Azərbaycan qlobal problemlərin həllində nüfuzlu söz sahibidir

Bakı:

24 °C

60 %

1 m/s

Əlaqə

AZ RU EN

Ana səhifə / YAP xəbərləri / Azərbaycan qlobal problemlərin həllində nüfuzlu söz sahibidir

Azərbaycan qlobal problemlərin həllində nüfuzlu söz sahibidir

18.03.2025 [18:57]

Bayram Aslanov,

YAP İdarə Heyətinin üzvü, YAP Gəncə şəhər təşkilatının sədri

Bu gün Azərbaycan dünyada regionun sülh və əməkdaşlıq məkanı kimi tanınır. Haqq, ədalət savaşından alnıaçıq, başı uca çıxan Azərbaycan günü - gündən inkişaf edir, 30 il ərzində erməni terrorçularının işğalıında qalan, xarabalığa çevrilən kəndlərimiz, şəhərlərimiz əvvəlki axarına qayıdır. Möhtəşəm uğurların, qələbələrin altına imzasını atan məhz bunun üçün dünyada etibarlı tərəfdaş kimi qəbul olunur. Məhz bunun üçün müstəqil Azərbaycan bu gün zamanın gündəmə gətirdiyi vacib məsələlərin müzakirə edildiyi beynəlxalq tədbirlərin, qlobal forumların, konfransların keçirildiyi unikal məkana çevrilib. Azərbaycanın keçdiyi inkişaf yolu, iqtisadi potensialı və bu istiqamətdə perspektivləri dünyanın nüfuzlu televiziya kanallarının, eləcə də qəzet və informasiya agentliklərinin diqqətini çəkir. Ölkə baçşımızın martın 13-də XII Qlobal Bakı Forumu zamanı “Euronews” televiziyasına verdiyi müsahibə bunun təsdiqidir.

Müstəqil dövlətimizin düzgün, uzaqgörən və praqmatik siyasəti nəticəsində nail olduğu uğurlardan danışan Azərbaycan Lideri bildirib ki, öz resurslarımıza güvənirdik, suverenliyimizi və ərazi bütövlüyümüzü özümüz bərpa etdik və indi də gələcəyimizi özümüz qururuq. Hesab edirəm ki, bu, çox vacib bir nəticədir və bu, təkcə nəzəriyyə deyil, bu, Azərbaycanda baş verənlərdir.

“Euronews” televiziyasına müxbirinin “Gələcəyə baxışınıza gəldikdə, bu qlobal sabitliyin yekunda haraya gedəcəyini görürsünüz? Sizcə, biz buna nail olacağıq?” sualına cavab verən Prezident cənab İlham Əliyev bildirib ki, Hətta indiki dövrdə, İkinci Qarabağ müharibəsinin bitməsindən beş il keçməsinə baxmayaraq, bizim Ermənistanla sülh müqaviləmiz yoxdur. Bəli, sakitlikdir, itkilər yoxdur və bu da bugünkü vəziyyətin böyük üstünlüyüdür. Lakin sülh sazişi imzalanana qədər burada sabitlik olmayacaq.

Eyni yanaşmanı dünyanın bütün digər hissələrinə - Yaxın Şərqə və Afrikaya da şamil etmək olar. Əfsuslar olsun ki, münaqişələrin sayı artmaqdadır və əgər siz öz həllini tapmış münaqişə axtarsanız, görə bilərsiniz ki, sadəcə burada, Qarabağda olan münaqişə öz həllini tapıb. Bu, beynəlxalq hüquq, tarixi ədalət əsasında həllini tapmış yeganə münaqişədir. Bu həlli bütün dünya qəbul edir.

Qalib Liderimizin qeyd etdiyi kimi, Azərbaycan müasir beynəlxalq münasibətlər sistemində əməkdaşlıq əlaqələrinin inkişafına, qlobal təhlükəsizlik məsələlərinə öz töhfəsini verən regional güc kimi qəbul edilir. Dünyanın müxtəlif bölgələrində müharibələr, münaqişələr, qanlı toqquşmalar geniş vüsət aldığı halda Azərbaycanda sülh, sabitlik, əmin-amanlıq hökm sürür, inkişaf, quruculuq prosesləri uğurla gedir. 44 günlük Vətən müharibəsindəki tarixi qələbəmizlə ölkəmiz bölgədə yeni reallıq yaratdı. Azərbaycan regionun müasir iqtisadi-siyasi mənzərəsini müəyyənləşdirən qlobal layihələrin həm təşəbbüskarı oldu, həm də icraçısı. Bu layihələr təkcə Azərbaycana deyil, regiona sülh, davamlı inkişaf, vətəndaşlara rifah gətirdi.

Jurnalistin “Biz dünyada çoxsaylı geosiyasi dəyişikliklərin şahidi oluruq. Əsasən, xüsusilə də bu regionda baş verən dəyişikliklərlə bağlı mövqeyiniz nədən ibarətdir” sualına Prezident İlham Əliyevin cavabı Azərbaycanın sülh, əmin-amanlıq tərəfdarı olduğunu təsdiqlədi:”Ətrafımızda baş verən böhranlardan regionumuzun qorunması vacib məsələdir. Təəssüflər ki, onilliklər ərzində Cənubi Qafqaz qarşıdurma və düşmənçilik bölgəsi olub. Hazırda nisbətən sakit dövrdəyik və biz diqqətimizi buna yönəltməliyik. Biz növbəti hərbi qarşıdurmanı istisna edəcək əhatəli təhlükəsizlik mexanizmləri yaratmalıyıq və sovet dövründə olduğu kimi qonşuluq şəraitində yaşamağa çalışmalıyıq.

Strateji coğrafi mövqeyi sayəsində Şərqlə Qərbi, Şimalla Cənubu birləşdirən əsas nəqliyyat və logistika qovşağına çevrilən Azərbaycan qarşılıqlı faydalı əməkdaşlıq prinsipləri əsasında regionda sabitliyin və inkişafın təmin olunmasında nüfuzlu söz sahibidir.

Paylaş:

Baxılıb: 371 dəfə