“Cənab İlham Əliyevi yenidən ölkə Prezidenti seçəcəyik”

Bakı:

17 °C

77 %

4 m/s

Əlaqə

AZ RU EN

Ana səhifə / YAP xəbərləri / “Cənab İlham Əliyevi yenidən ölkə Prezidenti seçəcəyik”

“Cənab İlham Əliyevi yenidən ölkə Prezidenti seçəcəyik”

27.09.2013 [10:16]

Bu fikirlər YAP tərəfindən prezidentliyə namizədliyi irəli sürülmüş cənab İlham Əliyevin təbliğat-təşviqat kampaniyası çərçivəsində Gəncədə keçirilən görüşdə bir daha səsləndirilib
Yeni Azərbaycan Partiyası (YAP) tərəfindən prezidentliyə namizədliyi irəli sürülən cənab İlham Əliyevin Gəncə şəhəri üzrə seçki qərargahı təbliğat-təşviqat kampaniyası çərçivəsində dünən Gəncə şəhərində seçicilərlə növbəti görüş keçirib.
Tədbiri YAP Gəncə şəhər təşkilatının sədri Naqif Həmzəyev açaraq, ərazisinin 20 faizi düşmən işğalı altında olan, hələ də müharibə şəraitində yaşayan Azərbaycanın, dünya ölkələrinin böhran məngənəsində sıxıldığı bir vaxtda böyük uğurlar qazanaraq, beynəlxalq aləmdə yüksək nüfuz sahibi olmasından bəhs edib.
Natiq vurğulayıb ki, bu gün müstəqil Azərbaycan demokratik və bəşəri dəyərlərin bərqərar olduğu məkan, dünya birliyinin layiqli üzvü, davamlı inkişaf edən, dayanıqlı iqtisadiyyata malik ölkədir: “İqtisadiyyatın inkişaf etdirilməsi, insanların rifahının yüksəlməsi və ölkəmizdə infrastruktur layihələrinin həyata keçirilməsi nəticəsində Azərbaycanın simasının daha da yaxşılaşdırılması, regionlarımızın inkişafının təmin edilməsi baxımından 2013-cü ilin böyük nailiyyətlər ili olacağına əminik. Bütün bunlar bir daha sübut edir ki, cənab Prezident İlham Əliyev ümumbəşəri dəyərlərə əsaslanan özünəməxsus inkişaf kursu ilə, demokratikləşmə, davamlı və dayanıqlı iqtisadi tərəqqi, dünya birliyinə sürətli inteqrasiya, ölkənin potensialının güclənməsinə, dövlətçiliyin daha da möhkəmləndirilməsinə və əhalinin sosial rifahının yüksəldilməsinə yönəldilmiş siyasəti ilə Azərbaycanı dünyanın ən inkişaf etmiş ölkələrindən birinə çevrilməsi məqsədinə doğru inam və böyük uğurla aparır. Bu zəfərlərə doğru gəlin birlikdə addımlayaq! Azərbaycanı cənab İlham Əliyevin müdrik siyasəti ilə qələbələrdən qələbələrə aparaq!”
Gəncə Dövlət Universitetinin (GDU) Ağsaqqallar Şurasının sədr müavini Eynəddin Məmmədov, Ağsaqqallar Şurası İdarə Heyətinin üzvü Qurban Qurbanov, AzMİ-nin tələbəsi Ramidə Məmmədova və başqaları nitqlərində vurğulayıblar ki, ölkə Prezidenti cənab İlham Əliyevin misilsiz xidmətləri sayəsində bütün fəaliyyət sahələrində insanlara xidmət müasir tələblər səviyyəsində qurulub: “Belə bir müasir şəraiti, geniş imkanları, rahatlığı bizə bəxş edən Ulu öndər Heydər Əliyevin siyasi kursunun layiqli davamçısı cənab İlham Əliyevə yekdilliklə səs verəcəyik və hər zaman Onu dəstəkləyəcəyik!”
Seçicilərdən Raqif Hüseynov, Ziyafət İsmayılova, Durna Dəsti və başqaları cənab İlham Əliyevə gördüyü işlərə, beynəlxalq aləmdə apardığı uğurlu və uzaqgörən siyasətə görə təşəkkür edərək, hər kəsi Yeni Azərbaycan Partiyasının namizədinə səs verməyə çağırıblar. Vurğulayıblar ki, doğma Vətənimiz Azərbaycan 10 ildir ki, dünya miqyasında ən sabit, inkişaf edən ölkələrdən biridir. Bu gün ölkəmizin sənaye və turizm mərkəzinə çevrilən Gəncə də Azərbaycanda olan sabitliyin, inkişafın bəhrələrini görür, firavan yaşayır: “Bu firavanlığı, inamı bizə bəxş edən İlham Əliyevə minnətdarıq! Bizim hər birimizin istəyimizlə, bütün azərbaycanlıların lideri olan cənab İlham Əliyevi yenidən ölkə Prezidenti seçəcəyik!”.
Fazil İSMAYILOV

Paylaş:

Baxılıb: 1146 dəfə