Azərbaycan və Macarıstan arasındakı münasibətlər getdikcə dərinləşir

Bakı:

26 °C

57 %

1 m/s

Əlaqə

AZ RU EN

Ana səhifə / YAP xəbərləri / Azərbaycan və Macarıstan arasındakı münasibətlər getdikcə dərinləşir

Azərbaycan və Macarıstan arasındakı münasibətlər getdikcə dərinləşir

23.05.2025 [12:29]

Azərbaycan Respublikasının Prezidenti İlham Əliyevin Macarıstana işgüzar səfəri, iki ölkə arasında mövcud olan dostluq və əməkdaşlıq münasibətlərini daha da möhkəmləndirmək və qarşılıqlı faydalı əlaqələri inkişaf etdirmək məqsədini güdür. Bu səfər, həmçinin regionda siyasi və iqtisadi sabitliyin təmin edilməsində əhəmiyyətli bir addım olaraq qiymətləndirilir.

Həmçinin ölkə Prezidentininin Macarıstana səfəri, ölkələr arasındakı mövcud əməkdaşlığın yeni mərhələyə qədəm qoymasına imkan yaratdı. Bu səfər, xüsusilə iqtisadi, ticarət və enerji sahələrində əməkdaşlığın gücləndirilməsi, eləcə də Azərbaycan və Macarıstan arasında siyasi dialoqun genişləndirilməsi məqsədini daşıyır. Prezidentin səfəri çərçivəsində çoxsaylı danışıqlar və görüşlər keçirilmiş, tərəflər arasında müxtəlif sahələrdə birgə fəaliyyətin perspektivləri müzakirə olunmuşdur.

İki ölkə arasında iqtisadi əlaqələrin inkişafı, Prezident İlham Əliyevin səfərinin əsas mövzularından birini təşkil edib. Azərbaycanın inkişaf edən iqtisadiyyatı və Macarıstanın yüksək texnologiyaları ilə zəngin olan sənaye sahələri arasında əməkdaşlığın artırılması hər iki tərəf üçün faydalıdır. Əgər əvvəllər Azərbaycan və Macarıstan arasında ticarət dövriyyəsi nisbətən az olubsa, bu səfər çərçivəsində iqtisadi əlaqələrin artırılması üçün konkret addımlar atılmışdır.

Azərbaycan və Macarıstan arasındakı siyasi münasibətlər də Prezident Əliyevin səfəri ilə yeni bir mərhələyə qədəm qoymuşdur. Macarıstan, Avropa İttifaqı üzvü olmaqla yanaşı, Azərbaycanın beynəlxalq məsələlərdəki mövqeyini dəstəkləyən ölkələrdən biridir. Prezident İlham Əliyev, Macarıstanla əməkdaşlıqla bağlı Azərbaycan mövqeyini bir daha vurğulamış və iki ölkə arasında beynəlxalq məsələlərdəki əməkdaşlığın genişlənəcəyini bəyan etmişdir.

Həmçinin, bu səfər Avropa İttifaqı ilə əlaqələrin daha da gücləndirilməsinə də töhfə verə bilər. Azərbaycan, Avropa ilə əlaqələrini inkişaf etdirmək və enerji təhlükəsizliyini təmin etmək məqsədilə strateji əməkdaşlığa böyük önəm verir. Macarıstanın bu istiqamətdəki dəstəyi, Azərbaycanın beynəlxalq münasibətlərinin möhkəmlənməsinə və Avropa ilə yaxın əlaqələrin qurulmasına təkan verəcək.

Azərbaycan Respublikasının Prezidenti İlham Əliyevin Macarıstana işgüzar səfəri, iki ölkə arasında mövcud olan güclü əlaqələri daha da dərinləşdirmək və qarşılıqlı faydalı əməkdaşlıq imkanlarını artırmaq baxımından əhəmiyyətli bir addım olmuşdur. Səfər, iqtisadi, ticarət, enerji, siyasi və mədəni sahələrdəki əməkdaşlığın genişlənməsinə töhfə verəcək və regionda Azərbaycanın beynəlxalq mövqeyinin güclənməsinə xidmət edəcəkdir. Macarıstanla əlaqələrin inkişafı, Azərbaycan üçün yeni iqtisadi imkanların yaranmasına və beynəlxalq diplomatik münasibətlərin daha da möhkəmlənməsinə gətirib çıxaracaq.

Prezident İlham Əliyevin səfəri, həmçinin iki ölkə arasında dostluq və əməkdaşlıq münasibətlərinin inkişafına dair böyük bir səmimiyyət və qarşılıqlı anlaşma nümunəsi olaraq tarixə keçəcəkdir.

Rövşən Əhmədov,

YAP Ağcabədi rayon təşkilatının sədri

Paylaş:

Baxılıb: 435 dəfə