Hacıqabul ictimaiyyəti ölkəmizin gələcək inkişafına-cənab İlham Əliyevə səs verəcək

Bakı:

18 °C

72 %

5 m/s

Əlaqə

AZ RU EN

Ana səhifə / YAP xəbərləri / Hacıqabul ictimaiyyəti ölkəmizin gələcək inkişafına-cənab İlham Əliyevə səs verəcək

Hacıqabul ictimaiyyəti ölkəmizin gələcək inkişafına-cənab İlham Əliyevə səs verəcək

27.09.2013 [10:16]

YAP Hacıqabul rayon təşkilatı Qubalı və Tağılı kəndlərində görüş keçirib
9 oktyabrda keçiriləcək Azərbaycan Respublikası pezident seçkiləri ilə əlaqədar Yeni Azərbaycan Partiyası tərəfindən namizədliyi irəli sürülmüş Azərbaycan Respublikasının Prezidenti cənab İlham Əliyevin Hacıqabul rayonu üzrə seçki qərargahı təbliğat-təşviqat kampaniyasını davam etdirir. Bu çərçivədə növbəti görüş rayonun Qubalı və Tağılı kəndlərində keçirilib.
Tədbiri giriş sözü ilə açan YAP Hacıqabul rayon təşkilatının sədri Hafiz Bəşirov müstəqillik dövrünün ilk illərində ölkəmizin və xalqımızın üzləşdiyi çətinliklərdən danışıb. H.Bəşirov bildirib ki, Ulu öndər Heydər Əliyevin ikinci dəfə hakimiyyətə qayıdışı ölkəmizdə sabitliyin yaranmasına, Azərbaycanın inkişafına yol açdı: “Biz bu gün dövlətimizlə fəxr ediriksə, onun inkişafı bizi qürurlandırırsa, buna görə Ulu öndərə, Onun əsasını qoyduğu siyasi kursa borcluyuq. Bu siyasi kursun Prezident İlham Əliyev tərəfindən uğurla davam etdirilməsi ölkəmizin gələcəyini təminat altına alır. İqtisadiyyatımız gündən-günə güclənir, qüdrətlənir, insanlarımız varlanır. Dövlət başçısı İlham Əliyevin 10 illik fəaliyyəti dövründə əldə olunan nailiyyətləri saymaqla bitirmək olmaz. Ölkəmizdə bir milyondan yuxarı iş yerləri açılıb, infrastruktur yenilənib, regionlar inkişaf edib, yeni məktəblər açılıb, sənaye inkişaf edir, kənd təsərrüfatının inkişafı üçün əlverişli mühit yaradılıb, sahibkarlara dövlət qayğısı durmadan artır, beynəlxalq mövqelərimiz güclənir. Bu uğurların davam etməsi, nailiyyətlərin daimi olması üçün Ulu öndər Heydər Əliyev siyasəti davam etməlidir. Ona görə də, hamımız 9 oktyabrda bu siyasətin layiqli davamçısı cənab İlham Əliyevə səs verməliyik. Cənab İlham Əliyevə səs verməklə biz gələcəyimizə səs verəcəyik”.
Çıxış edən YAP Hacıqabul rayon təşkilatının idarə heyətinin və təbliğat-təşviqat qrupunun üzvü Beydulla Qarayev bildirib ki, cənab Prezidentimiz 2003-cü ildən gecə-gündüz ölkəmizin gələcəyi, dövlətimizin inkişafı uğrunda çalışır. B.Qarayev əlavə edib ki, möhtərəm Prezidentimiz gördüyü işlərlə öz təbliğatını qurub: “Prezident İlham Əliyev öz səmərəli fəaliyyətini ötən 10 ildə Azərbaycan xalqına nümayiş etdirib. Bu dövr ərzində Prezidentimiz Azərbaycanı dünyanın ən sürətlə inkişaf edən ölkəsinə çevirdi. Bu gün ümumi daxili məhsulun istehsalına görə Azərbaycan dünyada ön sıralarda durur. “Regionların sosial iqtisadi inkişafı Dövlət Proqramı” çərçivəsində Azərbaycanın hər bir rayonu inkişaf etdirilib. Bu gün rayonlarla Bakı şəhəri arasındakı fərq aradan götürülüb. Yollarımız, küçələrimiz, tikililər Bakı şəhərindəkindən geridə qalmır. Bu uğurlar ölkəmizin inkişafının nə dərəcədə sağlam təməllər əsasında qurulduğunun bariz nümunəsidir. Xalqımız bu inkişafın davam etməsi üçün oktyabrın 9-da yekdilliklə Prezident İlham Əliyevə səs verməlidir”.
Sonra çıxış edən kənd sakinləri də Prezident İlham Əliyevin gördüyü işlərdən, apardığı siyasi kursdan razılıq ifadə ediblər və əmin ediblər ki, 9 oktyabrda hamı bir nəfər kimi alternativsiz namizəd Prezident İlham Əliyevə səs verəcək.
Pərviz SADAYOĞLU

Paylaş:

Baxılıb: 1138 dəfə