YAP Sabirabad rayon təşkilatı “İnsanlığa qarşı törədilmiş faciə” mövzusunda tədbir keçirib

Bakı:

28 °C

49 %

10 m/s

Əlaqə

AZ RU EN

Ana səhifə / YAP xəbərləri / YAP Sabirabad rayon təşkilatı “İnsanlığa qarşı törədilmiş faciə” mövzusunda tədbir keçirib

YAP Sabirabad rayon təşkilatı “İnsanlığa qarşı törədilmiş faciə” mövzusunda tədbir keçirib

24.02.2025 [17:09]

Yeni Azərbaycan Partiyası (YAP) Sabirabad rayon təşkilatı Sabirabad şəhəri 4 saylı ümumtəhsil məktəbində 26 fevral Xocalı soyqırımına həsr olunmuş “İnsanlığa qarşı törədilmiş faciə” mövzusunda tədbir keçirmişdir.

Tədbir də ilk öncə Ulu Öndər Heydər Əliyevin, Xocalı soyqırımı qurbanlarının, eləcə də ölkəmizin ərazi bütövlüyü və suverenliyi uğrunda mübarizədə canlarını qurban vermiş şəhidlərimizin əziz xatirəsi bir dəqiqəlik sükutla yad edilib.

Tədbirdə çıxış edən, YAP Sabirabad rayon təşkilatının məsləhətçisi Tural Hüseynzadə, Sabirabad şəhəri 6 saylı ümumtəhsil məktəbinin direktoru Mais Məmmədov, məktəbin müəlliməsi Aidə Salayeva bildiriblər ki, Azərbaycan tarixinin ən dəhşətli və qanlı səhifələrindən olan Xocalı soyqırımı təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridi, eyni zamanda, bəşər tarixinin ən genişmiqyaslı və xüsusi amansızlıqla törədilmiş hərbi cinayətlərindəndir. Xocalı soyqırımı aqressiv, cinayətkar və terrorçuluğu dövlət səviyyəsinə qaldırmış Ermənistanın rəsmi siyasətinin nəticəsidir. Diqqətə çatdırılıb ki, həmin dövrdə mərkəzi hakimiyyətin biganəliyi və səriştəsizliyi, respublikada xaos və anarxiyanın baş alıb getməsi, vəzifə kürsüsü uğrunda amansız mübarizə aparılması, ölkədəki ordudakı başıpozuqluq, cəbhə xəttində yaşanan faciələrə göstərilən laqeydlik təkcə Xocalı faciəsinin deyil, sonrakı müsibətlərimizin də əsas səbəblərindəndir. Daha sonra qeyd olunub ki, Xocalı faciəsinə ilk dəfə Ulu Öndər Heydər Əliyev tərəfindən 1 Mart 1994-cü il tarixdə siyasi qiymət verilmiş və dünya ictimaiyyətinin Xocalı soyqırımı ilə bağlı məlumatlandırılması istiqamətində xeyli işlər görülmüşdür. Ulu öndərin tapşırığı ilə Xocalı faciəsinin Beynəlxalq təşkilatlar tərəfindən soyqırım kimi tanınması üçün əməli tədbirlər həyata keçirilmişdir. Milli Məclis tərəfindən verilmiş qərarla 26 fevral “Xocalı soyqırımı və milli matəm günü” kimi elan edilmişdir. Bu gün Azərbaycan Respublikasının Prezidenti cənab İlham Əliyev Xocalılara və bütün məcburi köçkünlərə böyük diqqət və qayğı göstərir.

Tədbir məktəbin şagirdi Əminə Quliyevanın “İnsanlığa qarşı törədilmiş faciə” mövzusunda təqdimatı ilə davam edib.

Daha sonra videoçarx nümayiş olunub.

Sonda məktəbin şagirdləri Xocalı soyqrımına həsr edilmiş şeirlər səsləndirib.

Paylaş:

Baxılıb: 372 dəfə