YAP Nərimanov rayon təşkilatının ərazi partiya təşkilatında hesabat iclası keçirilib

Bakı:

16°C

88%

1m/s

Əlaqə

AZ RU EN

Ana səhifə / YAP xəbərləri / YAP Nərimanov rayon təşkilatının ərazi partiya təşkilatında hesabat iclası keçirilib

YAP Nərimanov rayon təşkilatının ərazi partiya təşkilatında hesabat iclası keçirilib

27.02.2025 [17:00]

Yeni Azərbaycan Partiyası (YAP) Nərimanov rayon təşkilatının “Heydər Əliyev prospekti 10” ünvanlı (ETSN Milli Hidrometeorologiya Xidməti) ərazi partiya təşkilatında 2024-cü ildə görülmüş işlərə dair hesabat iclası keçirilib.

İclasda YAP Nərimanov rayon təşkilatının sədri Elçin Quliyev, ETSN Milli Hidrometeorologiya Xidmətinin rəisi Nazim Mahmudov, təşkilatın əməkdaşları, ƏPT üzvləri iştirak ediblər.

İclasdan əvvəl Milli Hidrometeorologiya Xidmətinin Situasiya Mərkəzinə ekskursiya təşkil olunub. Ekskursiya zamanı Erkən Xəbərdarlıq Sisteminin konsepsiyası barədə qeyd edilərək Situasiya Mərkəzində hidrometeoroloji müşahidələrin təşkili, hidrometeoroloji məlumatların qəbulu, emalı, vizuallaşması, əldə edilmiş məlumatlar əsasında hava proqnozunun hazırlanması prosesi izah olunub.

Tədbirdə ilk öncə ümummilli lider Heydər Əliyevin və canlarını Azərbaycanın ərazi bütövlüyü yolunda qurban vermiş şəhidlərin əziz xatirəsi bir dəqiqəlik sükutla yad olunub.

Tədbiri ETSN Milli Hidrometeorologiya Xidmətinin rəisi, “Heydər Əliyev prospekti 10” ünvanlı ƏPT-nin sədri Nazim Mahmudov açaraq gündəlikdə olan məsələlər barədə məlumat verib. N. Mahmudov geniş hesabat məruzəsi ilə çıxış edərək ötən dövr ərzində görülən işlərdən danışıb.

İclasda çıxış edən YAP Nərimanov rayon təşkilatının sədri Elçin Quliyev partiyanın keçdiyi inkişaf yolundan geniş bəhs edib. Qeyd olunub ki, Ümummilli Lider Heydər Əliyevin müəllifi olduğu Yeni Azərbaycan Partiyası 33 ilə yaxın müddətdir ki, respublikamızın ictimai-siyasi həyatında fəal iştirak edir, xalqın sevgisini və dəstəyini qazanır, Partiyanın sədri, Prezident İlham Əliyevin rəhbərliyi altında ölkədə sabitliyin təminatında avanqard rolunu davam etdirir. Yeni Azərbaycan Partiyası öz fəaliyyəti ilə sübuta yetirib ki, o, məhz yeni, müstəqil Azərbaycanı qurmağa, onu zirvələrə, parlaq gələcəyə daşımağa qadir partiyadır. E. Quliyev bildirib ki, Yeni Azərbaycan Partiyası ölkənin bütün bölgələrini əhatə etməklə Azərbaycanın aparıcı siyasi qüvvəsi, Cənubi Qafqazın ən böyük siyasi partiyası kimi çıxış edir. Təşkilat sədri ərazi partiya təşkilatında gələcəkdə həyata keçiriləcək partiya fəaliyyəti, yeni üzvlərin qəbulu, qeydiyyat, uçotun səmərəli aparılması və ideoloji işin məqsədyönlü aparılması ilə bağlı öz tövsiyələrini vermiş, ƏPT-nin işinə uğurlar arzulamışdır.

Hesabat məruzəsi ətrafında çıxış edən YAP Nərimanov rayon təşkilatının sədr müavini Anar Abbasov və ƏPT-nin sədr müavini Aybəniz Xəlilova təşkilatın fəaliyyətini qənaətbəxş qiymətləndiriblər.

Tədbirdə Yeni Azərbaycan Partiyasının və Nərimanov rayonunun ictimai-siyasi həyatında, eyni zamanda 2024-cü ildə ölkədə keçirilən seçkilərdə fəallığı ilə seçilən üzvlərə Təşəkkürnamə təqdim olunub.

Sonda xatirə şəkli çəkilib.

Paylaş:

Baxılıb: 210 dəfə