Ölkəmizdə həyata keçirilən siyasətin müsbət nəticələri hər bir vətəndaşın, o cümlədən, ağcabədililərin həyatında da hiss edilir

Bakı:

23 °C

49 %

7 m/s

AZ RU EN

Ana səhifə / YAP xəbərləri / Ölkəmizdə həyata keçirilən siyasətin müsbət nəticələri hər bir vətəndaşın, o cümlədən, ağcabədililərin həyatında da hiss edilir

Ölkəmizdə həyata keçirilən siyasətin müsbət nəticələri hər bir vətəndaşın, o cümlədən, ağcabədililərin həyatında da hiss edilir

25.09.2013 [10:15]

Ağcabədi rayonunun Muğanlı, Köyük, Təzəkənd və Şahsevən kəndlərinin seçiciləri 9 oktyabrda cənab İlham Əliyevə səs verəcəklərini bəyan ediblər
9 oktyabr 2013-cü ildə keçiriləcək prezident seçkilərində Yeni Azərbaycan Partiyası (YAP) tərəfindən namizədliyi irəli sürülmüş cənab İlham Əliyevin Ağcabədi rayonu üzrə seçki qərargahının üzvləri sentyabrın 24-də təbliğat-təşviqat kampaniyası çərçivəsində növbəti görüşlərini keçiriblər.
Rayonun Muğanlı, Köyük, Təzəkənd və Şahsevən kəndlərinin seçiciləri ilə keçirilən görüşlərdə çıxış edən Yeni Azərbaycan Partiyası Ağcabədi rayon təşkilatının sədri Rövşən Əhmədov deyib ki, Azərbaycan son 10 ildə Prezident İlham Əliyevin rəhbərliyi ilə inkişaf edib və dünyanın nüfuzlu ölkələrindən birinə çevrilib: “Haqq səsimizi beynəlxalq kürsülərdən səsləndirən, xalqın güzəranını yaxşılaşdıran, dövlətimizi abadlaşdıran, gözəlləşdirən məhz Heydər Əliyev siyasi kursunun və məktəbinin layiqli davamçısı Prezident İlham Əliyevdir. Ötən illərdə dünyada baş verən qlobal böhran fonunda Azərbaycan iqtisadiyyatının davamlı inkişafı, bütün sosial proqramların tam həcmdə və vaxtında yerinə yetirilməsi əsası xalqımızın Ümummilli lideri Heydər Əliyev tərəfindən qoyulmuş milli iqtisadi inkişaf modelinin möhkəm təməllər üzərində qurulmasının əyani göstəricisidir. Prezident İlham Əliyevin rəhbərliyi ilə ölkəmizdə həyata keçirilən siyasətin müsbət nəticələri hər bir vətəndaşın, o cümlədən, ağcabədililərin həyatında hiss edilir. Məhz buna görə də, xalqımız oktyabrın 9-da YAP-ın namizədi cənab İlham Əliyevə səs verəcək”.
Seçicilər qarşısında çıxış edən millət vəkili Tahir Rzayev Azərbaycanda gedən sürətli inkişafdan danışıb. Millət vəkili bildirib ki, ümumiyyətlə, 2003-cü ildən etibarən, Azərbaycanda liberal iqtisadi sistemin qurulması, sahibkarlığın inkişafına geniş şəraitin yaradılması, zəngin təbii sərvətlərdən və regionların potensialından səmərəli istifadə və digər tədbirlər ölkə iqtisadiyyatının yüksələn xətlə inkişafını təmin edib.
Seçicilər qarşısında çıxış edən millət vəkili Aqil Abbas da öncə ölkəmizin əldə etdiyi iqtisadi inkişaf və bunun müsbət nəticələrinin bütün sahələrdə öz əksini tapmasından danışıb. Daha sonra Prezident İlham Əliyevin Ermənistan-Azərbaycan, Dağlıq Qarabağ münaqişəsinin ədalətli, beynəlxalq hüquq normaları əsasında həlli istiqamətində ardıcıl və qətiyyətli fəaliyyətdən bəhs edən millət vəkili “Prezident İlham Əliyevin həyata keçirdiyi fəal hücum diplomatiyası beynəlxalq aləmdə Ermənistanın işğalçı siyasətinin ifşa olunmasını sürətləndirir. Artıq münaqişənin həlli məsələsi mütəmadi qaydada beynəlxalq arenada gündəmə gətirilməkdə və bir sıra beynəlxalq toplantıların aktual müzakirə predmetlərindən birini təşkil etməkdədir” - deyib.
Görüşlərdə çıxış edən kənd sakinləri isə deyiblər ki, ölkəmiz gündən-günə inkişaf edir, insanlarımızın rifah halı yüksəlir. Ağcabədililər də rayonda görülən işləri yüksək qiymətləndirir və bu işlərin davamlı olmasını istəyirlər. Qeyd olunub ki, ağcabədililər daima Ulu öndər Heydər Əliyev siyasətini bəyənib və Ona dəstək veriblər. 9 oktyabrda isə rayon sakinləri növbəti dəfə bu siyasətin davamçısı cənab İlham Əliyevə səs verəcəklər.

Paylaş:

Baxılıb: 1188 dəfə