Azərbaycan və Şimali Makedoniya arasında əməkdaşlığın yeni mərhələsi

Bakı:

25 °C

59 %

1 m/s

Əlaqə

AZ RU EN

Ana səhifə / YAP xəbərləri / Azərbaycan və Şimali Makedoniya arasında əməkdaşlığın yeni mərhələsi

Azərbaycan və Şimali Makedoniya arasında əməkdaşlığın yeni mərhələsi

12.03.2025 [18:09]

Azər Süleymanov,

YAP Nəsimi rayon təşkilatının sədri

Şimali Makedoniya Respublikasının Prezidenti Qordana Silyanovska-Davkova martın 11-də Azərbaycan Respublikasında rəsmi səfərə gəlmişdir.
Səfər çərçivəsində Azərbaycan Respublikasının Prezidenti İlham Əliyev və Şimali Makedoniya Respublikasının Prezidenti Qordana Silyanovska-Davkova mətbuata bəyanatlarla çıxış ediblər. Görüş zamanı hər iki ölkə arasında siyasi, iqtisadi və humanitar sahələrdə əməkdaşlığın inkişaf etdirilməsi məsələləri geniş müzakirə olunub.

Prezident İlham Əliyev çıxışında Şimali Makedoniya Prezidentini Azərbaycanda salamlamaqdan məmnunluğunu ifadə edərək, iki ölkə arasında münasibətlərin inkişaf etdiyini vurğulayıb. O qeyd edib ki, Şimali Makedoniya Prezidentinin COP29 konfransında fəal iştirakı və Azərbaycanın bu tədbirə ev sahibliyi etməsi ikitərəfli əməkdaşlığın daha da möhkəmlənməsinə töhfə verib.

Azərbaycan Prezidenti çıxışında qeyd edib ki, siyasi dialoq dinamik şəkildə inkişaf edir və bu, iki dövlət arasında əlaqələrin güclənməsinə xidmət edir. Dövlət başçısı ticari-iqtisadi sahədə əməkdaşlığın genişləndirilməsinin zəruriliyini vurğulayaraq, bu istiqamətdə qarşılıqlı addımların atılacağını bildirib.

Energetika sahəsində əməkdaşlıq xüsusi diqqət mərkəzində olub. Prezident İlham Əliyev bildirib ki, Azərbaycan qazı artıq Şimali Makedoniya bazarına çatdırılıb və bu, iki ölkə arasında strateji tərəfdaşlığın göstəricisidir. O qeyd edib ki, gələcəkdə qaz təchizatının həcmi artırıla bilər və Azərbaycan bu istiqamətdə fəal iş aparır.

Humanitar sahədə əməkdaşlıq da müzakirə mövzularından biri olub. Prezident İlham Əliyev Şimali Makedoniya Prezidentinin Azərbaycanın mədəni həyatı ilə tanış olmasını və bu sahədə əməkdaşlığın inkişaf etdirilməsinin vacibliyini vurğulayıb. O, həmçinin Prezident Silyanovska-Davkovanın XII Qlobal Bakı Forumunda iştirakının əhəmiyyətini qeyd edərək, onun dəyərli fikirlərinin və tövsiyələrinin forum iştirakçıları üçün maraqlı olacağını bildirib.

Prezident İlham Əliyev çıxışının sonunda Şimali Makedoniya Prezidentinin zəngin siyasi təcrübəsini vurğulayaraq, onun beynəlxalq və dövlət idarəçiliyi sahəsində böyük təcrübəyə malik olduğunu qeyd edib. O, səfərin uğurlu keçəcəyinə əminliyini ifadə edərək, Prezident Silyanovska-Davkovanı bir daha səmimi şəkildə salamlayıb.

Bu görüş Azərbaycan və Şimali Makedoniya arasında əlaqələrin inkişafına yeni təkan verərək, gələcək əməkdaşlıq perspektivlərini müəyyənləşdirib.

Paylaş:

Baxılıb: 501 dəfə