Prezident İlham Əliyevin qələbəsinə heç bir şübhəmiz yoxdur

Bakı:

22 °C

68 %

6 m/s

Əlaqə

AZ RU EN

Ana səhifə / YAP xəbərləri / Prezident İlham Əliyevin qələbəsinə heç bir şübhəmiz yoxdur

Prezident İlham Əliyevin qələbəsinə heç bir şübhəmiz yoxdur

28.09.2013 [11:03]

Ağdam rayonunun Çullu kəndində və Birinci Alıbəyli qəsəbəsində seçicilərlə görüş keçirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Heydər oğlu Əliyevin Ağdam rayonu üzrə seçki qərargahı qanunvericiliyə uyğun olaraq təbliğat-təşviqat kampaniyasını davam etdirir. Kampaniya çərçivəsində rayonun Çullu kəndində və Alıbəyli qəsəbəsində seçicilərlə görüş keçirilib.
Görüşü giriş sözü ilə açan YAP Ağdam rayon təşkilatının sədri İsgəndər Quliyev Prezident İlham Əliyevin ölkəmizə rəhbərlik etdiyi 10 il ərzində Azərbaycanın əldə etdiyi möhtəşəm nailiyyətlərdən bəhs edib. Yeni Azərbaycan Partiyasının çoxşaxəli və milli maraqlara əsaslanan fəaliyyətindən danışan təşkilat sədri qeyd edib ki, YAP ölkəmizdə keçirilən bütün seçkilərdə qələbələr qazanıb. “Bu qələbələri şərtləndirən əsas amillərdən biri də YAP-ın seçki kampaniyalarına yüksək səviyyədə hazırlıqlı olmasıdır. Hazırkı seçki kampaniyasına da partiyamız ciddi şəkildə hazırlaşıb və təbliğat-təşviqat prosesi yüksək səviyyədə davam etdirilməkdədir” - deyə, İ.Quliyev qeyd edib. Onun sözlərinə görə, insanlar növbəti 5 ildə də cənab İlham Əliyevi dövlət başçısı kimi görmək istəyirlər: “Qarşıdan gələn prezident seçkilərində də partiyamızın Sədri, dövlət başçısı İlham Əliyevin qələbəsi şübhə doğurmur. Çünki ötən 10 il ərzində ölkəmizdə həyata keçirilən uğurlu siyasət xalqımız tərəfindən birmənalı şəkildə dəstəklənir”.
Seçki qərargahının üzvü Hüseyn Bayramov çıxışında bildirib ki, əldə edilən bütün nailiyyətlərin fonunda Yeni Azərbaycan Partiyasının namizədi cənab İlham Əliyev prezident seçkilərində möhtəşəm qələbə qazanacaq: “Bütün bu uğurlar, möhtəşəm nailiyyətlər belə bir nəticəyə gəlməyə imkan verir ki, Azərbaycan xalqı bir daha cənab İlham Əliyevi özünün Prezidenti kimi görmək istəyir”.
Daha sonra seçki qərargahının üzvləri Rəfail Novruzov, Xosrov İsmayılov və başqaları çıxış edərək 9 oktyabrda keçiriləcək Prezident seçkilərində cənab İlham Əliyevə səs vermək üçün seçiciləri daha fəal olmağa çağırıblar.
Seçici Tahir İdrisli Prezident İlham Əliyevin rəhbərliyi ilə ölkəmizdə qazanılmış böyük uğurlardan, genişmiqyaslı inkişafdan, həyata keçirilən sosial layihələrdən söz açıb, görülən işlərin xalqımız tərəfindən rəğbətlə qarşılandığını bildirib. O, deyib ki, ağdamlıların seçimi cənab İlham Əliyevdir.
Digər seçici Həmid Məmmədli də çıxışında bu seçkilərdə cənab İlham Əliyevə rəqib olmadığını bildirib: “Prezident İlham Əliyev Öz fəaliyyəti ilə bütün xalqımızın etimadını qazanıb. Ona görə də, seçkilərdə Onun qələbəsinə heç bir şübhəmiz yoxdur”.
N.BAYRAMLI

Paylaş:

Baxılıb: 1246 dəfə