Qaydalara hörmətlə yanaşmaq və əməl etmək hər bir vətəndaşın borcudur

Bakı:

25 °C

71 %

15 m/s

Əlaqə

AZ RU EN

Ana səhifə / Sosial / Qaydalara hörmətlə yanaşmaq və əməl etmək hər bir vətəndaşın borcudur

Qaydalara hörmətlə yanaşmaq və əməl etmək hər bir vətəndaşın borcudur

10.06.2020 [09:18]

Koronavirus pandemiyasının dünyada yayılmağa başladığı ilk gündən etibarən ölkə başçısı cənab İlham Əliyevin rəhbərliyi ilə vətəndaşlarımızın təhlükəsizliyi və sağlamlığının qorunması istiqamətində mühüm addımlar atılmışdır. Qısa müddət ərzində Operativ Qərargahın yaradılması, təhsil müəssisələrinin fəaliyyətinin tamamilə dayandırılması, böyük ticarət mərkəzlərinin, qonşu ölkələrlə sərhədlərin bağlanması və xarici ölkələrdəki vətəndaşlarımızın mərhələli şəkildə Azərbaycana gətirilməsi bu kontekstdə bir neçə nümunədir. Atılan uğurlu addımların nəticəsidir ki, ilkin mərhələdə insanların yoluxma sayını məhdud sayda saxlamaq mümkün olmuşdur. Lakin xüsusi karantin rejiminin yumşaldılması ilə vətəndaşlar tərəfindən müəyyən tələblərə əməl edilməməsi azalmaqda olan yoluxma sayını artırmış, sağalanlara nisbətdə mənfi fərq yaradaraq ölüm sayının da artmasına gətirib çıxarmışdır.
Yoluxma sayının qarşısının alınması məqsədilə 6-7 iyun tarixlərində 2 günlük sərt karantin rejiminin tətbiq olunması vacib idi. Çünki bu günə qədər bir sıra ölkələrdə, o cümlədən qardaş ölkə Türkiyədə belə bir addımın atılması müsbət nəticələrə gətirib çıxarmışdır. Buna görə də ölkəmizdə tətbiq olunan həftə sonu sərtləşdirilmiş karantin rejimi insanların sağlamlığının qorunması üçün atılan növbəti addımdır. Bu addım infeksiyasının yayılma sürətinin azaldılması, habelə onun törədə biləcəyi fəsadların minimuma endirilməsi məqsədilə atılıb. Ümid edirik ki, sərt karantin rejiminin tətbiq olunması gələcəkdə virusun yayılmasının qarşısını alan önəmli vasitələrdən biri olacaq. Hər bir kəs bu vacib günlərdə vətəndaş məsuliyyətini dərk etməli və dövlət tərəfindən qoyulan qaydalara riayət etməlidir. Virusun yayılmasının qarşısının alınması da, yoluxma sayının artmaması da insanlardan asılıdır və hər kəs bunu anlayaraq sosial məsuliyyət nümayiş etdirməlidir.Virusdan qorunmaq üçün yeganə vasitə sosial məsafəni qorumaq, tibbi maskalardan istifadə etmək və eləcə də Nazirlər Kabineti yanında Operativ Qərərgahın tövsiyə və tapşırıqlarına birmənalı olaraq əməl etməkdir. Bu, pandemiya ilə əsas mübarizə formasıdır.
Qeyd edək ki, cənab Prezident İlham Əliyevin 3 iyun tarixində Tərtərdə Dövlət Rəmzləri Muzeyinin açılışı zamanı qoruyucu maskadan istifadə etməsi cəmiyyət üçün çox yaxşı nümunədir. Belə ki, hər birimiz dövlət başçısından nümunə götürərək tibbi maskadan istifadə etməliyik. Eyni zamanda, biz, qaydaların sağlamlığımızın qorunması üçün tətbiq olunduğunu anlamalıyıq. Bundan əlavə, xüsusi karantin rejimində bizi qorumaq üçün fasiləsiz xidmət göstərən dövlət orqanları, səhiyyə təşkilatları və xüsusilə də Daxili İşlər Nazirliyinin əməkdaşlarının əziyyətini yerdə qoymayaraq, bu istiqamətdə atılan addımlara dəstək olaraq özümüzü və yaxınlarımızı qorumalıyıq. Qaydalara hörmətlə yanaşmaq və əməl etmək hər bir Azərbaycan vətəndaşının borcudur.
Manaf Manafov
Pirallahı rayon Mənzil-Kommunal Təsərrüfatı Birliyinin rəisi

Paylaş:

Baxılıb: 381 dəfə