Prezident İlham Əliyevin rəhbərliyi ilə Azərbaycan bir-birindən əhəmiyyətli uğurlara imza atıb

Bakı:

11 °C

87 %

8 m/s

AZ RU EN

Ana səhifə / YAP xəbərləri / Prezident İlham Əliyevin rəhbərliyi ilə Azərbaycan bir-birindən əhəmiyyətli uğurlara imza atıb

Prezident İlham Əliyevin rəhbərliyi ilə Azərbaycan bir-birindən əhəmiyyətli uğurlara imza atıb

24.09.2013 [10:42]

Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası Şəmkir rayonunda uğurla davam edir
Yeni Azərbaycan Partiyasının (YAP) prezidentliyə namizədi cənab İlham Əliyevin təbliğat-təşviqat kampaniyası Şəmkir rayonunda uğurla davam edir. Kampaniya çərçivəsində dünən növbəti görüşlər keçirilib.
Rayonun Dəllər-Cəyir kəndində keçirilən görüşdə çıxış edən YAP Şəmkir rayon təşkilatının sədri Fəxrəddin Vəliyev deyib ki, ölkəmizin ictimai-siyasi həyatında mühüm hadisə olan prezident seçkilərinə az bir vaxt qalır: “Seçkilər keçilən yolun təhlili, yeni vəzifələrin müəyyənləşdirilməsi baxımından da xüsusi önəm daşıyır. Azərbaycanın son 10 ildə qazandığı uğurlar fonunda bu reallığı bir daha təsdiq etmiş oluruq ki, möhkəm təmələ əsaslanan siyasət daim ölkəni inkişafa, tərəqqiyə aparır. Ulu öndər Heydər Əliyevin düzgün müəyyənləşdirdiyi siyasətin hazırda Prezident İlham Əliyev tərəfindən uğurla davam etdirilməsi nəticəsində Azərbaycan biri-birindən əhəmiyyətli uğurlara imza ataraq dünyanın diqqətindədir. Bu gün dünya inkişafın Azərbaycan modelinin mövcudluğundan bəhs edirsə və onun öyrənilməsinin vacibliyi bildirilirsə, bu, bir daha ölkəmizdə sosial-iqtisadi islahatların hər dövrün çağırışlarına uyğun şəkildə həyata keçirildiyini təsdiqləyir. Dövlət başçısı İlham Əliyevin “Azərbaycan 2020: gələcəyə baxış” İnkişaf Konsepsiyasının təsdiq edilməsi ilə bağlı Fərmanında da qeyd olunduğu kimi, ölkədə iqtisadiyyatın tarazlı və dayanıqlı inkişafını təmin etmək, əhalinin sosial rifahını yüksəltmək, sosial-iqtisadi inkişafın cari, orta və uzunmüddətli dövrləri arasında üzvü bağlılıq və qarşılıqlı uzlaşma yaratmaqla, eləcə də, cəmiyyətin bütün istiqamətlərdə tərəqqisini sürətləndirməklə inkişafın keyfiyyətcə yeni modelini formalaşdırmaq Azərbaycan dövlətinin fəaliyyətində mərkəzi yer tutur”.
Fəxrəddin Vəliyev əlavə edib ki, cənab İlham Əliyev hər bir vədini konkret əməli işi ilə sübut etməklə, Azərbaycanın qarşısında geniş imkanlar açır: “Ona görə də, biz hamımız 9 oktyabrda keçiriləcək seçkilərdə cənab İlham Əliyevə səs verməklə öz gələcəyimizə səs verəcəyik”.
Daha sonra çıxış edən şair - publisist Taleh Həmid isə son 10 ildə Prezident İlham Əliyevin rəhbərliyi ilə Azərbaycanın keçdiyi inkişaf yolundan danışıb. Onun sözlərinə görə, dövlətimizin başçısının təşəbbüsü və rəhbərliyi ilə həyata keçirilən layihələr hər bir vətəndaşımızın həyatının əsaslı şəkildə dəyişməsinə, insanların rifah halının yaxşılaşmasına şərait yaradıb.
Sonda çıxış edən seçicilər əminliklə vurğulayıblar ki, 9 oktyabrda bir daha Azərbaycanı uğurla inkişaf etdirən Prezident İlham Əliyevə səs verəcəklər.
AQŞİN

Paylaş:

Baxılıb: 1146 dəfə