Yeni Azərbaycan Partiyası növbəti dəfə möhtəşəm qələbə qazanacaq

Bakı:

21 °C

78 %

4 m/s

Əlaqə

AZ RU EN

Ana səhifə / YAP xəbərləri / Yeni Azərbaycan Partiyası növbəti dəfə möhtəşəm qələbə qazanacaq

Yeni Azərbaycan Partiyası növbəti dəfə möhtəşəm qələbə qazanacaq

20.09.2013 [10:38]

YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində Çaylı, Pənahlılar və Dozular kəndlərində seçicilərlə növbəti görüşlərini keçirib
Dünən YAP Göygöl rayon təşkilatı Yeni Azərbaycan Partiyasının prezidentliyə namizədi cənab İlham Əliyevin təbliğat-təşviqat kampaniyası çərçivəsində Çaylı, Pənahlılar və Dozular kəndlərində seçicilərlə növbəti görüşlərini keçirib.
Görüşləri giriş sözü ilə açan Yeni Azərbaycan Partiyasının Göygöl rayon təşkilatının sədri Turani Əliyev deyib ki, Yeni Azərbaycan Partiyası bu gün Azərbaycanın ən böyük siyasi təşkilatı olmaqla bərabər, xalqımızın ali mənafeyini ifadə edən avanqard gücdür. Onun sözlərinə görə, YAP bu gün təkcə Azərbaycanda deyil, ölkəmizin hüdudlarından kənarda tanınan nüfuzlu siyasi güc mərkəzidir: “Məhz güclü siyasi təşkilatın beynəlxalq aləmdə nüfuzlu siyasi partiyalar tərəfindən qəbul edilməsinin səbəbi də onun xalqına söykənməsi, xalqdan qidalanmasıdır. Bu mənada, Yeni Azərbaycan Partiyasının ümumxalq partiyası hesab olunması təsadüfi deyil. Prezident İlham Əliyevin rəhbərlik etdiyi Yeni Azərbaycan Partiyası bu gün öz fəaliyyətini Heydər Əliyev ideyaları əsasında həyata keçirir”.
T.Əliyev əlavə edib ki, Azərbaycan ictimaiyyətinin Yeni Azərbaycan Partiyasına inamı Heydər Əliyev ideyaları və Prezident İlham Əliyevin siyasəti ilə bilavasitə əlaqədardır. “YAP ölkəmizin siyasi həyatında uğurla fəaliyyət göstərir və bu gün cənab Prezident İlham Əliyevin rəhbərliyi ilə yeni-yeni nailiyyətlər qazanır. Əminliklə bildirirəm ki, xalq qarşıdan gələn seçkilərdə cənab Prezident İlham Əliyevə səs verəcək və Yeni Azərbaycan Partiyası əzəmətli qələbə qazanacaq” - deyə, Yeni Azərbaycan Partiyasının Göygöl rayon təşkilatının sədri vurğulayıb.
YAP Göygöl rayon təşkilatının sədr müavini Vüqar İsayev isə qeyd edib ki, Azərbaycan xalqının Ümummilli lideri Heydər Əliyev ideyalarına sadiq olan və bu ideyalar əsasında fəaliyyət göstərən Yeni Azərbaycan Partiyası Prezident İlham Əliyevin Sədrliyi ilə ötən müddət ərzində böyük inkişaf yolu keçib. Sıralarını daim kəmiyyət və keyfiyyət etibarilə genişləndirən YAP, sözün əsl mənasında, ümumxalq partiyası kimi çıxış etməkdədir: “Partiyamız ötən 10 ildə Azərbaycanın inkişafına böyük töhfələr verib. Məhz buna görə də, Yeni Azərbaycan Partiyasının Sədri cənab İlham Əliyev 9 oktyabrda keçiriləcək seçkilərdə qələbə qazanacaq”.
Yeni Azərbaycan Partiyasının Göygöl rayon təşkilatının aparat rəhbəri Rəşad Veysov isə öz növbəsində Prezident İlham Əliyevin ölkə başçısı kimi 10 illik fəaliyyəti dövründə əldə etdiyi uğurlara toxunub və Azərbaycanın tərəqqi yolunda irəlilədiyini vurğulayıb. Yeni Azərbaycan Partiyasının ölkəmizin inkişafındakı misilsiz xidmətlərinə toxunan R. Veysov bildirib ki, Yeni Azərbaycan Partiyası müstəqillik tariximizlə yanaşı addımlayır və ölkəmizin qazandığı uğurlara özünün böyük töhfələrini verir: “Şübhəsiz, prezident seçkilərində Azərbaycan seçicilərinin böyük əksəriyyəti seçki məntəqələrinə gələrək Prezident İlham Əliyevə səs verəcəklər. Beləliklə, YAP-ın Sədri, ölkə başçısı İlham Əliyev növbəti 5 ildə də Prezident kimi fəaliyyətini davam etdirəcək”.
Seçicilər isə qeyd ediblər ki, Azərbaycan vətəndaşları Prezident İlham Əliyevə səs verməklə inkişafı, tərəqqini, güclü və müasir Azərbaycanı seçmiş olacaq. Bildirilib ki, hər bir Azərbaycan seçicisi, o cümlədən, Göygöl ictimaiyyəti ölkəmizin gələcək inkişafı, tərəqqisi üçün seçkilərdə aktiv iştirak etməlidir. Seçicilər əmin olduqlarını bildiriblər ki, bu seçkilər də Prezident İlham Əliyevin qələbəsi ilə nəticələnəcək.
NURLAN

Paylaş:

Baxılıb: 1493 dəfə