Vətən müharibəsi şəhidlərinin anım tədbirləri keçirilib

Bakı:

20 °C

83 %

0 m/s

Əlaqə

AZ RU EN

Ana səhifə / YAP xəbərləri / Vətən müharibəsi şəhidlərinin anım tədbirləri keçirilib

Vətən müharibəsi şəhidlərinin anım tədbirləri keçirilib

03.10.2025 [17:15]

Vətən müharibəsi şəhidləri Əsgərli Tural Ələmdar oğlu və Adıgözəlov Cəmil Əli oğlunun ildönümü münasibətilə anım tədbirləri keçirilib.

İlk öncə şəhid Tural Əsgərlinin Hərbi Memorial Məzarlıqda məzarı ziyarət olunub, önünə gül dəstələri düzülüb, əziz xatirəsi dərin ehtiramla yad edilib.

Daha sonra Sabunçu rayonu, Ramana Şəhidlər Xiyabanında şəhid Adıgözəlov Cəmil Əli oğlunun əziz xatirəsi ehtiramla yad olunub, məzarı önünə gül dəstələri düzülüb.

Anım tədbirlərində YAP Sabunçu rayon təşkilatının sədr müavini Zülfüqar Cəfərov, Sabunçu Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Fəqan Əlizadə, Sabunçu Rayon İcra Hakimiyyəti başçısının Zabrat qəsəbəsi üzrə nümayəndəsi Zülfüqar Mirzəliyev, Sabunçu Rayon İcra Hakimiyyəti başçısının Ramana qəsəbəsi üzrə nümayəndəsi Rauf Həsənov, Zabrat bələdiyyəsinin sədri Nailə Nəsirova və şəhidlərin ailə üzvləri iştirak ediblər.

Qeyd edək ki, Əsgərli Tural 1993-cü il aprel ayının 20-də Kəngərli rayonunun Qıvraq qəsəbəsində anadan olub. 1999-2007-ci illərdə Qıvraq qəsəbəsinin tam orta məktəbində, 2007-2010-cu illərdə isə Heydər Əliyev adına Naxçıvan Hərbi Liseyində təhsil alıb. 2010-2014 cü illərdə Heydər Əliyev adına Azərbaycan Ali Hərbi Məktəbində (AAHM) ali hərbi təhsil alıb. 2016-cı ildə Aprel döyüşlərində iştirak edib və göstərdiyi igidliyə görə baş leytenant hərbi rütbəsinə layiq görülüb. Kəlbəcər uğrunda gedən döyüşlər zamanı şəhadətə yüksəlib. Oktyabr ayının 3-də Bakıda İkinci Şəhidlər Xiyabanında dəfn olunub. Ölümündən sonra Azərbaycan Respublikasının Prezidenti İlham Əliyevin Sərəncamları ilə 3-cü dərəcəli “Rəşadət” ordeni, “Vətən uğrunda”, “Cəsur döyüşçü” və “Kəlbəcərin azad olunmasına görə” medalları ilə təltif olunub.

Cəmil Adıgözəlov 29 aprel 2002-ci ildə Sabunçu rayonu, Ramana qəsəbəsində anadan olub. 2019-cu ildə Suraxanı rayonu Bülbülə qəsəbəsində yerləşən orta məktəbi bitirərək 2020-ci ilin aprel ayında hərbi xidmətə yollanıb. Suqovuşan kəndi istiqamətində gedən döyüşlərdə şəhid olub. Sabunçu rayonu, Ramana qəsəbə qəbirstanlığında dəfn olunub. Ölümündən sonra Azərbaycan Respublikasının Prezidenti İlham Əliyevin Sərəncamları ilə “Vətən uğrunda”, Suqovuşanın azad olunmasına görə" və “Laçının azad olunmasına görə" medalları ilə təltif olunub.

Paylaş:

Baxılıb: 632 dəfə