Kəlbəcərdə yeni həyat başlayır

Bakı:

20 °C

49 %

9 m/s

Əlaqə

AZ RU EN

Ana səhifə / YAP xəbərləri / Kəlbəcərdə yeni həyat başlayır

Kəlbəcərdə yeni həyat başlayır

25.08.2025 [14:22]

Uzun illər erməni işğalı altında qalan Kəlbəcər indi yenidən canlanır, həyata qovuşur. Azərbaycan dövlətinin rəhbəri, Möhtərəm Prezidentimizin apardığı ardıcıl siyasəti, güclü iradəsi və möhtəşəm infrastruktur layihələri nəticəsində Kəlbəcər bu gün dirçəliş dövrünü yaşayır.

Məlum olduğu kimi hazırda Kəlbəcərdə genişmiqyaslı infrastruktur layihələri həyata keçirilir. Şəhərin əvvəlki kadrlarına baxanda dağıntıların, viran qalmış kəndlərin, boşalmış evlərin mənzərəsi insanı kədərləndirsə də, bu gün həmin torpaqlarda yeni həyatın təməli atılır.

Kəlbəcər təbiət möcüzəsidir. Burada minlərlə hektar meşə sahəsi, nadir flora və fauna, dağ çayları və bulaqları mövcuddur. Əsrlər boyu Kəlbəcər suları ilə, təmiz havası ilə, zəngin təbiəti ilə məşhur olub. "İstisu" kimi mineral bulaqları həm Azərbaycanda, həm də regionda tanınıb. Bu gün həmin təbii sərvətlər yenidən xalqın istifadəsinə qaytarılır

Kəlbəcərin inkişafı ilə bağlı ən mühüm hadisələrdən biri avqustun 21-də Möhtərəm Prezidentimiz İlham Əliyev cənablarının və birinci xanım Mehriban Əliyevanın Kəlbəcərə səfəri oldu. Möhtərəm Prezidentimiz İlham Əliyevin və birinci xanım Mehriban Əliyevanın Kəlbəcər şəhərində fərdi və çoxmərtəbəli evlərdə yaradılan şəraitlə tanış olmaları, buraya köçən sakinlərlə görüşmələri, mənzillərin açarlarını təqdim etmələri millətimizin həyatında tarixi bir gündür. Kəlbəcər sakinlərinin ilk qrupu 32 ildən sonra doğma diyara qayıtdı.

Möhtərəm Prezidentimiz Kəlbəcər sakinləri ilə görüşdə qeyd edib ki,”biz ədaləti bərpa etdik, haqqımızı bərpa etdik və bugünkü tədbir bir daha onu göstərir ki, Azərbaycan xalqı iradəli xalqdır. Azərbaycan xalqı öz doğma torpağına bağlıdır və bütün çətinliklərə baxmayaraq, işğal dövründə biz inamımızı itirmədi, hər birimiz - bütün xalq hər gün bu müqəddəs günü yaxınlaşdırırdı. Vətən topaqlarının işğaldan azad edildiyi və keçmiş məcburi köçkün qardaş-bacılarımızın doğma yurdlarına qayıtması hər bir vətən övladı üçün müqəddəs gündür. Qısa müddətdə Kəlbəcərə işıq, su, təbii qaz çəkilib, yollar salınıb, minalardan təmizləmə işi aparılıb.

Azərbaycan dövləti və Azərbaycan xalqı bir yumruq kimi birləşdi və biz Ermənistanı cəmi 44 gün ərzində kapitulyasiya aktını imzalamağa məcbur etdik. 44 günlük Vətən müharibəsi şanlı tariximizdir. Azərbaycanın hər vətəndaşı bu tarixlə fəxr edir və gələcək nəsillərin yaddaşına həkk edirik. Bizlər əminliklə inanırıq ki, gələcək nəsillər üçün sabit və firavan həyatın beləliklə, Kəlbəcər indi yalnız bərpa edilmir, həm də yeni həyat, inkişaf və firavanlıq simvoluna çevrilir. Prezident və birinci xanımın səfəri bu tarixi dirçəlişi əyani nümayiş etdirdi, sakinlərin üzündə sevinc yaratdı və bölgənin gələcəyi üçün ümidləri daha da gücləndirdi. Hər bir layihə, hər bir infrastruktur yeniliyi Kəlbəcərin həm iqtisadi, həm də mədəni həyatına can verir və Azərbaycanın tarixi torpaqlarının bərpası prosesinin uğurunu simvolizə edir.

Biz Azərbaycan xalqı əminliklə inanırıq ki, Möhtərəm Prezidentimizin Qarabağa Qayıdış Proqramı əsasında dədə-baba yurdlarından didərgin düşmüş bütün soydaşlarımız öz doğma torpaqlarına qayıdacaqlar.

Eldar Əsədov,

YAP Tərtər rayon təşkilatının sədri

Paylaş:

Baxılıb: 295 dəfə