Xızılı gənclər cənab İlham Əliyevə səs verəcəklər

Bakı:

24 °C

64 %

2 m/s

Əlaqə

AZ RU EN

Ana səhifə / YAP xəbərləri / Xızılı gənclər cənab İlham Əliyevə səs verəcəklər

Xızılı gənclər cənab İlham Əliyevə səs verəcəklər

28.09.2013 [11:00]

9 oktyabrda keçiriləcək prezident seçkiləri çərçivəsində YAP Xızı rayon təşkilatı Gənclər Birliyinin gənclərlə görüşü keçirilib
Xızı rayonunda gənclərlə görüş keçirilib. Tədbiri giriş sözü ilə açan Yeni Azərbaycan Partiyası Xızı rayon təşkilatının sədri Fərrux Haqverdiyev bildirib ki, müasir Azərbaycan gəncliyi inkişafının yeni mərhələsinə qədəm qoyub: “Əsası Ümummilli lider Heydər Əliyev tərəfindən qoyulan dövlət gənclər siyasətinin Prezident İlham Əliyev tərəfindən uğurla davam etdirilməsi heç şübhəsiz qazanılmış uğurları bərabərində gətirir. Artıq Azərbaycan gəncliyi cəmiyyətin inkişafında fəal sosial təbəqəyə çevrilib. Ölkə gəncləri demokratikləşmə prosesində fəal iştirak edir, mədəniyyət, incəsənət, elm və digər sahələrdə parlaq nailiyyətlər qazanır, dövlətçilik ənənələrini daim uca tuturlar.
Məlum olduğu kimi, Prezident İlham Əliyev 2011-ci il iyulun 7-də “Azərbaycan gəncliyi 2011-2015-ci illərdə Dövlət Proqramı”nı təsdiq edib. Proqramda qarşıya qoyulmuş vəzifələr gənclərin hərtərəfli inkişafı üçün şəraitin yaradılmasını sözün əsl mənasında təmin edir. Elə ona görə də, bu gün Azərbaycan gəncliyi cənab İlham Əliyevə inanır, onu dəstəkləyir”.
Yeni Azərbaycan Partiyası Xızı rayon təşkilatının Gənclər Birliyinin sədri Jalə Hüseynova tədbirdə çıxış edərək bildirib ki, bu gün Azərbaycanda gənc nəsil dövlət qayğısı ilə əhatə olunub: “Prezident İlham Əliyevin timsalında Azərbaycan gəncləri özlərinin ən böyük hamilərini görürlər. Odur ki, qarşıdan gələn prezident seçkilərində Azərbaycan gənclərinin seçimi cənab İlham Əliyev olacaq”.
Daha sonra tədbirdə çıxış edən Xızı rayon orta məktəbinin müəlliməsi Gültəkin Babayeva qeyd edib ki, məhz cənab Prezident İlham Əliyevin qərarı ilə 2007-ci ilin ölkəmizdə “Gənclər ili” kimi qeyd edilməsi dövlətimizin gənclərə olan münasibətinin ifadəsidir: “Oktyabrda keçiriləcək prezident seçkiləri ilə əlaqədar Xızıda yaşayan gənclər öz seçimini edib: gənclik bu seçkilərdə də Azərbaycanın inkişafı siyasətinə dəstək verəcək”.
Görüşdə “Səs” qəzetinin baş redaktoru Bəhruz Quliyev çıxış edərək qeyd edib ki, Prezident İlham Əliyevin həyata keçirdiyi inkişaf siyasəti xalqımız tərəfindən birmənalı şəkildə dəstəklənir: “Azərbaycan gəncliyi ictimai həyatın bütün bölmələrində aktiv fəaliyyəti ilə seçilir, siyasi, iqtisadi, humantiar, sosial tədbirlərin həyata keçirilməsində mühüm rol oynayırlar. Gənclər fərqindədirlər ki, bu şəraiti onlar üçün yaradan cənab İlham Əliyevdir. Mən inanıram ki, gənclərimiz oktyabrın 9-da Azərbacanın inkişafının davamlılığına səs verəcəklər”.
Oktay

Paylaş:

Baxılıb: 1255 dəfə