Azərbaycan Hökuməti ilə BMT arasında əməkdaşlıq məsələləri müzakirə olunub

Bakı:

22 °C

94 %

1 m/s

Əlaqə

AZ RU EN

Ana səhifə / Sosial / Azərbaycan Hökuməti ilə BMT arasında əməkdaşlıq məsələləri müzakirə olunub

Azərbaycan Hökuməti ilə BMT arasında əməkdaşlıq məsələləri müzakirə olunub

19.06.2020 [08:58]

İyunun 18-də Ailə, Qadın və Uşaq Problemləri üzrə Dövlət Komitəsinin sədri Bahar Muradovanın BMT-nin Azərbaycan nümayəndəliyinin rəhbəri, rezident əlaqələndirici Qulam İsaqzai ilə onlayn görüşü keçirilib.
Komitədən AZƏRTAC-a bildiriblər ki, görüş çərçivəsində BMT-nin Azərbaycan Hökuməti ilə əməkdaşlığı, onun müvafiq qurumları ilə Komitənin birgə fəaliyyəti, qurumun Dayanıqlı İnkişaf üzrə Çərçivə Sənədinin gender komponentinin, “Qadın məşğulluğunun təminatı ilə bağlı Milli Fəaliyyət Planı”na dəstəyin göstərilməsi və icrasına dair, o cümlədən COVID-19-la bağlı yaranan mövcud vəziyyət, bununla əlaqədar görülən tədbirlər və digər məsələlər müzakirə olunub.
Qulam İsaqzai çıxışında keçən ilin ortalarından başlayaraq dövlət qurumları, vətəndaş cəmiyyəti və digər tərəfdaşlar tərəfindən keçirilən görüş və aparılan müzakirələrin nəticəsində artıq BMT- Azərbaycan Çərçivə Sənədinin yekunlaşmaq üzrə olduğunu bildirib. Qeyd edilib ki, 2021-2025-ci illəri əhatə edən bu sənədin əsas komponenti Dayanıqlı İnkişaf Məqsədləri daxilində gender bərabərliyi və qadınların səlahiyyətləndirilməsidir.
Komitə sədri Bahar Muradova beynəlxalq təşkilatlar, eləcə də qeyri-hökumət təşkilatları ilə səmərəli əməkdaşlığın davam etdirilməsinin önəmini qeyd edərək, əməkdaşlığın daha da gücləndirilməsi və müsbət təcrübə mübadiləsinin aparılmasının bu istiqamətdə fəaliyyətin genişləndirilməsinə imkan yaradacağını diqqətə çatdırıb.
O, eyni zamanda, Dayanıqlı İnkişaf üzrə BMT-Azərbaycan Çərçivə Sənədindən irəli gələn və yeni dövrün tələblərinə uyğun vəzifələrin həyata keçirilməsində Komitənin əməkdaşlığa hazır olduğunu bildirib.
B.Muradova bu il Komitə tərəfindən ilk dəfə olaraq “Gender (kişi və qadınların) bərabərliyinin təminatları haqqında” Azərbaycan Respublikası Qanununun tətbiqi haqqında Milli Məclisə hesabat verəcəyini qeyd edib.
Azərbaycan Respublikasında “Qadın məşğulluğunun təminatı ilə bağlı 2021-2023-cü illəri əhatə edən” Fəaliyyət Planını diqqətə çatdıran Komitə sədri hazırda müəyyən təhlillər aparıldığını və bir sıra yeni fəaliyyət mexanizmlərinin yaranması istiqamətində sənədlərin hazırlandığını diqqətə çatdırıb.
Qadınların əmək bazarına çıxış imkanlarının artırılması, qadınlar arasında sahibkarlığın və özünüməşğulluğun inkişaf etdirilməsi, işsiz və işaxtaran qadınların peşə hazırlığının təmin edilməsinə kömək edən xüsusi tədbirlərin həyata keçirilməsini, eləcə də mövcud qanunvericiliyə dəyişikliyin edilməsi məsələlərinin əhəmiyyətli olduğunu qeyd edən Komitə sədri bütün bunların DİM-lərdə də öz əksini tapdığını vurğulayıb.
Görüş çərçivəsində COVID-19 pandemiyası dövründə dünyada qadın və uşaqlara qarşı baş verən zorakılıq halları, həmçinin gender əsaslı zorakılıqla bağlı görülən işlər və gələcəkdə həyata keçirilməsi vacib məsələlər ətrafında fikir mübadiləsi aparılıb.

Paylaş:

Baxılıb: 427 dəfə