaradacaq. Universitet yalnız bir təhsil mərkəzi kimi deyil, eyni zamanda elmi tədqiqatların aparıldığı, professor-müəllim heyəti və tələbələr arasında qarşılıqlı akademik əməkdaşlığın inkişaf etdiyi, yeni ideyaların və texnoloji innovasiyaların formalaşdığı bir məkana çevriləcək.

Bununla yanaşı, bu ali təhsil müəssisəsi iki ölkənin gənc nəslinin bir-birinin tarixi, dili, ədəbiyyatı və mədəni dəyərləri ilə tanış olmasına, qarşılıqlı anlaşma və hörmətin dərinləşməsinə xidmət edəcək. Mədəni diplomatiyanın güclənməsi və xalqlar arasında bağların daha da sıxlaşması baxımından bu cür təşəbbüslər olduqca əhəmiyyətlidir. İtaliya-Azərbaycan Universiteti həm də Avropa ilə Cənubi Qafqaz arasında təhsil və mədəniyyət sahəsində körpü rolunu oynayaraq, bölgədə elmi biliklərin yayılması, qabaqcıl tədris metodlarının tətbiqi və qlobal elm məkanına inteqrasiya istiqamətində mühüm bir mərkəzə çevriləcək. Bu, ölkəmizin ali təhsil sisteminin beynəlmiləlləşməsi və insan kapitalının inkişafı üçün əlavə imkanlar yaradacaq, eyni zamanda İtaliya üçün də Azərbaycanla münasibətlərin dərinləşdirilməsi baxımından strateji əhəmiyyət daşıyacaq. Cənab Prezident İlham Əliyevin də qeyd etdiyi kimi, bu universitetin yaradılması iki ölkə arasında dostluğun və əməkdaşlığın rəmzi olmaqla bərabər, gələcək nəsillər üçün də ortaq elmi və mədəni irsə töhfə verəcək böyük bir layihədir. Bu baxımdan, İtaliya-Azərbaycan Universiteti təkcə iki dövlətin təhsil sahəsində uğurlu əməkdaşlığı deyil, bütövlükdə ortaq gələcəyə hesablanmış və hər iki xalqın rifahına xidmət edən strateji humanitar platformadır.

Paylaş:

Baxılıb: 517 dəfə