Cənab İlham Əliyevin ölkəyə rəhbərlik etdiyi ötən 10 il ərzində Azərbaycanda bütün sahələrdə inkişaf və tərəqqi qeydə alınıb

Bakı:

20 °C

73 %

4 m/s

AZ RU EN

Ana səhifə / YAP xəbərləri / Cənab İlham Əliyevin ölkəyə rəhbərlik etdiyi ötən 10 il ərzində Azərbaycanda bütün sahələrdə inkişaf və tərəqqi qeydə alınıb

Cənab İlham Əliyevin ölkəyə rəhbərlik etdiyi ötən 10 il ərzində Azərbaycanda bütün sahələrdə inkişaf və tərəqqi qeydə alınıb

18.09.2013 [10:52]

Tərtərlilər oktyabrın 9-da cənab İlham Əliyevə səs verməklə bir daha sabitliyin və inkişafın geniş xalq kütləsi tərəfindən dəstəkləndiyini sübut edəcəklər
Yeni Azərbaycan Partiyası Tərtər rayon təşkilatı qarşıdan gələn prezident seçkilərində partiyamızın namizədi cənab İlham Əliyevin təbliğat-təşviqat kampaniyasını uğurla davam etdirir. Kampaniya çərçivəsində seçicilərlə növbəti görüş rayonun Buruc və Güləbatlı kəndlərində olub. Görüşləri giriş sözü ilə YAP rayon təşkilatının sədri Ramiz Şabanov açaraq ölkəmizin növbəti bir tarixi mərhələ ərəfəsində olduğunu deyib.
Rayon təşkilatının sədri bildirib ki, oktyabrın 9-da Azərbaycanda növbəti dəfə prezident seçkiləri keçiriləcək və bu seçkilərdə də xalqımızın məhz cənab İlham Əliyevi dəstəkləyəcəyinə kimsə şübhə etmir. Çünki cənab İlham Əliyevin ölkəyə rəhbərlik etdiyi ötən 10 il ərzində Azərbaycanda bütün sahələrdə inkişaf və tərəqqi qeydə alınıb. Ramiz Şabanovun sözlərinə görə, bu gün hər bir sektorda iqtisadi inkişaf müşahidə olunur ki, bunun da əsasında Prezident İlham Əliyevin rəhbərliyi ilə həyata keçirilən iqtisadi siyasət dayanır: “Bütövlükdə, ötən 10 il ərzində ölkə iqtisadiyyatı 3 dəfə artıb, iqtisadiyyatın şaxələndirilməsi uğurla həyata keçirilib, müasir sosial-iqtisadi infrastruktur yaradılıb, qeyri-neft sektorunun dinamik inkişafı təmin edilib. 2003-cü ildə 1,5 milyard dollar olan dövlət büdcəsi 2013-cü ildə 25 milyard dollar həcmindədir. Bu gün Azərbaycan ümumi daxili məhsulla nisbətdə ən az xarici borcu olan ölkələrdən biridir və onun səviyyəsi cəmi 7 faizdir. Sabit maliyyə sistemi mövcuddur. Valyuta sabitdir. Yaxşı sərmayə imkanları və iqtisadiyyatın sürətli artımı müşahidə olunmaqdadır. Hazırda Azərbaycanın bütün rayonlarında, o cümlədən Tərtərdə də böyük infrastruktur layihələri həyata keçirilir. İqtisadiyyatın yeni sektorlarına fəal qaydada sərmayə yatırılır. Bütün bu uğurların və inkişafın davam etməsi üçün isə biz tərtərlilər oktyabrın 9-da cənab İlham Əliyevə səs verəcəyik”.
Görüşdə çıxış edən Milli Məclisinin deputatı Sahib Alıyev isə deyib ki, Prezident İlham Əliyevin rəhbərliyi ilə davam etdirilən balanslaşdırılmış xarici siyasət strategiyasının fonunda Azərbaycan Cənubi Qafqazın hərbi-siyasi və iqtisadi təhlükəsizliyinin təmin olunmasına birbaşa töhfələr verməkdədir: “Təsadüfi deyil ki, bu gün dünyanın aparıcı dövlətləri və təşkilatları Azərbaycanı Cənubi Qafqazın təhlükəsizlik qarantı və inkişaf mənbəyi adlandırırlar. Təkcə onu demək kifayətdir ki, Azərbaycanın iştirakı olmadan regionda heç bir strateji əməkdaşlıq platforması gerçəkləşdirilmir. Gerçəkləşdirilən bütün regional layihələrin mərkəzi oyunçusu qismində məhz Azərbaycan çıxış edir. Eyni zamanda, məhz bu cür layihələr ölkəmizin milli maraqlarına adekvat olmaqla bərabər, Azərbaycanın suverenlik səviyyəsini, heç bir dövlətdən, təşkilatdan asılı olmadığını da təsdiq edir”.
Görüşlərdə çıxış edən Buruc kənd sakinləri, Yəhya Orucov, Nüşabə Misirova, Vəli İbrahimov, həmçinin, Güləbatlı kənd sakinləri, Saleh Məmmədov, Mətanət Əsgərova, Vəfa Quliyeva deyiblər ki, oktyabrın 9-da cənab İlham Əliyevə səs verməklə bir daha sabitliyin və inkişafın geniş xalq kütləsi tərəfindən dəstəkləndiyini sübut edəcəklər.
NADİR

Paylaş:

Baxılıb: 1342 dəfə