Dünyanın Yeni Əfqanıstan” dərdi

Bakı:

27 °C

57 %

4 m/s

Əlaqə

AZ RU EN

Ana səhifə / Xarici siyasət / Dünyanın Yeni Əfqanıstan” dərdi

Dünyanın Yeni Əfqanıstan” dərdi

16.09.2021 [14:08]

Yaxud region dövlətləri təşviş içində...

Əfqanıstanda baş verən son hadisələr dünya ictimaiyyəti tərəfindən maraqla izlənilir. Prezident Əşrəf Qəninin ölkəni tərk etməsinin ardından faktiki hakimiyyəti ələ almış “Taliban” hərəkatı sabitliyi təmin edə bilmir. Hələ də hökuməti formalaşdırmaqda çətinlik çəkən “Taliban”ın daxilindəki gərginliklər də səngimir. Mövcud vəziyyət, öz növbəsində, regionun gələcək inkişafı baxımından da müəyyən suallar və ciddi narahatlıqlar yaradır. Ekspertlərin qənaətinə əsasən, bu gün Asiya ilə Avropanı birləşdirən iqtisadi-coğrafi kommunikasiyanın keçid məntəqələrindən biri olan Əfqanıstanda yaşanan bu qeyri-müəyyənliklər yaxşı perspektiv vəd etmir.

Yeri gəlmişkən, artıq region dövlətləri mövcud vəziyyətlə əlaqədar öz narahatlıqlarını ifadə etməkdədirlər. Bəs 40 ildən artıq bir müddətdə qarşıdurmaların səngimədiyi Əfqanıstandakı siyasi mənzərə bu gün region üçün nə vəd edir?

Milli Məclisin Beynəlxalq münasibətlər və parlamentlərarası əlaqələr komitəsinin üzvü Asim Mollazadə deyib ki, Əfqanıstanda nələrin baş verə biləcəyini dəqiq proqnozlaşdırmaq asan deyil. Əfqanıstanda gedən siyasi proseslərin inkişafını dəqiq izləmək lazımdır: “Ölkədə vəziyyət gərgindir, çox çətin proseslər gedir və ən əsası, bundan xalq əziyyət çəkir. Siyasi sabitlik təmin olunmayıb. Hətta “Taliban” hərəkatının daxilində belə toqquşmaların olması haqqında bəlli məlumatlar var. “Taliban”ın daxilindəki qarşıdurmalar isə, öz növbəsində hökumət quruculuğu probleminin çözülməməsinə yol açır. Bütün bunları diqqətə alaraq bu ölkədə gələcəkdə nələrin baş verə biləcəyi haqda nikbin proqnoz vermək olduqca çətindir”.

Millət vəkili onu da vurğulayıb ki, Azərbaycan hər zaman dünya ölkələri ilə qarşılıqlı faydalı və milli maraqları təmin edən əsaslarla münasibətlər qurur. Əfqanıstanda yalnız sabit hökumətin qurulmasından sonra qarşılıqlı münasibətlərlə bağlı aydın bir mənzərənin formalaşacağını söyləyən A.Mollazadənin fikrincə, bunun üçün ilk növbədə, Əfqanıstanda dövlət quruculuğu prosesi, başlanılmalıdır. “Azərbaycanın da iştirakçısı olduğu qlobal layihələrlə bağlı hər hansı bir narahatlıq yoxdur. Çünki, Əfqanıstanda gedən proseslərin bu layihələrin icrasına heç bir təsiri yoxdur. Ola bilsin ki, gələcəkdə həmin qlobal layihələrin hansısa qolu Əfqanıstandan keçə bilər, amma qlobal layihələrin əsas iqtisadi istiqaməti Orta Asiya ölkələri üzərindən hələ ki, yalnız Çinə çıxışı mövcuddur. Düzdür, Əfqanıstan daha qısa yoldur, amma ötən 40 ildə bu ölkədə baş verənlər Əfqanıstan üzərindən iqtisadi yolun keçməsini aktual etmir”, - deyən A.Mollazadə onu da əlavə edib.

Qeyd edək ki, dünən Düşənbədə KTMT-nin xarici işlər nazirləri birgə bəyanatla çıxış ediblər. Bəyanatda terror hadisələri və mütəşəkkil narkoticarət qruplarının fəaliyyəti, həmçinin Əfqanıstandan öz ölkələrinə qaçqınların gəlişi ilə əlaqədar narahatlıqlarını bildiriblər.

Pərviz SADAYOĞLU

Paylaş:

Baxılıb: 1121 dəfə