Azərbaycan ilə Rusiyanın regionları arasında əlaqələr möhkəmlənir

Bakı:

16 °C

59 %

9 m/s

Əlaqə

AZ RU EN

Ana səhifə / Xarici siyasət / Azərbaycan ilə Rusiyanın regionları arasında əlaqələr möhkəmlənir

Azərbaycan ilə Rusiyanın regionları arasında əlaqələr möhkəmlənir

11.09.2014 [09:49]

Rusiya Federasiyasının Həştərxan şəhərinə işgüzar səfəri çərçivəsində Nərimanov rayon İcra Hakimiyyətinin başçısı Abdin Fərzəliyev sentyabrın 10-da Həştərxan vilayətinin qubernatoru Aleksandr Jilkin ilə görüşüb.
AzərTAc xəbər verir ki, görüşdə Həştərxan vilayəti və Azərbaycan arasında mövcud olan iqtisadi münasibətlərin, sosial-iqtisadi və mədəni əlaqələrin daha da genişləndirilməsi müzakirə olunub, həyata keçirilmiş və reallaşdırılması nəzərdə tutulan layihələr barədə fikir mübadiləsi aparılıb.
Aleksandr Jilkin Azərbaycan ilə Rusiya arasında əlaqələrin yüksək səviyyədə olduğunu vurğulayaraq, xalqlarımızın tarixi dostluq münasibətlərinin möhkəmlənməsi üçün böyük işlərin görüldüyünü qeyd edib. O xüsusilə vurğulayıb ki, Azərbaycan ilə Rusiya arasında əlaqələr Ümummilli lider Heydər Əliyevin dövründə öz inkişafının yeni mərhələsinə qədəm qoyub və bu gün Prezident İlham Əliyev tərəfindən daha yüksək səviyyəyə çatdırılır. Qubernator, həmçinin, dövlətimizin başçısının təşəbbüsü ilə Həştərxan vilayətində görülmüş genişmiqyaslı işlərdən də danışıb.
Qeyd olunub ki, Azərbaycan tərəfindən Heydər Əliyev Fondunun təşəbbüsü və dəstəyi ilə Həştərxan şəhərində bir sıra sosial layihələr həyata keçirilib. Həştərxanda Ulu öndər Heydər Əliyevin adını daşıyan 11 nömrəli orta məktəbin yenidən qurulması və yeni korpusunun tikilməsi, Ümummilli liderin abidəsinin Onun adını daşıyan parkda ucaldılması, Heydər Əliyev Parkı ilə I Pyotrun abidə kompleksini birləşdirən “Rusiya və Azərbaycan Dostluğu” piyada keçid körpüsünün açılması, “Meçta” uşaq-əyləncə şəhərciyinin salınması, Knyaz Vladimirin abidəsinin ucaldılması və digər layihələr dostluq əlaqələrinin möhkəmlənməsinə xidmət edən amillərdəndir.
Abdin Fərzəliyev Azərbaycan tərəfindən Həştərxan vilayətində aparılan sosial əhəmiyyətli layihələrin daim Heydər Əliyev Fondunun prezidenti Mehriban Əliyevanın diqqət mərkəzində olduğunu vurğulayıb. O qeyd edib ki, Azərbaycan ilə Rusiya regionları arasında ikitərəfli münasibətlər möhkəmlənməkdədir və Həştərxan vilayəti bu sırada xüsusi yer tutur.
Görüşdə, həmçinin, Həştərxan şəhərində Heydər Əliyev Fondu tərəfindən Heydər Əliyev adına 11 nömrəli məktəbin nəzdində yeni 120 yerlik uşaq bağçasının inşasının ən müasir avadanlıqla təchiz edilərək yekunlaşmaq üzrə olduğu bildirilib, 1,5 hektar ətraf ərazidə yaşıllıqların salınması, dekorativ gül kollarının əkilməsi və cari il sentyabr ayının sonunda açılışının planlaşdırılması barədə məlumat verilib və bununla bağlı məsələlər müzakirə olunub.

Paylaş:

Baxılıb: 1388 dəfə