Cənab İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır

Bakı:

23 °C

49 %

7 m/s

AZ RU EN

Ana səhifə / YAP xəbərləri / Cənab İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır

Cənab İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır

20.09.2013 [10:40]

Ağdam seçicilərinin yeganə seçimi Yeni Azərbaycan Partiyasının namizədi cənab İlham Əliyevdir
Yeni Azərbaycan Partiyası (YAP) tərəfindən prezidentliyə namizədliyi irəli sürülmüş cənab İlham Əliyevin təbliğat-təşviqat kampaniyası çərçivəsində dünən Ağdam rayonunun seçiciləri ilə növbəti görüşlər keçirilib. Görüşlər rayonun Səfərli və Baharlı qəsəbələrində baş tutub.
Tədbiri giriş sözü ilə YAP Ağdam rayon təşkilatının sədri İsgəndər Quliyev açaraq qeyd edib ki, Ümummilli lider Heydər Əliyevin əsasını qoyduğu uğurlu siyasi kursun cənab Prezident İlham Əliyev tərəfindən dövrün tələblərinə uyğun şəkildə davam etdirilməsi Azərbaycanı gündən-günə çiçəklənən, inkişaf edən müasir dövlətə çevirib: “Bu gün Azərbaycan həm də yüksək beynəlxalq nüfuza malikdir. Ölkəmizin inkişafı dünya dövlətləri tərəfindən təqdir edilir. Azərbaycanın uğurları Ulu öndər Heydər Əliyevin uzaqgörən siyasətini davam etdirən cənab İlham Əliyevin adı ilə bağlıdır”.
Daha sonra çıxış edən “Azərbaycan” qəzetinin baş redaktoru, millət vəkili Bəxtiyar Sadıqov qeyd edib ki, hazırda Azərbaycan cəmiyyətinin yeganə seçimi Yeni Azərbaycan Partiyasının namizədi cənab İlham Əliyevdir. “Seçiciləri qarşıdan gələn prezident seçkilərində aktiv iştirak etməyə və partiyamızın namizədi cənab İlham Əliyevə səs verməyə çağırıram”.
“Tərəddüdsüz qeyd edə bilərəm ki, bu gün Azərbaycan seçicisi öz seçimini Prezident İlham Əliyevin lehinə etməlidir” - deyə, millət vəkili əlavə edib.
Tədbirdə çıxış edən millət vəkili Bəxtiyar Əliyev isə qeyd edib ki, Ulu öndər Heydər Əliyevin əsasını qoyduğu milli inkişaf siyasəti bu gün cənab Prezident İlham Əliyev tərəfindən uğurla davam etdirilir. O, 9 oktyabrda Prezident İlham Əliyevin növbəti möhtəşəm qələbə qazanacağına əmin olduqlarını əlavə edib. “Prezident İlham Əliyevin rəhbərliyi ilə həyata keçirilən inkişaf siyasəti Azərbaycanı parlaq gələcəyə aparır. Hər bir Azərbaycan seçicisi ölkəmizin gələcək inkişafı, tərəqqisi üçün seçkilərdə aktiv iştirak etməlidir. Əminəm ki, bu seçkilər də möhtərəm Prezident İlham Əliyevin qələbəsi ilə nəticələnəcək” - deyə, B.Əliyev əlavə edib.
Tədbirdə çıxış edən qəsəbə sakinləri - Əvəz Sadıqov və Xosrov İsmayılov Ağdam ictimaiyyətinin birmənalı şəkildə Yeni Azərbaycan Partiyasının namizədi cənab İlham Əliyevi dəstəklədiklərini bildiriblər. Onlar seçiciləri aktiv olmağa və hazırki inkişafın, sabitliyin növbəti illərdə də davam etməsi üçün cənab İlham Əliyevə səs verməyə çağırıblar.
NURLAN

Paylaş:

Baxılıb: 1282 dəfə