"Azərsun Holdinq": Qida təminatı ilə bağlı sıxıntı olmayacaq

Bakı:

30 °C

38 %

0 m/s

Əlaqə

AZ RU EN

Ana səhifə / Sosial / "Azərsun Holdinq": Qida təminatı ilə bağlı sıxıntı olmayacaq - FOTO

"Azərsun Holdinq": Qida təminatı ilə bağlı sıxıntı olmayacaq - FOTO

21.03.2020 [17:54]

Yarandığı gündən ölkəmizdə ərzaq təhlükəsizliyinin təmin edilməsində öndə gedən şirkət olan “Azərsun Holdinq”in nəzdində çalışan bütün istehsal müəssisələri, qida təminat zənciri, koronavirus infeksiyası ilə əlaqədar yaranmış vəziyyətdə fəaliyyətlərini tam qüvvə ilə davam etdirirlər.

Holdinqdən “APA-Economics”ə verilən məlumata görə, ölkə rəhbərliyinin və Ümumdünya Səhiyyə Təşkilatının bütün tələb və tövsiyələrinə ən yüksək səviyyədə riayət olunmaqla fəaliyyətin bütün sahələrində dezinfeksiya və profilaktika tədbirləri keçirilir.

İnsan sağlamlığını ən ali dəyər hesab edən Şirkətlər qrupu dünyada və Azərbaycanda tüğyan edən virusla mübarizə şəraitində bütün qüvvələri ilə səfərbərdir. 28 illik fəaliyyəti ilə ölkənin və xalqın bir parçasına çevrilən “Azərsun”un fəaliyyətə bütün qüvvəsi ilə davam etməsi qida sektorunda stabilliyin tam təmin olunması və heç bir ərzaq qıtlığının yaranmamasına şərait yaradacaq. Yaşlı əməkdaşların evdən çalışmasına şərait yaradan şirkətlər qrupunda, ofis və istehsalatda işləyən digər insanların sağlamlığının təmini və iş prosesinin davamlılığı üçün bütün zəruri addımlar atılır. Bütün müəssisələrin girişində daxil olan şəxslərin sağlamlığının yoxlanılması üçün zəruri avadanlıqlar quraşdırılıb, əməkdaşlar qoruyucu maska, əlcək və digər zəruri vasitələrlə təmin edilir. Müəssisə daxili məkanlar mütəmadi olaraq dezinfeksiya edilir. Daxil olan bütün nəqliyyat vasitələri dezinfeksiya edildikdən sonra içəri buraxılır. Bundan əlavə müəssisə daxilində 24 saat fasiləsiz olaraq tibb məntəqələri fəaliyyət göstərir, burada hər hansı əməkdaşın səhhəti ilə bağlı narahatlığı yaranarsa məsələyə həkimlər tərəfindən dərhal müdaxilə edilə bilər.

“Xalqımızın sağlamlığı hər şeydən önəmlidir. Çünki, sağlam xalq, həm də güclü dövlətin təməlidir. Əhalinin sağlamlığını hər şeydən öndə tutan “Azərsun Holdinq” də daim işinə bu prinsiplə yanaşır. Bu məsələdə, şirkətlər qrupu öz məsuliyyətini yaxşı dərk edir, virusla mübarizədə dövlətin həyata keçirdiyi tədbirlərə qoşulur, rəhbər və işçi heyəti ilə səfərbər olaraq təhlükəsizliyi təmin etmək üçün əzm göstərir. “Azərsun Holdinq” əminliklə bildirir ki, hər zaman olduğu kimi bundan sonra da yarana biləcək istənilən vəziyyətdə əhalini davamlı olaraq sağlam, ekoloji təmiz qida ilə təmin edəcək”, - holdinqin məlumatında deyilir.

Paylaş:

Baxılıb: 576 dəfə