Daşkəsən rayonunda YAP-ın yaranmasının 20-ci ildönümü təntənəli surətdə qeyd edilib

Bakı:

20 °C

73 %

4 m/s

Əlaqə

AZ RU EN

Ana səhifə / YAP xəbərləri / Daşkəsən rayonunda YAP-ın yaranmasının 20-ci ildönümü təntənəli surətdə qeyd edilib

Daşkəsən rayonunda YAP-ın yaranmasının 20-ci ildönümü təntənəli surətdə qeyd edilib

31.10.2012 [02:45]

Mübariz Qurbanlı: YAP zamanın tələbi ilə yarandı və yenicə dövlət müstəqilliyini qazanmış Azərbaycanı dağılmaq təhlükəsindən xilas etdi
Daşkəsən rayonunda Yeni Azərbaycan Partiyasının yaranmasının 20-ci ildönümü münasibətilə keçirilən silsilə tədbirlərə yekun vurulub.
www.yap.org.az saytının məlumatına görə, tədbirlər planına əsasən, şəhər ərazisində yerləşən məktəbəqədər uşaq tərbiyə müəssisələrində, ümumtəhsil məktəblərinin, RİH Başçısının inzibati ərazi dairəsi üzrə nümayəndəliklərinin həyətlərində yüzlərlə ağac əkilib, müxtəlif idman yarışları keçirilib.
Yekun tədbirinin iştirakçıları öncə Yeni Azərbaycan Partiyasının yaradıcısı, Ulu öndər Heydər Əliyevin şəhərin mərkəzində ucaldılmış abidəsinin önünə tər çiçək dəstələri düzüblər.
Sonra tədbir “Yeni həyat” sarayında davam etdirilib.
Daşkəsən rayon İcra Hakimiyyətinin başçısı Əhəd Abıyev Yeni Azərbaycan Partiyasının yaranmasının 20-ci ildönümü münasibətilə iştirakçıları təbrik edərək, geniş nitq söyləyib. O, Yeni Azərbaycan Partiyasının uzun illərə hesablanmış proqramından danışıb, xalqına, Vətəninə xidmət edən möhtərəm Prezidentimiz İlham Əliyevin uğurlu daxili və xarici siyasətinin daim qalib gəlməsindən, dövlət başçısının hər bir Azərbaycan vətəndaşına göstərdiyi xüsusi diqqət və qayğıdan geniş söhbət açıb.
Əhəd Abıyev YAP-ın tarixi zərurətdən yarandığını qeyd edərək bildirib ki, 1991-ci ildə dövlət müstəqilliyini qazandıqdan sonra ölkəmiz faciələrlə üzləşib.
Bacarıqsız rəhbərlərin hakimiyyət uğrunda çəkişmələri, şəxsi maraqların dövlət mənafelərindən üstün tutulması daxili ictimai-siyasi sabitliyin pozulmasına gətirib çıxarmışdı. Belə bir vəziyyətdə xalqı ağır durumdan çıxarmağa, onun sabaha inamını qaytarmağa qadir olan siyasi partiyanın yaradılması tarixin tələbi idi. 1992-ci ilin noyabr ayında Azərbaycanın mütərəqqi qüvvələrinin Ulu öndər Heydər Əliyev ətrafında birləşməsi və xalqımızın həyatını kökündən dəyişən YAP-ın yaradılması Azərbaycanın müasir tarixində çox mühüm hadisəyə çevrilib.
Natiq YAP Daşkəsən rayon təşkilatının rayonda gördüyü işlərə də toxunub. Ə.Abıyev bildirib ki, rayonun inkişafında Yeni Azərbaycan Partiyası Daşkəsən rayon təşkilatının uğurları danılmazdır. Rayon təşkilatı fəaliyyəti dövründə partiya məfkurəsinin əsasını təşkil edən müstəqil dövlətçilik, qanunçuluq, azərbaycançılıq, yaradıcı təkamül, vətəndaş həmrəyliyi və sosial ədalət prinsiplərinin həyata keçirilməsində yaxından iştirak edir.
YAP Daşkəsən rayon təşkilatının sədri Meydanəli Yolçuyev çıxışında partiyanın ötən dövr ərzində qazandığı uğurlardan bəhs edib, YAP-ın 20 illik fəaliyyətinin Azərbaycan tarixində qürur doğuran səhifələrdən olduğunu qeyd edib.
Yeni Azərbaycan Partiyasının İcra katibinin müavini, millət vəkili Mübariz Qurbanlı toplantıda çıxış edərək bu əlamətdar hadisə münasibəti ilə rayon təşkilatının fəallarını təbrik edib. Mübariz Qurbanlı qeyd edib ki, Yeni Azərbaycan Partiyasının yaranması mövcud tarixi şəraitin diktəsi idi. YAP zamanın tələbi ilə yaranıb və yenicə dövlət müstəqilliyini qazanmış Azərbaycanı dağılmaq təhlükəsindən xilas edib. Bu gün dünya xəritəsində özünəməxsus yeri və sözü olan Azərbaycanın möhtəşəm uğurlarında Ulu öndərin yaradıcısı olduğu bu partiyanın müstəsna xidmətləri olub.
Toplantıda həmçinin YAP Siyasi Şurasının üzvü, Milli Məclisin deputatı Mirkazım Kazımov çıxış edərək, tədbir iştirakçılarını təbrik edib.
Yubiley toplantısının sonunda Daşkəsən rayon İcra Hakimiyyətinin başçısı Əhəd Abıyev tərəfindən rayon təşkilatına avtomobil bağışlanılıb.

Paylaş:

Baxılıb: 1483 dəfə